1 पतरस 1:10 - लाहौली बाइबिल

¹⁰ दि उद्धार झांह ठ्रोह तोहई अतु पाहठी भविष्यवक्तार ऊई ञेंच़िमी तातोर। दोच़ी भविष्यवाणी लहरिर, कि छना परमेश्वर केतिंङ बचाएच़िमी थल्जी केहतु थल्जी दयालु तरीका रंङ कम लोहतो अतु केरे जोगे माह तोहई। दोच़ी जबाब पेट्रीमी थल्जी महस खबरदार रंङ साते जांच लहरिर।

1 पतरस 1:10 Iomraidhean Croise

मत्ती 13:17

छना कुचे गेह केतंङ साते हेले कुट्रातग, कि महस भविष्यवक्ता ए धर्मीज़ि जुन्ज़ातोर कि छि गप्पारे केहच़ी खंड्रातंई, दोच़िला खांहषी जूंस, पर खांऐ माहतिर दंङ अंऊ गप्पा केहच़ी रंड्रातंई, दोच़ी लाह रेड्रोर, पर रेड्री मरतिरे।

मत्ती 26:24

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो। दुह मीह ऊ थल्जी रुठे तोहई कि दोऊ जन्म ए माह शुहचा आ।”

लूको 10:24

छना कुचे गेह केतंङ साते हेले कुट्रातग, कि महस भविष्यवक्ताज़ि ए रज्ज़ा ज़ि जुन्ज़ातोर कि छि गप्पारे केहच़ी खंड्रातंई, दोच़िला खांहषी जूंस, पर खांऐ माहतिर, दंङ अंऊ गप्पा केहच़ी रेड्रातंई; दोच़ी ला रेड्री जूंस, पर रेड्री मरतिरे।”

लूको 24:44

दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

यहून्नो 7:52

दोच़ी दोबि जुबाब रेंईर, “छि कांह गलील प्रदेशो शुनाह आ? पवित्र शास्त्रा रिंङ खंणु, कि अरीला भविष्यवक्ता गलील प्रदेशंङ च़ि माह अपतो।”

प्रेरित 10:43

दोऊ गवाही भत्ते भविष्यवक्तार रंड्रातोर कि अरिला दोऊ टोहकठे बिशवास लोहर, दोतिंङ यीशु ऊ मिन्दु दोरच़ी पापो माफी खोकसोतो।

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

प्रेरित 7:52

छि अपेहला अरिया झांह ठ्रोह भविष्यवक्ता शुंईआ, अतिंङ केहतु बाह-मेमेज़ि परेशान लहसी माह शोहर? देर तचेक कि दोच़ी दुह भविष्यवक्ताऊ ला हत्या लेह च़रतिर, अंऊ दोच़ी मसीहू अपिमी पाहठी तुईए कांहषी तरेर। अच़ि हमेशा दुह ए कम लहज़ाते अंऊ परमेश्वरा बि खुश लहज़ा। दंङ अपेहल मसीह अति, दोऊ हत्या लेह, केरे बिशवासघाती ए हत्यारे शुहचे इलिन।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

इब्रानियों 11:40

छना कुचे परमेश्वरो कछंङ सिर्फ दोतु थल्जी ए मशत, पर हेंदु थल्जी ला इच्च़ा रूठे योजना तोह। परमेश्वरे जुंज़ाते कि दोरे हेंदंङ साते ए सिद्ध बणाएषी जुंज़ा।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।