1 पतरस 1:12 - लाहौली बाइबिल

¹² पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 1:12 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 16:17

यीशुज़ि दोबि जुबाब रेंई, “हे शमौन योना ओ योह कांह धन्य शुनाह; छना कुचे अरीया मीह मशत पर गिऊ पिता परमेश्वरे अरी स्वर्गंङ तोह दिह गप्पा कनिंङ टोहकठे प्रगट लह्तो।

मरकुसो 16:15

दंङ यीशुज़ि दोतंङ साते कुतोह, “केहच़ी संसारारंङ इलजे भत्ते मीहतिंङ दी रूठे खबर सुनाएकी च़रतुंई।

लूको 15:10

गेह केतंङ साते कुट्रातग पापो दोरच़ी सेहम यह्च़ा इच्च़ा पापीऊ थल्जी परमेश्वरो स्वर्गदूतातु तुईज़ी खुशी शुहबी।”

लूको 2:26

पवित्र आत्माज़ि दोबि कंड्रिरी, कि सिमी बे तुई दोई प्रभु मसीह बि खमतो।

लूको 9:6

दंङ दोरे हुंच़ा नगर-नगरंङ रूठे खबरो प्रचार लहज़ी लेहतिर, दंङ हर ठाहरीरिंङ मीहतिंङ ठीक लहज़ी लेहती।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

प्रेरित 10:44

पतरस दिह गप्पारे कुट्री ए लेह्की तोहई कि पवित्र आत्मा दुह भत्तेतु टोहकठे तक्सा अति, अंऊ दोऊ बचन रेड्री लेहकी तोईरे।

प्रेरित 16:10

दोऊ दि दर्शन खंड्रिमी थल ञेंहच़ी मकिदुनिया प्रदेश इबिमी विचार लहरी, दि ञेंए कि परमेश्वरे दोतिंङ रूठे खबर सुनाएच़िमी थल्जी बुलाच़ी शुह।

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रेरित 4:8

दोहथर पतरस पवित्र आत्मा रंङ साते पिंङे दोतंङ साते कुई,

प्रेरित 8:25

पतरस यूहन्ना मीहतिंङ कंड्री लेहतिर अंऊ दोरे यीशु पाहठी रूठे रंङ ञेंहच़ातेर, दंङ प्रभु यीशु बचनो प्रचार लहज़ी लेहतिर। दोहथल दोरे यरूशलेम शहरो हखा वापिस अतिर, दंङ अमरिंङ यीशु पाहठी रूठे खबर सामरिया प्रदेशो महसे नगरारिंङ सुनाच़ी लेहतिर।

रोमियो 1:15

झांह लेह गेह केतिंङ रोम शहरारिंङ बंङज़ा तिंङ रूठे खबर सुनाएच़िमी थल्जी तेयार तोतोग।

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

रोमियो 10:15

दंङ दिबे तुहई कि अरिया रूठे खबर सुनाएच़ा दोरे इलजे दोतिंङ कमबोतो, रूठे खबर सुनाएच़ा दोतिंङ चरच़ी ज़रूरी तोह। छना पवित्र शास्त्रारिंङ च़ेहसी तोह, कि “दोतु कोंज़ारे छि ठ्रोह रूठे तोतोरे, अंऊ रूठे गप्पो रूठे खबर सुनाएच़ातोर।”

रोमियो 15:19

पवित्र आत्माओ गिह्बी रांहषी सामर्थो दोरच़ी गेह अद्धभुत कम ए चमत्कार लहज़ातग झांह लेह अंऊर ला गेह यरूशलेम शहरो दोरच़ी इलिरिकुम प्रदेश तचेक अच़ा इलिग, गेह दोर भत्ते मीहतिंङ, यीशु मसीहू पाहठी रूठे खबर सुनाएतिग।

1 कुरिन्थियों 2:10

पर परमेश्वरे दि गप्पा हेंदु टोईच़ी मतलब प्रेरिता तु टोईच़ी एनोह पवित्र आत्माऊ दोरच़ी प्रगट लहरी, छना कुचे झांह ठ्रोह छिल्ला माह अंऊ परमेश्वरो आत्माबि पता माह शोतो। देर तचेक कि परमेश्वरो डुह्गे विचार ला दू रूठे रंङ ञेंहच़ा।

2 कुरिन्थियों 6:6

पर ञेंहच़ी हेंदिंङ पवित्र तहसी तातंई, दंङ ज्ञानवान, सहनशीलता ए दाह कंज़े तोईरे। पवित्र आत्मो हाज़िरी ञेंहतंङ साते तोहई।

गलातियों 1:12

छना कुचे गेह दू घेंङौ बाह-मेमे ओ दोरच़ी सिखेसी माह शुगाह दंङ माह ए अच़िया धर्मिक ज्ञानी ज़ि गिह्बी सिखासी शुह। पर एनोह ए यीशु मसीह ज़ि दोबि गिऊ टोईच़ी प्रगट लहरी।

इफिसियों 3:10

ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

1 पतरस 1:25

पर परमेश्वरो बचन हमेशा बणेंके बंङज़ोतो। दि बचन मसीहू पाहठी रूठे खबर‍ शुह अंऊ केहतु बिचंङ प्रचार लहसी तोह।

1 पतरस 4:6

दिए वहज़ा तोह कि सिए मीहच़ी ला मसीहू पाहठी रूठे खबर रेड्रीर। दोतु फुका बि भत्ते मीहतु ठ्रोह सच़ी लेहती, पर हेंतेग दोरे आत्मारिंङ हमेशा परमेश्वरा रंङ साते बंङज़ातोर।

प्रकाशित वाक्य 5:11

अपेहल गेह यह्च़ा खंईगा, दंङ अचानक ए गेह लाखो लाख स्वर्गदूता तु सग रेड्रीगा, दोतु गिनती शुहबिमी माह तोहई। दोरे सिहासनो, ए दुह पिला श्रींङे प्राणी तु ए दुह निह्जो पि सेंहणा तु पि ला हासी तोईरे।