1 यूहन्ना 5:9 - लाहौली बाइबिल

⁹ अपेहल हेनर मीहतु गवाही मनेकी केट्रातोंई, दंङ परमेश्वरो गवाही ता दोबि ला मोह्ड़े तोह; दंङ परमेश्वरो गवाही दिह तोह कि दोई एनोह योह पाहठी गवाही रांहषी ततो।

1 यूहन्ना 5:9 Iomraidhean Croise

मत्ती 17:5

पतरस अईता कुट्री ए लेहकी तोहई इच्च़ा छंङसे डुह दोतु टोईच़ी अच्च़ा अति, दुह डुए दोरे कपची च़रति दंङ दोतु हखा डुह बिचंङज़ि परमेश्वरे कुंहई, “दिह गिऊ प्यारे योह शुह अतंङ साते गेह राजी तोतोग; दिऊ रेड्रुंई।”

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

प्रेरित 17:31

छना कुचे दोई इच्च़ा ध्याड़ा ठहरासी ततो, अंऊर दोई दुह मीहू दोरच़ी धर्म रंङ साते संसारो न्याय लोहतो, इच्च़ा मीह तोह अतिंङ दोई दोतिंङ रूठे रंङ न्याय लहज़िमी थल्जी ठहरासी ततो, दंङ दोई दोबि सिमी दोरच़ी यह्च़ा श्रींङमी लहज़ी दि पक्‍का लहरी कि दुह, दुह ए शुह।

प्रेरित 5:32

दंङ ञेंहरे दिह गप्पातु गवाह तोतोन, दंङ पवित्र आत्मा ला, अतिंङ परमेश्वरे एनोह हुकुम मनेक्च़ा दोतिंङ रांहषी ततो।”

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

1 यूहन्ना 5:10

अंऊ परमेश्वरो योह टोईच़ी विशवास लहज़ा, दोई ञेंहच़ा कि परमेश्वरे छिल्ला लाह कुहषी ततो दुह हेले शुह, अच़ि परमेश्वरो टोईच़ी विशवास माह लहज़ा, दोई परमेश्वर बि हप्सी ठहराएति, छना कुचे दोई दुह गवाही टोहकठे विशवास माह लहरी, अंऊ परमेश्वरे एनोह योह पाहठी रांहषी ततो।

1 यूहन्ना 5:8

आत्मा, ती, ए शुहई; दंङ षुमुला इच्च़ा ए गप्पा टोईच़ी सहमत तोतोर।