1 पतरस 1:20 - लाहौली बाइबिल

²⁰ दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

1 पतरस 1:20 Iomraidhean Croise

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

प्रेरित 2:23

दुह ए यीशु, परमेश्वर ओ हिटी ऊ हिसाबे ए पुरा समझो हिसाबे, केहतु हवाले लेह केहरिर। दंङ केहच़ी दुह मांजी मीहतु मदत ए मेख्खा लगाके क्रूसंङ चहढा के सचे च़रतिन।

रोमियो 3:25

परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 3:11

परमेश्वरे एनोह हिसाबे झांह लाहते, अंऊ दोई हेंदु प्रभु यीशु मसीहरिंङ पूरा लहरी।

इफिसियों 3:9

दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

कुलुस्सियों 1:26

मतलब दुह भेद अंऊ दुह जुग ए तुहई पीढ़ी बे गुप्त बंङज़िरी, पर हेंतेग परमेश्वरो दुह मीहतु टोईच़ी प्रगट शुई।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 यूहन्ना 1:2

दि मीह अच़ि जीवन रंड्रा दुह दिह धरतीरिंङ अति, दंङ ञेंहच़ी दुह खंई, दंङ दोऊ गवाही रंड्रातंई, दंङ केतिंङ कंड्रातंई कि दि दुह ए शुह अंऊ अनंत जीवन शुह। दुह बाह परमेश्वरा रंङ साते तोहई, दंङ अपि परमेश्वरे हेंदिंङ कंङातो।

1 यूहन्ना 3:5

दंङ केहच़ी ञेंच़ातंई, कि यीशु मसीह दिऊ थल्जी अंज़े शुह, कि पाप बि योह्च़े च़रपोतो; कि दोरिंङ छिल्ला पाप माह।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।