1 यूहन्ना 5:14 - लाहौली बाइबिल

¹⁴ दंङ हेन्दिंङ परमेश्वरो तुईज़ी अंऊ हिम्मत शवाह, दुह दिह तोह; कि अगर हेनर दोऊ हिटीऊ हिसाबे छा पेट्रातंई, दंङ दोई हेंदु रेड्रा।

1 यूहन्ना 5:14 Iomraidhean Croise

मत्ती 21:22

दंङ प्रार्थनारिंङ छिला विशवासारंङ पेट्रोंई दुह भत्ते केतिंङ खोकसा योतो।”

यहून्नो 11:42

दंङ गेह ञेंहच़ातेग, कि केई गिऊ प्रार्थना हमेशा रेड्रातन, पर अंऊ मीहतु भीड़ कछंङ खड़े तोह, दोतु बजह च़ि गेह जोरे कुहतेग, कि दोरे विशवास लोहर कि केई गेह च़रसी शुनाह।”

यहून्नो 14:13

दंङ छिला धिर केहरे गिऊ मिन्ज़ी पेट्रोनी, दुहए गेह लोहग कि गेह मीहू योह दोरच़ी पिता परमेश्वरो महिमा शोतो।

यहून्नो 15:7

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

यहून्नो 16:24

हेंतेग तचेक केहच़ी गिऊ मिंदंङ, पिता परमेश्वरो दोरच़ी छले माह पेट्रीन; पेट्रोंई ता केतिंङ खोकसोतो, दंङ केहतु खुशी पुरे शुबी जूंस।”

यहून्नो 9:31

ञेंतिंङ पता तोह कि परमेश्वरे पापी मीहतु माह रेड्री ञेंहई कि परमेश्वरे पापीतु मारेड्री, अगर अरीआ परमेश्वरो भक्त शुई, दंङ दोऊ गप्पा मनेक्च़ा, ता दोई दोऊ रेड्री।

इफिसियों 3:12

हेनर मसीहरिंङ विशवास लहज़ातंई, दंङ झांह लेह हेनर हिम्मत ए आत्मविशवास रंङ साते परमेश्वरो कछंङ अपातंई।

इब्रानियों 10:35

झांह लेह अपेहल मीहरे केतिंङ सताएपोर, दंङ केनातु याहब था छोडे़क्तेंई ताकि केतिंङ परमेश्वरो तरफे इच्च़ा मोह्ड़े ईनाम खोकसोतो।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

याकूब 4:3

केहच़ी पेट्रातंई पर तांला केतिंङ माह खोकसा, छना कुचे मदम हिटी रंङ साते पेट्रातंई, ताकि केनातु भोग विलासरिंङ योह्च़े तरपोंई।

याकूब 5:16

झांह लेह केरे केनातु बिचंङ इदि, अईदिऊ तुईज़ी केनातु-केनातु पाप मनेके च़रतुंई, दंङ इदि-अईदिऊ थल्जी प्रार्थना लंहि, अंऊ दिरंङ केरे आईन शुहचे योंई; धर्मी मीहू प्रार्थना सामर्थी शुहबी दंङ दोऊ अद्धभुत नतीज़ा खोकसी।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।