1 यूहन्ना 5:18 - लाहौली बाइबिल

¹⁸ ञेंहच़ी ञेंहच़ातंई कि अरिला परमेश्वरो कटु शुह, दोई लगातार पाप माह लहज़ा; छना कुचे परमेश्वरो योह यीशु मसीह दोबि बचाके तहच़ा: दंङ दुह मांजी शेतान दोबि थोह्की लाह मरछा।

1 यूहन्ना 5:18 Iomraidhean Croise

मत्ती 5:37

पर केहतु गप्पा हाँ ओ हाँ ना ओ ना शुहबी जूंस छना कुचे छिला दिहबे महस शोतो दुह शेतानो दोरच़ी शुहबी।

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 14:30

गिऊ दोर्तिंङ केतंङ साते गप्पा लहज़िमी थल्जी ऊई टेम माह, छना कुचे दिह संसारो मुख्या शेतान अपि लेहकी तोह, दंङ गिऊ टोहकठे दोऊ छले वश माह।

यहून्नो 15:4

केहरे गेरंङ बणेंकी तोईन, दंङ गेह केतंङ छना डाड़ी अगर ब्रन्ज़ारिंङ साते माह शोतो ता ऐनाह ए फल माह रंड्री, ध्वांए ठ्रोह, केहरे ला छले रुठे लेह मरपोंन अगर केहरे गेरंङ बणेंक माह बंङज़ोन ता।

यहून्नो 15:7

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

यहून्नो 15:9

छना पिता परमेश्वरे गेरंङ साते दाह लहरी, ध्वांए गेह केतंङ साते दाह लहरिगा, गिऊ दाह रिंङ बणेंक बंङज़ोंई।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

1 यूहन्ना 2:29

छना कुचे केहच़ी ञेंच़ातंई, कि मसीह धर्मी शुह, दंङ दिला ञेंच़ातंई, कि अच़िला धर्मो कम लहज़ा, दोरे परमेश्वरो कटुरे शुरे।

1 यूहन्ना 3:12

दंङ आदमो योह कैनो ठ्रोह थाह बणेक्तुंई, दंङ अच़िला एनोह न्वाऊ हत्या लेह केट्रा, दंङ दोऊ हत्या छिल्ले लहरी? झांह लेह कि दोऊ कम मांजी तोईरे, दंङ दोऊ न्वाऊ कम धर्मो तोईरे।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।

1 यूहन्ना 3:9

दंङ अरिला परमेश्वरो कटु शुह दोई लगातार पाप माह लहज़ा; छना कुचे परमेश्वरो स्वाभाव दोरंङ तोह: दोई पाप लेह मरच़ा छना कुचे दुह परमेश्वरो दोरच़ी कटु शुह।

1 यूहन्ना 4:6

हेनर परमेश्वरो शुई, अच़ि परमेश्वर बि ञेंहच़ा, दोई ञेंहतु रेड्रा; दंङ अच़ि परमेश्वरा बि माह ञेंहच़ा दोई ञेंहतु माह रेड्रा; झांह लेह हेंज़ी सच्चाई ऊ आत्मा ए धोखा ओ आत्मा सेहच़ी केट्रातंई।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

1 यूहन्ना 5:15

दंङ अपेहल हेंज़ी ञेंच़ातंई, कि छिल्ल धिर हेंज़ी परमेश्वरो दोरच़ी पेट्रातंई, दंङ दिला ञेंच़ातंई कि छिल्ला धिर हेंज़ी दोऊ दोरच़ी पेट्रातंई, दुह खोकशातंई।

1 यूहन्ना 5:19

ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

1 यूहन्ना 5:21

हे कटुरे, केनातिंङ मुर्ति ऊ दोरच़ी बचाएगी तंही।

1 यूहन्ना 5:4

छना कुचे परमेश्वरो हर इच्च़ा कटु, संसारो टोईच़ी जीत प्राप्त लहज़ा, दंङ दुह जीत अतंङ संसारो टोईच़ी जीत खोकसा, दुह हेंदु विशवास ए शुह।

यहूदा 1:21

केनातु थल्जी परमेश्वरो दाह महसूस लोहवा लंहि। अपेहल कि केरे हेंदु प्रभु यीशु मसीहू दि उम्मीदा रंङ साते इंतज़ार लहज़ातंई कि केतिंङ अनंत जीवन खोकसोतो। दोई झांह पक्‍का ए लोहतो छना कुचे दोई केतंङ साते दाह लहज़ा।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।