1 पतरस 1:25 - लाहौली बाइबिल

²⁵ पर परमेश्वरो बचन हमेशा बणेंके बंङज़ोतो। दि बचन मसीहू पाहठी रूठे खबर‍ शुह अंऊ केहतु बिचंङ प्रचार लहसी तोह।

1 पतरस 1:25 Iomraidhean Croise

मत्ती 5:18

छना कुचे गेह केतंङ साते हेले कुट्रातग, कि अपेहल तचेक कि मूसाओ कानूनो भत्ते भविष्यवाणी पुरे माह शोतो, धोंण तचेक परमेश्वरो ब्यवस्थाज़ि इच्च़ा मात्रा या बिन्दु ला माह योह्सोतो।

लूको 16:17

सर्ग ए धरती योह्सा इबि तरच़ी। पर परमेश्वरो बणाएषी कानूनो इच्च़ा ला बिंदु माह योसतो।”

यहून्नो 1:1

दिह भत्ते संसारो शुरुवात बेहच़ी तुहई दुह तोहई अतिंङ बचन कुट्री, दंङ दुह परमेश्वरारंङ साते तोहई दंङ दुह परमेश्वर तोहई।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

1 कुरिन्थियों 2:2

छना कुचे केहतु बिचंङ गेह दि ठानेगी अतिगा कि गेह यीशु मसीह ए दोऊ क्रूसो मौतो अलावा ऊई अंऊ ला गप्पा माह ञेंहरिगा।

इफिसियों 2:17

दंङ मसीह अंज़े केतिंङ ऊईजाति ऊ मीहतिंङ, अंऊ परमेश्वरो दोरच़ी ऊईतार तोईरे, दंङ यहुदी मीहरे अंऊ दोऊ कछंङ तोईरे, झुल्लातिंङ मेल-मिलापो रूठे खबर सुनाएति।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

तीतुस 1:3

दंङ हेंतेग ठीक टेमारिंङ, परमेश्वरे दि रूठे खबर हेंदु तुईज़ी प्रगट लहरी, दंङ हेनर दिऊ प्रचार भत्ते तु बिचंङ लहज़ातंई हेंदु उद्धारकर्ता परमेश्वरे दि हुकुम रंड्रा गिह्बी ज़िम्मेवारी रंदे कि दोऊ थल्जी दि कम लोहग।

इब्रानियों 6:5

दोच़ी महसूस लहसी तातोर कि परमेश्वरो तरफे अंजा खबर रूठे तोह दंङ दोच़ी अंजा दू सामर्थो ला अनुभव लहसी तातोर।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

2 पतरस 1:19

दिऊ थल्जी हेनर भविष्यवक्तातु दोरच़ी च़ेहसी बचनो टोईच़ी ऊई ला महस विशवास लहज़ातंई। अगर केरे दि रूठे खबरो टोईच़ी ध्यान रमोंई, दंङ केहच़ी इच्च़ा रूठे कम लोहनि, छना कुचे दि इच्च़ा संजवा ओ ठ्रोह तोह अंऊ हंयार ठाहरीरिंङ चमकेक्पा, अपेहल तचेक कि ध्याड़ा माह शवात दंङ मसीहू छंङी केहतु सेहम रिंङ चमकेक्पा, छना ठ्रोह मुंजे कि करज़े संसारा रिंङ छंङी हपा।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

प्रकाशित वाक्य 14:6

दंङ गेह अई इच्च़ा स्वर्गदूता बि सर्गो टोईच़ी फन्ज़ि तंङरिगा। दुह स्वर्गदूते दुह रूठे खबर कुरच़ा तोहई अंऊ अपेहल ला माह लेहक्सा, दोई संसारा रिंङ बंङज़ा मीहतु, हर इच्च़ा देश, हर इच्च़ा गोत्र दंङ भत्ते पाहठी भाषा रिंङ दिऊ घोषणा लहरिर।