1 पतरस 1:1 - लाहौली बाइबिल

¹ गेह, पतरस अंऊ यीशु मसीहू प्रेरित शुगाह, दि डाक चेहच़ातग। गेह दि डाक परमेश्वरो अंङषी दू मीहतिंङ चेहच़ातग, अंऊ कि पुन्तुस, गलातिया, कपुदूकिया, आसिया, ए बितुनिया प्रदेशो शत्‌ह-शत्‌ह शहरा रिंङ परदेशी तु ठ्रोह बंङज़ातेर।

1 पतरस 1:1 Iomraidhean Croise

मत्ती 10:2

दुह सनी प्रेरितातु मिन दिह तोहई; पहला शमौन, अतिंङ पतरस लाह कुट्री, दोऊ न्वा अन्द्रियास, जब्दीऊ योह याकूब ए यूहन्ना।

मत्ती 24:22

अगर दोरे ध्याड़ारे घटाशी माशुहचंङ दंङ इच्च़ा ला जीव बचेकी माह शुंईयां, पर शत्‌ह लहसी दोतु बजाहज़ि दुह ध्याड़ारे घटेक्पोर।

मत्ती 4:18

गलीलो झीलो मुखंङ जोतर दोई झुह्ट न्वाकु यानि शमौनाबि अरी पतरस कहलाच़ा, दंङ दोऊ न्वा अन्द्रियासबि झीलंङ जाल केहट्री तंङाहते; छना कुचे दोरे म्हच चुमज़ारे तोईरे।

लूको 18:7

परमेश्वरे एनोह शता लहसी मीहतु थल्जी अच़ि रात दिन दोऊ तुईज़ी क्रपातोर ज़रुर न्याय लोहतो, दंङ दोतु मदत लहज़िमी थल्जी झाड़ा माह लोहतो।”

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 7:35

यहुदी सेंहणार एनातु बिचंङ कुट्री लेहतिर, “दिह अंऊखा योतो कि ञेंहच़ी दिबी माह खोक्पोन? शायद दिह दुह यहुदी मीहतु कछंङ योतो अरी यूनानी शहरंङ शताह-शताह शुहचे बंङज़ातोर। दंङ दोतिंङ ला मीहतिंङ ला शिक्षा रमतो।

प्रेरित 18:2

दंङ दोहर दोबि अक्किला मिंदंङ इच्च़ा यहुदी मीह दोरिह, अतु जन्म पुन्तुस प्रदेशंङ शुहचे तोहई अंऊ इच्च़ा रोमी प्रदेश ला तोहई; दंङ एनोह मेच़ा प्रिस्किल्ला रंङ साते इतालिया प्रदेशो दोरच़ी अंज़े तोहई, छना कुचे महाराजा क्लौदियुसे भत्ते यहुदी मीह तिंङ रोमो दोरच़ी हुंच़िमी हुकुम रांहषी तते, पोलुस दोतंङ साते दोहई इलि।

प्रेरित 18:23

थोड़े हप्ता बंङज़िमी थल, दोई अन्ताकिया शहर छोड़ेके च़रति, दंङ गलातिया प्रदेश ए फ्रुगिया प्रदेशा ज़ि दंङ नगर-नगर तचेक इबि लेहती, दंङ विशवासी तिंङ विशवासा रिंङ पक्‍का लहज़िमी मदत लहरी।

प्रेरित 19:10

दि झुह्ट साल तचेक ज़ारी तोहई, भत्ते मीहरे, झुल्ला यहुदी ए ऊईजाति अंऊ आसिया प्रदेशो बंङज़ातेर, प्रभु यीशु पाहठी खबर रेड्रीर।

प्रेरित 6:9

पर रेह मीहरे स्तिफनुस ओ विरोध लहज़ी लेहतिर। अंऊ दुह यहुदी सभो घरबारो मीहर तोईरे “अतिंङ गुलामी ऊ दोरच़ी आज़ाद मीहतु सभो घर कुट्रा तोईरे” दोरे मीहरे कुरेन ए सिकंदरिया शहरो दंङ किलिकिया ए आसिया प्रदेशंङ च़ि ला तोईरे। दिरे मीहरे स्तिफनुस रंङ साते बहस लहज़ी लेहतिर।

प्रेरित 8:4

पर अंऊ बिशवासीर देखा-नोखा शुहचे तोईरे, अंऊर-अंऊर दोरे इलिर यीशु पाहठी रूठे खबरो प्रचार लहज़ी लेहतिर।

1 कुरिन्थियों 16:19

आसिया प्रदेशो कलीसिया ओ तरफे केतिंङ नमस्कार; अक्किला ए दोऊ मेच़ा प्रिस्किल्ला ओ दंङ दुह कलीसिया अंऊ दोतु चुंङ ठ्रोहका शवाह, दोऊ ला केतिंङ प्रभु रिंङ महसे-महसे नमस्कार।

2 कुरिन्थियों 1:8

हे गिऊ साथी विशवासी रे, गेह जुंज़ातग कि केरे दू परेशानी तु पाहठी ञेंई च़रतुंई अंऊ आसिया नगरंङ ञेंहतु टोहकठे अंदे, दू महस मोह्ड़े ए ञेंहतु सहन शाक्ति बे मोह्ड़े तोहई, देर तचेक कि ञेंहच़ी श्रींङमी बि उम्मीद ए छोड़ेके चरच़ातेंई।

गलातियों 1:2

गेह दि गेरंङ साते देरतिंङ अंयों विशवासी न्वा-रिंङ रे तोतोर, गलातिया प्रदेशो भत्ते कलीसिया ओ भत्ते विशवासी तिंङ नमस्कार कुट्रातोर।

इफिसियों 2:12

केरे मीहरे दू मुक्का मसीह बि माह ञेंहच़ातंई, दंङ केरे इस्राएलो झुंडो दोरच़ी धकते तोंई। परमेश्वरे एनोह वाईदा ओ हिसाबे अंऊ वाईदा यहुदी रंङ साते लहरी, केरे दोर्तिंङ ला भागीदार माह तोईनि। दंङ बिना उम्मीद मेह ए परमेश्वरा बि ञेंए मेह दि संसारारिंङ बंङज़ातंई।

इफिसियों 2:19

झांह लेह हेंतेग केरे ऊईजाति ऊ मीहरे परदेशी ए मुसाफिर माह केहषी, पर परमेश्वरो मीहतंङ साते संगी वासी (नातारे) ए दंङ परमेश्वरो टबर शुहचे इलांई।

2 तीमुथियुस 1:15

केई ञेंहच़ातन कि, आसिया प्रदेशारिंङ बंङज़ा रें विशवासी ज़ि गेह छोड़ेके केहतोर, अंऊर फूगिलुस ए हिरमुगिनेस तोईरे।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

याकूब 1:1

गेह याकूब अंऊ परमेश्वर ए प्रभु यीशु मसीहऊ दास शुगाह, इस्राएलो अंऊ सनी गोत्र अंऊ संसारो शत्‌ह-शत्‌ह ठहरि बंङज़ा तोरे केतिंङ दि डाक चेहच़ातग केतिंङ भत्तेतिंङ गिऊ नमस्ते।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”