1 पतरस 1:22 - लाहौली बाइबिल

²² छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 1:22 Iomraidhean Croise

यहून्नो 15:17

दीह गप्पातु हुकुम गेह केतिंङ दिऊ थल्जी रंड्रातग कि केन्दु बिचंङ दाह लांही।

यहून्नो 15:3

केहरे ता दुह शिक्षा ओ बजह च़ि अंऊ गेह केतंङ साते कुहषी तातग, शुद्ध तोतोन।

यहून्नो 17:17

कांह बचन सच्चाई शुह। दिऊ थल्जी दोतिंङ सच्चाई रिंङ केनोह थल्जी शत्‌ह लोहू

यहून्नो 17:19

दंङ दोतु फायदा ओ थल्जी गेह घेंङा बि पवित्र लहज़ातग कि दोरे ला सच्चाई ऊ दोरच़ी पवित्र लेह जूंस।

प्रेरित 15:9

दोई ञेंहतु ए दोतु बिचंङ छल्ले भेद-भाव माह लहरी छना कुचे विशवासो दोरच़ी दोई दोतु सेहम शुद्ध लेह च़रति।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 2:8

पर अंऊ मतलबी तोतोर ए सच्चाई माह मनेक्च़ातोर, पर मदम लहज़ी जुन्ज़ातोर, परमेश्वर दोतु टोईच़ी एनोह रोहष प्रगट लोहतो।

रोमियो 8:13

छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

2 कुरिन्थियों 6:6

पर ञेंहच़ी हेंदिंङ पवित्र तहसी तातंई, दंङ ज्ञानवान, सहनशीलता ए दाह कंज़े तोईरे। पवित्र आत्मो हाज़िरी ञेंहतंङ साते तोहई।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

गलातियों 5:7

केरे ता केनातु आत्मिक ज़रका रिंङ ला रूठे रंङ ज़रका रैंईनि। अच़ि केतिंङ तुंखा शुहबिमी दोरच़ी रोकेक्सी ततो कि केरे सच्चाई बि था ञेंहनि।

इफिसियों 4:3

झांह लहज़िमी कोशिश लंहि ताकि केरे लगातार मेल-मिलाप रंङ साते बणेंके तोंई, छना कुचे केरे परमेश्वरो आत्माओ दोरच़ी इच्च़ा शुहचे इलजी तोतोंई।

फिलिपियों 1:9

दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

1 थिस्सलुनीकियों 3:12

ञेंहच़ी दि ला प्रार्थना लहज़ातंई कि प्रभु ज़ि झांह लोहतो कि, कि छना ञेंहच़ी केतंङ साते दाह लहज़ातंई, ध्वांए ए केहच़ी लाह इदि-अई दिरंङ साते दाह लोहवा लंहि, दंङ भत्ते मीहतंङ साते केहतु दाह ऊई लाह लगातार बढेक्पि जूंस।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 5:2

दंङ यंङज़ा तिंङ केनातु याह चेहके सलाह रांई; दंङ जवान मेच़िमीतिंङ शुद्ध सेहमे, ध्वांए वर्ताब लंहि, कि दोरे कांह ए रिंङ शोर।

2 तीमुथियुस 1:14

दुह सच्चाई ए रूठे खबरो रखवाली लोह, अंऊ रूठे खबरारंङ साते जुड़ेके तोह, पवित्र आत्मो मदतो दोरच़ी कनिंङ रांहषी ततो, अंऊ हेंदु अन्द्रेग बसेके तोह।

इब्रानियों 11:8

विशवास लहज़िमी रंङ साते ए अब्राहमा बि इच्च़ा ठहरि रिंङ इबिमी थल्जी बुलाएकते, दंङ दू परमेश्वरो हुकुम मनेक्च़ा इच्च़ा झांह ठ्रोह ठहरि अच़ा इलि, अंऊर परमेश्वर दोबि दोऊ हिस्सा ओ ज़मीन रंड्रीमी तते, दंङ दोई दि माह ञेंहच़ाते कि दू अंऊखा इबि तहरे; तांला हुंच़ा इलि।

इब्रानियों 13:1

केनातु बिचंङ रिंङ-न्वारे तु दाह लोहवा लंहि।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

याकूब 4:8

परमेश्वरो कछंङ अतंई, दंङ दुह लाह केहतु कछंङ अपतो: हे पापीरे, केनातु ज़िन्दगीऊ दोरच़ी पाप शत्‌ह लंहि; दंङ हे झुह्ट सेहमा रंङ मीहरे केनातु सेहम पवित्र लंहि।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 पतरस 2:17

भत्ते तु आदर लंहि केनातु भत्ते साथी विशवासी तंङ साते दाह तंही, परमेश्वरा रंङ साते बेईनि, रज्ज़ा ओ आदर लंहि।

1 पतरस 3:1

हे मेच़ारे, केरे ला केनातु गगसा तु अधीन बंङज़ुंई। छना कुचे अगर दोतु बिचंङ ज़ि अरिला परमेश्वरो बचनो टोईच़ी विशवास लहज़िमी रंङ साते इंकार लहज़ा,

1 पतरस 3:20

दि दू मीहतु आत्मा तोहई अंऊ दोच़ी महस तुहई परमेश्वरो गप्पो उलंघन लहसी ताहरेर। अपेहल नूह एनोह नाव बणाएच़ते, दंङ परमेश्वर धीरज़ा रंङ साते रूमज़ा तोहई कि खमोंई छि दोरे मीहरे पश्चाताप लहज़ातोर। पर सिर्फ रें मीहतिंङ दू भयानक डढो दोरच़ी बचाएक्ते।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 4:17

हेंतेग दि परमेश्वरो टेम तोह कि दू मीहतु न्याय लहज़ी शुरू लोहतो। भत्ते बे तुहई दू हेंदु विशवासी तु न्याय लोहतो, झांह लेह दू भयानक चीज़ा तु पाहठी सोचेक्तुंई अंऊ दू मीहतंङ साते शोतो, अंऊ परमेश्वरो रूठे खबर माह मनेक्च़ातेर।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

2 पतरस 1:7

पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।

1 यूहन्ना 3:11

अंऊ समाचार केहच़ी शुरूआत बेहच़ी थाक्शी तातंई दुह, दि तोह कि हेनर इदि, अईदिरंङ साते दाह लोहंई;

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 4:12

परमेश्वराबि अपेहल ला अच़िला माह तंङरि; अगर हेनर हेंदु बिचंङ दाह तोहनि, ता परमेश्वर हेन्दंङ साते बणेंके बंङज़ा; दंङ दोऊ दाह हेन्दंङ सिद्ध शुहचे यवाह।

1 यूहन्ना 4:20

अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।

प्रकाशित वाक्य 2:4

पर गिह्बी कनु हखा दि शिकायत तोह: पर काह गेरंङ साते ध्वांए ठ्रोह दाह माह लहज़ातन छना ठ्रोह दाह केई गेरंङ साते दुह मुक्का लहज़ातेन अपेहल केई मुण्डा गिऊ टोईच़ी विशवास लाहतेन।