1 पतरस 1:18 - लाहौली बाइबिल

¹⁸ केहच़ी ञेंहच़ातंई कि परमेश्वरे केतिंङ केहतु निक्कमा रिति-रिवाज़ो दोरच़ी, अंऊ केहच़ी केनातु बाह-मेमेतु दोरच़ी सिखेकतुंई, छोड़ेक्च़िमी थल्जी छोह् इस्तेमाल लाहतंई। दोई केतिंङ छुड़ाच़िमी थल्जी झांह ठ्रोह ढबाहो इस्तेमाल माह लहरी अपि ज़ंङ या मुलतु ठ्रोह नाश लेह तरपोंई।

1 पतरस 1:18 Iomraidhean Croise

मरकुसो 8:37

परमेश्वरारंङ साते अनंत जीवन खोकसिमी थल्जी ञेंहज़ि परमेश्वरा बि छल्ले मारंड्री।

रोमियो 1:21

दि बहजाज़ि कि परमेश्वर ञेंए थल ला दोच़ी परमेश्वरो रूपा रिंङ दोबि आदर माह रेंईरे, दंङ माह ए दोऊ धन्यवाद लहरिर, पर दोरे दि भत्ते मुर्खता सोचेक्च़ातोर, देर तचेक कि दोतु मुर्ख विचार भत्ते गलत शुह।

1 कुरिन्थियों 3:20

दंङ पवित्र शास्त्र दि ला कुट्रा कि, “प्रभु ज्ञानी तु विचार ञेंहच़ा, कि दोरे बेकार तोतोर।”

1 कुरिन्थियों 6:20

छना कुचे केरे ढबाह रेंई ते च़ुमसी शुई; झांह लेह केनातु फुको दोरच़ी परमेश्वरो महिमा लंहि।

1 कुरिन्थियों 7:23

परमेश्वरे केहतु थल्जी इच्च़ा मोह्ड़े कीमत रांहषी ततो। झांह लेह मीहतु परगर मशत पर परमेश्वरो परगर बणेक्तुंई।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 9:12

यीशु मसीह परमपवित्र ठहरि छगढ़ो ए रेंज़ो शुहई रेंज़ा मेहलि, पर दू एनोह ए शुहई रेंज़ा इलि। दोई दि सिर्फ इच्च़ा ए फेरा लहरी, दंङ दिबी यह्च़ा लहज़िमी थल्जी अपेहल ला ज़रूरत माह शोतो। दोऊ दोरच़ी ए हेंदिंङ उद्धार खोकसी शुह।

1 पतरस 1:7

दि मुसीबतो मकसद दि कंड्री तोह छि केरे हेले रिंङ परमेश्वरो टोईच़ी विशवास लहज़ातंई। यीशु मसीह रिंङ केहतु विशवास ज़ंङ बे महस कीमती तोह। छना नाशवान शुहच़ा ज़ंङ मेहू बिचंङ परखेक्च़िमी थल्जी दंङ शुद्ध लेह, ध्वांए ठ्रोह अगर केहतु विशवास परखकेक्सी रंङ साते विशवास पक्‍का शुहवा, दंङ दू ध्याड़ा महस षटणा ए मोह्ड़े दाह ए आदर रमतो अपेहल यीशु मसीह यह्च़ा अपतो।

1 पतरस 4:3

इलज़ा दू टेमारिंङ केहच़ी संसारिक मीहतु ठ्रोह मदम लहज़िमी थल्जी महस टेम बर्बाद लेह चरच़ातंई, छना कि कुकम ए वासना, महस तुंङमी ए ऐश-मस्ती लहज़ी, दंङ दोतु मुर्ति तु पूजा, अंऊ दोतंङ परमेश्वरे नफरत लहज़ा।

1 यूहन्ना 3:5

दंङ केहच़ी ञेंच़ातंई, कि यीशु मसीह दिऊ थल्जी अंज़े शुह, कि पाप बि योह्च़े च़रपोतो; कि दोरिंङ छिल्ला पाप माह।