1 पतरस 1:19 - लाहौली बाइबिल

¹⁹ दिऊ वहज़ाज़ि, परमेश्वरे केतिंङ मसीहू अनमोल शुहई दोरच़ी च़ुमने च़रति अंऊ हेंदु पापो थल्जी बलि ऊ रूपा रिंङ सिए इलि। दोऊ मौत हेंदु थल्जी परमेश्वरो इच्च़ा कुरच़ो रूपा रिंङ सिद्ध बलि तोहई, छना कि यहुदी पुरोहिता तु दोरच़ी बलि चढ़ाएच़ा सिद्ध ए छल्ले दाग मेह तोहईरे।

1 पतरस 1:19 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 26:28

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची माफी ऊ थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 1:36

दंङ दोई यीशु बि अरी दोर्तिंङ इबि लेहकी तोहई, दोखा खंड्रा कुंई, “खंणुई, दी परमेश्वरो कुर्च़ा शुह।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

रोमियो 3:25

परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

कुलुस्सियों 1:14

एनोह योह बलिदानो दोरच़ी परमेश्वरे हेनर शेतानो शाक्ति ऊ दोरच़ी आज़ाद लेह केई दंङ हेंदु पाप माफ लेह केई।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 2:2

दंङ दुह हेंदु पापो माफी ऊ थल्जी बलिदान शुहचे इलि, दुह सिर्फ हेंदु ए मशत पर भत्ते संसारो मीहतु पापो थल्जी लाह बलि शुहचे इलि।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 14:1

दिऊ थल्जी गेह ऊई छा तंङरिगा, गेह सिय्योन गोह टोईच़ी कुरच़ा बि खड़े शुहबी तंङरिगा। दोरंङ साते इच्च़ा लाख निंज़ो पि हज़ार मीहरे तोईरे, दोतु फ्याहरिंङ कुरच़ो मिन ए दोऊ बाह ओ मिन च़ेहसी तोहई।

प्रकाशित वाक्य 14:5

दोच़ी अपेहल ला हप्सी माह कुईर। दोतु अंदरेग छल्ले गलती माह।

प्रकाशित वाक्य 5:6

दोहथर गेह इच्च़ा कुरच़ा तंङरिगा अंऊ सिंहासन ए पिला श्रींङे प्राणी ए निह्जो पि सेंहणा तु बिचंङ खड़े तोहई। कुरच़ो टोहकठे बलिदानो निशान तोहई; दोऊ निह्ज डे ए निह्ज़ी टिरा तोहई; दि परमेश्वरो निह्ज आत्मा ए शुरे अंऊ भत्ते धरतीऊ टोईच़ी चरच़ि तोहई।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 7:14

दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।”