1 यूहन्ना 5:7 - लाहौली बाइबिल

⁷ गवाही रंड्रा दोरे षुम तोतोर।

1 यूहन्ना 5:7 Iomraidhean Croise

मत्ती 17:5

पतरस अईता कुट्री ए लेहकी तोहई इच्च़ा छंङसे डुह दोतु टोईच़ी अच्च़ा अति, दुह डुए दोरे कपची च़रति दंङ दोतु हखा डुह बिचंङज़ि परमेश्वरे कुंहई, “दिह गिऊ प्यारे योह शुह अतंङ साते गेह राजी तोतोग; दिऊ रेड्रुंई।”

मत्ती 18:16

अगर दोई माह रेड्राता इच्च़ा यताह झुह्ट मीह केनाह रंङ साते लेन्ज़ा शिला, छना कुचे मूसाऊ कानूनो हिसाबे हर इच्च़ा शिकायता बि झुह्ट छिता षुमु गवाहीतु तुईज़ी ठीक साबित शुहबी जूंस।

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

यहून्नो 1:1

दिह भत्ते संसारो शुरुवात बेहच़ी तुहई दुह तोहई अतिंङ बचन कुट्री, दंङ दुह परमेश्वरारंङ साते तोहई दंङ दुह परमेश्वर तोहई।

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 12:28

हे पिता परमेश्वर प्रगट लोह कि कांह अंयों महिमा ओ जोगे तोतोन।” दंङ सर्गंङ ज़ि दिह आकाशवाणी शुई, गेह कंङातग कि गेह अंयों महिमा ओ जोगे तोतोग दंङ गेह दिह्बी यह्च़ा प्रगट लोहग।

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 5:26

छना कुचे अंऊ रीतिरंङ पिता परमेश्वरे ऐनाह जीवन तहच़ा, ध्वांए दोई गिह्बी ला दिह अधिकार रांहषी ततो कि गेह घेंङा ए जीवन तोईग;

यहून्नो 8:18

इच्च़ा गवाह ता गेह शुगाह, अच़ि ऐनाह ए घेंङौ पाहठी गवाही रंड्री लेहकी तोतग दंङ गिऊ पाहठी अई गवाह, गिह्बी च़रच़ा पिता परमेश्वर तोह।”

यहून्नो 8:54

यीशु ज़ि जुबाब रेंई, “अगर गेह घेहें घेंङौ तारीफ लोहग ता गिऊ तारीफ छले माह शुह, पर अच़ि गिऊ तारीफ लहज़ा दुह गिऊ पिता परमेश्वर शुह, दंङ केहच़ी कुट्रातन कि दुह केहतु परमेश्वर शुह।

प्रेरित 2:33

परमेश्वरे यीशु बि भत्ते बे उथड़े ठहरि तचेक खेका लहरी। हेंतेग दुह भत्ते बे उथड़े ठहरि बंङज़ा तोह स्वर्गंङ परमेश्वरो सुचंङ गुहडो हासी। दोबि पवित्र आत्मा रांहषी ततो, दंङ दोई पवित्र आत्मा ञेंतिंङ रांहषी ततो छना कि केहरे तोग रेड्रातंई ए खंड्रातंई।

प्रेरित 5:32

दंङ ञेंहरे दिह गप्पातु गवाह तोतोन, दंङ पवित्र आत्मा ला, अतिंङ परमेश्वरे एनोह हुकुम मनेक्च़ा दोतिंङ रांहषी ततो।”

2 कुरिन्थियों 13:14

गेह प्रार्थना लहज़ातग कि प्रभु यीशु मसीहू मोह्ड़े दाह ए परमेश्वरो दाह ए पवित्र आत्माओ सहभगिता केतंङ भत्ते तंङ साते शुहवा लोहतो। अमीन।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 5:6

दिह यीशु मसीह शुह, अतिंङ दि संसारा रिंङ परमेश्वरे च़रसी शुह, दंङ तिऊ दोरच़ी बपतिस्मा रांहषी शुह, दंङ दोऊ थल शुहई बहाएकी सिए इलि। दुह माह सिर्फ बपतिस्मा लेहपच़ी अति, पर क्रूसो टोहकठे शुहई बहाके सिमी थल्जी अति। पवित्र आत्माज़ि कंड्रा कि यीशु मसीह परमेश्वरो दोरच़ी अंज़े शुह दंङ अंऊ पवित्र आत्माज़ि कुट्रा दुह हमेशा हेले शुह।

1 यूहन्ना 5:8

आत्मा, ती, ए शुहई; दंङ षुमुला इच्च़ा ए गप्पा टोईच़ी सहमत तोतोर।

प्रकाशित वाक्य 19:13

दुह शुहई रिंङ ठुह्मशी खमज़ेर लहज़ा, दंङ दोऊ मिन “परमेश्वरो बचन” तोह।