1 पतरस 1:2 - लाहौली बाइबिल

² बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 पतरस 1:2 Iomraidhean Croise

मत्ती 24:22

अगर दोरे ध्याड़ारे घटाशी माशुहचंङ दंङ इच्च़ा ला जीव बचेकी माह शुंईयां, पर शत्‌ह लहसी दोतु बजाहज़ि दुह ध्याड़ारे घटेक्पोर।

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मत्ती 24:31

दोई तुरहीऊ जोहरे सगतंङ साते एनोह दूतारे च़रपोतो, दंङ दोरे धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर।

मरकुसो 13:20

दंङ प्रभुज़ि दुह ध्याड़ारे मा घटाएसी माह शुचंङ, ता इच्च़ा ला जाह्‌न माह बचेक्पी माह तोहई; पर दुह शत्‌ह लहसी दोतु बजाहज़ि अरी दोई शत्‌ह लहसी ततो, दुह ध्याड़ारिंङ घटाची शुह।

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मरकुसो 13:27

दंङ गेह घेंङौ स्वर्गदूतार च़रपोग, कि दोच़ी धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर अंऊ दोच़ी गिऊ टोहकठे विशवास लहज़ातोर।”

लूको 18:7

परमेश्वरे एनोह शता लहसी मीहतु थल्जी अच़ि रात दिन दोऊ तुईज़ी क्रपातोर ज़रुर न्याय लोहतो, दंङ दोतु मदत लहज़िमी थल्जी झाड़ा माह लोहतो।”

प्रेरित 15:18

गेह घेंङौ मीहतु मदत लहरिगा कि दोरे महसे तुहई ए दि गप्पा ए ञेंई तरपोर।

प्रेरित 2:23

दुह ए यीशु, परमेश्वर ओ हिटी ऊ हिसाबे ए पुरा समझो हिसाबे, केहतु हवाले लेह केहरिर। दंङ केहच़ी दुह मांजी मीहतु मदत ए मेख्खा लगाके क्रूसंङ चहढा के सचे च़रतिन।

प्रेरित 20:32

दंङ हेंतेग गेह केतिंङ परमेश्वरा बि सौपेंकाच़ातग दंङ दोऊ मोह्ड़े दाह खबर अंऊ केतिंङ विशवासा रिंङ पक्‍का लहज़िमी जोगे तोह दंङ केतिंङ दुह भत्ते मीहतिंङ विरासत रंड्री अंऊ दोरे दोऊ एनोह शुरे।

रोमियो 1:5

मसीहू दोरच़ी गिह्बी मोह्ड़े दाह ए प्रेरिताई ओ सेवकाई परमेश्वरो दोरच़ी रांहषी तोह, ताकि दोऊ मिन्दु बजाहज़ि भत्ते जातिऊ मीहरे मसीहू टोहकठे विशवास लोहर दंङ दोऊ हुकुम मनेक्पोर,

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 11:2

परमेश्वरे एनोह दू प्रजाबि माह छोड़क्ति, अपि दोई तुहई बेहच़ी अंङषी तते, केहच़ी ञेंच़ातोंई कि पवित्रशास्त्र एलियाह भविष्यवक्ता ओ पाहठी छि कुट्रा, दू इस्राएलो मीहतु खिलाप परमेश्वर रंङ साते शिकायत लहज़ा।

रोमियो 11:28

यहुदी मीहरे परमेश्वरो बैरी शुरे छना कुचे दोरे रूठे खबरो टोईच़ी विशवास लेह माह जुन्ज़ातोरे, दंङ दि केहतु थल्जी फायदा बणेंके इलज़ा। पर परमेश्वर दोतंङ साते दाह लहज़ा छना कुचे दोई दोतिंङ एनोह थल्जी अंङे चरच़तो। दि गप्पो दोई दोतु बाह-मेमेतंङ साते वाईदा लहसी तते।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 16:19

भत्ते ज़ि ञेंहच़ातोर कि केरे अंयों रूठे रंङ प्रभु हुकुमो भाषे लहज़ातंई। झांह लेह गेह केहतु पाहठी सोचेके खुश शवाहतग; पर गेह दि जुंज़ातग कि, केरे भलाई लहज़िमी थल्जी बुद्धिमान, पर बुराई लहज़िमी थल्जी शरीफ बणेंके तोंई।

