1 पतरस 1:8 - लाहौली बाइबिल

⁸ केहच़ी यीशु बि अपेहला तंङसी माह तंई, तांला केहच़ी दोरंङ साते दाह लहज़ातंई। केहच़ी दू हेंतेग ला माह तंङज़ातंई, पर केहच़ी विशवास लहज़ातंई। झांह लेह, केरे खुशीऊ मोह्ड़े दाह ज़ि महस खुश तोतोंई अंऊ दोबि शब्दा रिंङ बयान लेह मरपोंई।

1 पतरस 1:8 Iomraidhean Croise

मत्ती 10:37

अच़ि एनोह याह ए बाहबि गिहबे चंबे चेहच़ा, दुह गिऊ जोहगे माह शुह; दंङ अच़ि याह बि या मियोबि गिहबे महस दाह चेहच़ा दुह गिऊ चेला बणेक्पिमी जोगे माह।

यहून्नो 14:15

“अगर केहच़ी गेरंङ दाह लोहनी, ता गिऊ हुकुम मनेक्पोंई।

यहून्नो 14:21

अतु कछंङ गिऊ हुकुम तोह, दंङ दोई दुह मनेक्च़ा, दोई ए गेरंङ साते दाह लहज़ा, दंङ अच़ि गेरंङ साते दाह लाह, दोरंङ साते गिऊ पिता परमेश्वरे दाह लोहतो, दंङ गेह दोरंङ साते दाह लोहग, दंङ घेंङा बि दोऊ टोईच़ी प्रगट लोहग।”

यहून्नो 14:24

अच़ि गेरंङ साते दाह माह लहज़ा, दोई गिऊ शिक्षा ला माह मनेक्च़ी, दंङ अंऊ शिक्षा केहच़ी रेड्रातंई, दुह गिऊ माह शुह पर पिता परमेश्वरो शुह, अच़ि गेह च़रसी शुगाह।

यहून्नो 16:22

ध्वांए ठ्रोह हेंतेग केहरे ला दुखी तोतोंई, पर गेह केतंङ साते यच़ाह दोहग दंङ केहरे खुश शुहचे योंई; दंङ अच़िला केहतु खुशी, केहतु दोरच़ी शता माह लोहर।

यहून्नो 20:29

यीशु ज़ि दोबि कुहतो, “केई ता गेह खंड्राते गिऊ टोहकठे विशवास लहतन? धन्य शुहरे दोरे, अरी गिह्बी माह खंड्राते गिऊ टोहकठे विशवास लहज़ातोर।”

यहून्नो 8:42

यीशु ज़ि दोतंङ साते कुंई, “अगर परमेश्वर केहतु बाह शुहचंङ ता केहच़ी गेरंङ साते दाह लंहीयां; छना कुचे गेह परमेश्वरो दोरच़ी अंज़े शुगाह; गेह घेंङा ए अंज़े माह शुगाह, पर दोइए च़रसी शुगाह।

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

1 कुरिन्थियों 16:22

हे ञेंहतु प्रभु, अता।

2 कुरिन्थियों 4:18

छना कुचे हेंज़ी हेंदु ध्यान दोऊ टोहकठे माह लगाएकातंई, अंऊ तंङफा पर दोऊ टोहकठे लगाएकातंई, अंऊ तंङफा ए माह, अंऊ ला धिर तंङफा, दू थोड़े टेमो थल्जी शुह पर अंऊ तंङफा माह दू अनंत काल तचेक बंङज़ा।

2 कुरिन्थियों 5:7

हेंतेग हेनर अपेहल दि संसारारंङ बंङज़ातंई, दंङ हेनर हेंदु विशवासो दोरच़ी प्रभु थलेच़ि ज़ोवातंई, माह कि दोबि खंड्राते।

2 कुरिन्थियों 9:15

अतंई हेनर परमेश्वरो दुह दानो थल्जी मतलब दोऊ योह थल्जी धन्यवाद लोहनि अतु वर्णन अच़िला पूरे ठ्रोह लेह मरपोतो।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

इफिसियों 6:24

दंङ गेह दि ला प्रार्थना लहज़ातग, कि परमेश्वर दू भत्ते तु टोईच़ी एनोह मोह्ड़े दाह कंबतो अंऊ हेंदु प्रभु यीशु मसीहरिंङ साते दाह लहज़ातोर। दू दाह अंऊ अपेहल ला योहसिमी माह।

फिलिपियों 1:25

गिह्बी दिरिंङ छल्ले शक माह, झांह लेह गिह्बी पता तोह कि एंतेग गेह माह सिओग। दंङ झांह लेह गिह्बी विशवास तोह कि गेह श्रींङी बंङज़ोग।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

फिलिपियों 4:4

प्रभुरिंङ सदा खुश बंङज़ुंई; गेह यह्च़ा कुट्रातग, खुश बंङज़ुंई।

इब्रानियों 11:1

विशवास दि गप्पो टोईच़ी भरोसा लहज़ी शुह कि हेंदिंङ पक्‍का रूपारिंङ दू ए खोकसोतो अतु हेंज़ी उम्मीद लहज़ातंई दंङ दि उम्मीद लहज़ी कि अंऊ चीज़ारे हेंज़ी खंड्री मरच़ातंई दू हेले रिंङ तोह।

इब्रानियों 11:27

विशवासो दोरच़ी रज्ज़ा ओ रोहष रंङ साते माह बेवा ते मूसा ज़ि मिस्त्र देश छोड़ेकी च़रति, छना कुचे दोई ञेंई च़रते कि दि झांह तोहई कि छना दोई परमेश्वरा बि तंङाते अंऊ तंङफिमी माह तोहई।

1 पतरस 1:6

केतिंङ दि भत्ते चीज़ा तु थल्जी खुश शुहबी लेह्पोतो, चाहे हेंतेग थोड़े टेमो थल्जी शत्‌ह-शत्‌ह पाहठी परेशानी केतिंङ दुखी लहज़ा।

1 पतरस 2:7

दि रह्घ केहतु थल्जी महस कीमती तोह अंऊ यीशु मसीह टोईच़ी विशवास लहज़ातंई। पर अंऊ मीहरे दोऊ टोईच़ी विशवास माह लहज़ातोर दोतु पाहठी पवित्र शास्त्रे कुट्रा कि, “राजमिस्त्रिज़ि अंऊ रह्घ तु इस्तेमाल लहज़िमी थल्जी इन्कार लेह च़रतिर, दू चुंङी मुयांदो थल्जी भत्ते बे खास रह्घ बणेंके इलि।”

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।