1 यूहन्ना 5:19 - लाहौली बाइबिल

¹⁹ ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

1 यूहन्ना 5:19 Iomraidhean Croise

लूको 4:6

दंङ दोरंङ साते कुहतो, “गेह दिह भत्ते अधिकार ए, भत्ते ठाट बाठ कनिङ रामोग, छना कुचे दी भत्ते गिऊ गुहड़िंङ तोह; दंङ अतिंङ ला चेयोग दोबि रें च़रपोग।

यहून्नो 12:31

दा दिह टेम शुह अपेहल परमेश्वर संसारो मीहतु न्याय लोहतो, दंङ दा यीशु दिह संसारो मुख्या शेतानो शक्ति बि खत्म लोहतो।

यहून्नो 14:30

गिऊ दोर्तिंङ केतंङ साते गप्पा लहज़िमी थल्जी ऊई टेम माह, छना कुचे दिह संसारो मुख्या शेतान अपि लेहकी तोह, दंङ गिऊ टोहकठे दोऊ छले वश माह।

यहून्नो 16:11

दंङ न्याय ओ पाहठी दिऊ थल्जी याकीन दिलाएपोतो, छना कुचे परमेश्वरे तुईए शेतान बि दोषी ठेहराएसी ततो।

यहून्नो 17:15

गेह दीह बिनती माह लहज़ातग कि केई दोतिंङ संसारारंङ च़ि रेंज़ा शिल, पर दिह कि केई दोतिंङ शेतानो दोरच़ी बचाके तौऊ।

रोमियो 8:16

पवित्र आत्मा एनेह ए केहतु आत्मा रंङ साते गवाही रंड्रा, कि हेनर परमेश्वरो कटुरे शुई।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 5:1

छना कुचे हेंज़ी ञेंच़ातंई, कि देर धरतीऊ टोईच़ी हेंदु फुक इच्च़ा तम्बू ठ्रोह तोह अंऊर हेनर बंङज़ातंई। अगर दू नाश शुहचे यवाह दंङ हेंदिंङ परमेश्वरो तरफे स्वर्गंङ इच्च़ा झांह ठ्रोह फुक खोकसोतो, अंऊ गुह्ट्रे बणाषी माह पर हमेशा तचेक बणेंके बंङज़ोतो।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 5:10

अंऊ परमेश्वरो योह टोईच़ी विशवास लहज़ा, दोई ञेंहच़ा कि परमेश्वरे छिल्ला लाह कुहषी ततो दुह हेले शुह, अच़ि परमेश्वरो टोईच़ी विशवास माह लहज़ा, दोई परमेश्वर बि हप्सी ठहराएति, छना कुचे दोई दुह गवाही टोहकठे विशवास माह लहरी, अंऊ परमेश्वरे एनोह योह पाहठी रांहषी ततो।

1 यूहन्ना 5:13

गेह दिह डाक केतिंङ च़ेहच़ी लेहकी तोतोग अंऊ परमेश्वरो योह मिंदंङ विशवास लहज़ातोर ताकि केहच़ी ञेंओनि कि केहतु दोर अनंत जीवन तोह।

1 यूहन्ना 5:15

दंङ अपेहल हेंज़ी ञेंच़ातंई, कि छिल्ल धिर हेंज़ी परमेश्वरो दोरच़ी पेट्रातंई, दंङ दिला ञेंच़ातंई कि छिल्ला धिर हेंज़ी दोऊ दोरच़ी पेट्रातंई, दुह खोकशातंई।

1 यूहन्ना 5:18

ञेंहच़ी ञेंहच़ातंई कि अरिला परमेश्वरो कटु शुह, दोई लगातार पाप माह लहज़ा; छना कुचे परमेश्वरो योह यीशु मसीह दोबि बचाके तहच़ा: दंङ दुह मांजी शेतान दोबि थोह्की लाह मरछा।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।