1 यूहन्ना 5:6 - लाहौली बाइबिल

⁶ दिह यीशु मसीह शुह, अतिंङ दि संसारा रिंङ परमेश्वरे च़रसी शुह, दंङ तिऊ दोरच़ी बपतिस्मा रांहषी शुह, दंङ दोऊ थल शुहई बहाएकी सिए इलि। दुह माह सिर्फ बपतिस्मा लेहपच़ी अति, पर क्रूसो टोहकठे शुहई बहाके सिमी थल्जी अति। पवित्र आत्माज़ि कंड्रा कि यीशु मसीह परमेश्वरो दोरच़ी अंज़े शुह दंङ अंऊ पवित्र आत्माज़ि कुट्रा दुह हमेशा हेले शुह।

1 यूहन्ना 5:6 Iomraidhean Croise

मत्ती 26:28

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची माफी ऊ थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

मत्ती 3:16

दंङ यीशु बपतिस्मा लेहपच़ा दोहथरे तिरिंङ ज़ि हुंज़ा धक्तेक्का अति, दंङ दोऊ थल्जी सर्ग अल्सा इलि, दंङ दोई परमेश्वरो आत्मा कबूतरो ठ्रोह तहकसी एनोह टोईच़ी अपि तंङतो।

मरकुसो 14:24

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची बचाएकसिमी थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

लूको 22:20

ध्वांए दोई बगतो थल दाखो रसो कोली लाह दिह कुचे रन्दो, “दिह कोली (कटोरा) गिऊ शुहई रिंङ खरकोई वाईदा शुह अंऊ केहतु पापो सज़ाओ दोहरची बचाएकसिमी थल्जी बहाएकचिमी तोत।”

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

यहून्नो 3:5

यीशु ज़ि जुबाब रेंई, गेह केतंङ साते हेले कुट्रातग, अपेहल तचेक अरीया मीह ती ए पवित्र आत्मा रंङ साते माह जेह्कपोतो ता दुह परमेश्वरो राज्य रिंङ इबि लेह मरपोतो।

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 6:55

छना कुचे गिऊ फुक हेले ज़ेइमी चीज़ शुह, दंङ गिऊ शुहई हेले ए तुंङमिमी चीज़ शुह।

प्रेरित 8:36

“दंङ अमरिंङ ज़ोजा-जोज़ा दोरे इच्च़ा ठहरि रिंङ पिचे इलिर अंऊर तलाब तोहई। दोथर खोजे ज़ि कुई, खंणु देर्तिंङ तलाब तोह, दा गिह्बी बपतिस्मा लेहप्च़िमी थल्जी छि मुशकिल तोह।”

रोमियो 3:25

परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

कुलुस्सियों 1:4

छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

तीतुस 3:5

दोई हेंदिंङ पापो सज़ा ओ दोरच़ी बचाएति दंङ दि धर्मिकता ओ कमो थल्जी मशत, अंऊ हेंज़ी लाहतंई, पर दोई एनोह दाह ओ हिसाबे लहरी, दोई हेंदु पाप शुल्ज़े शत्‌ह लेह च़रति, दंङ पवित्र आत्माओ दोरच़ी हेंदिंङ खरकोई जीवन रें च़रति।

इब्रानियों 10:29

अगर मूसा ओ कानूनो हिसाबे झांह ठ्रोह सज़ा तोहई, दंङ दू मीहू सज़ा महस मोह्ड़े शोतो अंऊ परमेश्वरो योह अपमान लहज़ा। दोई परमेश्वरो योह बि एनोह कोंज़ो पोयंङ नुच़िह चरच़तो छना कुचे दोई दोऊ आदर-सत्कार माह लहरी। दोई मसीहू दू शुहई अपवित्र ञेंहरी अतु दोरच़ी परमेश्वरे दोबि पवित्र बणाएच़िमी वाईदा शुरू लाहते। दोई पवित्र आत्माओ अपमान लहरी अतु दोरच़ी दोई मोह्ड़े दाह खोकच़ातंई।

इब्रानियों 12:24

केरे यीशु कछंङ अंज़े शुई अंऊ परमेश्वर ए मीहतु बिचंङ खरकोई वाईदा ओ बिचवाई लहज़ा, दंङ पुरच़ि शुहई कछंङ अंज़े तोहई, अंऊ हाबिलो शुई ओ ठ्रोह क्रपिमी वहज़ा पाप माफ लहज़िमी गप्पा लहज़ा।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

इब्रानियों 9:7

पर ऊईतु कमरारिंङ सालो इच्च़ा फेरा यवातेर, सिर्फ यहुदी महापुरोहित यवाते। दू हमेशा दू त्रैंईतु शुई शिलज़ते अंऊ बलि चढ़ाएच़ातेर। दि शुहई बि एनोह पापो माफी ओ थल्जी दंङ मीहतु पापो माफी ऊ थल्जी परमेश्वरा बि चढ़ाएच़ाते अंऊ दोच़ी अंजान रिंङ लाहतेर।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 पतरस 3:21

तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 7:14

दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।”