1 पतरस 1:21 - लाहौली बाइबिल

²¹ यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 पतरस 1:21 Iomraidhean Croise

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

यहून्नो 12:44

यीशु ज़ि मीहतिंङ जोर रें कुंई, “अच़ि गिऊ टोहकठे विशवास लहज़ा, दोई गिऊ टोहकठे मशत्त पर गिह्बी च़रच़ा परमेश्वरो टोहकठे विशवास लहज़ा।

यहून्नो 14:1

यीशु ज़ि चेला तु हखा कुई, “केहरे परेशान था शुई! छना केहच़ी परमेश्वरो टोहकठे विशवास लहज़ातंई ध्वांए गिऊ टोहकठे ला विशवास लांही।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 17:1

दीह गप्पार एनोह चेला तंङ साते कुट्रिमी थल, यीशु ज़ि स्वर्गो हखा खांई दंङ कुई, “हे पिता परमेश्वर, दुह टेम पिचे अंजा कि केनोह योहू महिमा लोहू कि योह ला कांह महिमा लोहतो,

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

प्रेरित 2:24

पर परमेश्वरे दोबि मौतो टोईच़ि यच़ाह श्रींङमी लहरी; छना कुचे झांह शुहबी माह तोहई कि दुह सिमी वशारिंङ बंङज़ोतो।

प्रेरित 3:13

दि मीहबी अईन लहज़िमी दोरच़ी अब्राहम, इसहाक ए याकूबो परमेश्वर ञेंहतु बाह-मेमेतु परमेश्वरे एनोह सेवक यीशु ऊ महिमा लहरी। पर केहच़ी दुह सच़िमी थल्जी रोमी राज्यपालो हवाले लेह च़रतिन, अपेहल पिलातुसे दोबि रिहा लहज़िमी फेंसला लहरी, दंङ केहच़ी दोऊ तुईज़ी यीशु ऊ इन्कार लहरिन।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

प्रेरित 4:10

ता केहरे भत्ते दंङ भत्ते इस्राएली मीहरे ञेंए केंईनी कि दिह नासरत नगरो यीशु मसीह अधिकारो दोरच़ी लहसी शुह। दुह ए यीशु बि केहच़ी क्रूसो टोईच़ी चढ़ाएकी केहतन, पर परमेश्वरे दुह यच़ाह सिमी दोरच़ी श्रींङे लेह च़रति। तोग दोऊ ए मिन्दु दोरच़ी दिह मीह केहतु तुईज़ी सही सलामत खड़े तोह।

रोमियो 10:9

उद्धारो थल्जी, अगर केई केनोह आहच़ि यीशु बि प्रभु ञेंए मीहतु तुईज़ी अंगीकार लोहन, कि परमेश्वरे दोबि सिमी दोरच़ी श्रींङमी लहरी, दंङ परमेश्वर पक्‍का ए कांह उद्धार लोहतो।

रोमियो 4:24

पर हेंदु थल्जी ला तोह अगर हेनर परमेश्वरो टोहकठे विशवास लोंहि, अच़ि हेंदु प्रभु यीशु बि सिऊ दोतु बिचंङ ज़ि श्रींङमी लहरी, दंङ हेनर ला विशवासो दोरच़ी धर्मी शुहचे योंई।

2 कुरिन्थियों 6:15

दंङ मसीहू शेतान रंङ साते छल्ले नाता माह। दंङ विशवास लहज़ा मीहतु विशवास माह लहज़ा दोतंङ साते छल्ले नाता माह।

इफिसियों 1:15

दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

1 तीमुथियुस 1:1

गेह पोलुस अंऊ हेंदु उद्धारकर्ता परमेश्वर ए यीशु मसीह, अतु टोहकठे हेंज़ी उम्मीद तहज़ातंई, दोऊ अधिकारो दोरच़ी यीशु मसीहू इच्च़ा प्रेरित शुगाह,

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

इब्रानियों 6:1

झांह लेह हेंज़ी अंऊ भत्ते बे तुहई मसीहू पाहठी सिखेक्तेंई दू ए मुयांदो शिक्षा दोहरगी माह तोहनि; झांह लेह अतंई हेनर दू मुयांदी शिक्षा बे तुंखा शुहचे शिक्षा ओ पाहठी विचार लोहनि। हेंदिंङ यह्च़ा दि गप्पा शुरू लहज़िमी ज़रूरत माह, कि हेंदु मदम कमो दोरच़ी पश्चाताप छना लहज़ी जूंशी तोह, दंङ परमेश्वरो टोईच़ी छना विशवास लहज़ी जूंशी तोह।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।