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 8:13

छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

रोमियो 8:33

अच़िला हेंदु टोहकठे परमेश्वरो तुईज़ी दोष लगाएच़ी मरपोर, छना कुचे दुह ए शुह अंऊ हेंदिंङ धर्मी घोषित लहज़ा।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

2 कुरिन्थियों 10:5

हेनर हेंदु कल्पनारे, दंङ हर इच्च़ा जोरे गप्पा बि, अंऊ परमेश्वरो पहचानो विरोधारिंङ खड़े शवात, खण्डन लहज़ातंई; दंङ हर इच्च़ा भावनाओ टोईच़ी कब्ज़ा लहच़ी मसीहू आज्ञाकारी बणेंके केट्रातंई।

2 कुरिन्थियों 13:14

गेह प्रार्थना लहज़ातग कि प्रभु यीशु मसीहू मोह्ड़े दाह ए परमेश्वरो दाह ए पवित्र आत्माओ सहभगिता केतंङ भत्ते तंङ साते शुहवा लोहतो। अमीन।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

2 थिस्सलुनीकियों 2:13

हे गिऊ प्यारे साथी विशवासी रे, हेंदिंङ हमेशा परमेश्वरो धन्यवाद लेह जुंशी तोह, छना कुचे परमेश्वरे केतंङ साते दाह लहज़ा। परमेश्वरे संसारो रचना बे तुहई केतिंङ अंङे चरच़तो ताकि केतिंङ बचाके तरपोतो केरे यीशु मसीहू पाहठी सच्चा खबरो टोईच़ी विशवास लहज़िमी दंङ दोऊ पवित्र आत्मा दोरच़ी पवित्र बणेषिमी थल्जी अंङषी ततो।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 11:28

विशवासो दोरच़ी ए मूसा ज़ि इस्राएली मीहतिंङ हुकुम रांई, कि दोरे पेतंङो डेऊढी रिंङ शुहई पुरच़ि ते फसह ओ त्याहरो रस्म पूरा लोहर, ताकि मुण्डो कटु नाश लहज़ा दूत, इस्राएलो मुण्डो कटु बि छल्ले लेह मरपोतो।

इब्रानियों 12:24

केरे यीशु कछंङ अंज़े शुई अंऊ परमेश्वर ए मीहतु बिचंङ खरकोई वाईदा ओ बिचवाई लहज़ा, दंङ पुरच़ि शुहई कछंङ अंज़े तोहई, अंऊ हाबिलो शुई ओ ठ्रोह क्रपिमी वहज़ा पाप माफ लहज़िमी गप्पा लहज़ा।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 1:19

दिऊ वहज़ाज़ि, परमेश्वरे केतिंङ मसीहू अनमोल शुहई दोरच़ी च़ुमने च़रति अंऊ हेंदु पापो थल्जी बलि ऊ रूपा रिंङ सिए इलि। दोऊ मौत हेंदु थल्जी परमेश्वरो इच्च़ा कुरच़ो रूपा रिंङ सिद्ध बलि तोहई, छना कि यहुदी पुरोहिता तु दोरच़ी बलि चढ़ाएच़ा सिद्ध ए छल्ले दाग मेह तोहईरे।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

2 पतरस 1:2

गेह प्रार्थना लहज़ातग कि परमेश्वर केतिंङ महसे बे महसे मोह्ड़े दाह ए शांति रम्मा लोहतो छना-छना केरे परमेश्वर ए हेंदु प्रभु यीशु ज्ञानारिंङ तुंखा शवातंई।

2 यूहन्ना 1:1

गेह यूहन्ना अंऊ सेंहणा शुगाह दिह डाक चेहच़ातग। गेह दि डाक परमेश्वरो अंङषी दुह न्वाशा ए दोऊ कटुतिंङ चेहच़ातग, अंऊ दोतंङ गेह सच्चा दाह लहज़ातग, दंङ सिर्फ गेह ए मशत दंङ दोरे भत्तेर गेरंङ साते दाह लहज़ातोर, अंऊ दोच़ी सच्चाई ञेंच़ातोर।

2 यूहन्ना 1:13

कनु न्वाशा कटुरे अपि परमेश्वरे अंङषी ततो कनिंङ नमस्कार कुट्रातोरे।

यहूदा 1:2

गेह प्रार्थना लहज़ातग कि परमेश्वर केतिंङ दया, शांति ए दाह महसे रंङ खोकसा लोहतो।