1 यूहन्ना 5:10 - लाहौली बाइबिल

¹⁰ अंऊ परमेश्वरो योह टोईच़ी विशवास लहज़ा, दोई ञेंहच़ा कि परमेश्वरे छिल्ला लाह कुहषी ततो दुह हेले शुह, अच़ि परमेश्वरो टोईच़ी विशवास माह लहज़ा, दोई परमेश्वर बि हप्सी ठहराएति, छना कुचे दोई दुह गवाही टोहकठे विशवास माह लहरी, अंऊ परमेश्वरे एनोह योह पाहठी रांहषी ततो।

1 यूहन्ना 5:10 Iomraidhean Croise

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

यहून्नो 3:18

अच़ि परमेश्वरो योहू टोहकठे विशवास लहज़ा, दोऊ टोईच़ी दण्डो आज्ञा माह शुहबी, पर अंऊ दोऊ टोहकठे विशवास माह लहज़ा, दुह दोषी शुहचे इलजी तोह; दिऊ थल्जी कि दोई परमेश्वरो इच्च़ा योहू मिन्दु टोईच़ी विशवास माह लहरिर।

यहून्नो 3:33

पर अंऊ दोच़ी दोऊ गवाही ग्रहण लहरिर दोई दी गप्पा पक्‍का लेह च़रति कि परमेश्वर सच्चा तोह।

यहून्नो 5:38

दंङ दोऊ बचन सेहम रिंङ मा तहच़ातंई, छना कुचे केहच़ी गिऊ टोहकठे विशवास माह लहज़ातनी अतिंङ परमेश्वरे च़रसी शुह।

प्रेरित 8:37

फिलिप्पुस ए कुंई, अगर कांह पूरे सेहम रंङ साते विशवास लहज़ा तोन ता बपतिस्मा लेहपच़ी तरपोन, दोई जुबाब रेंई, गेह विशवास लहज़ातग कि यीशु मसीह ए परमेश्वरो योह शुह।

रोमियो 8:16

पवित्र आत्मा एनेह ए केहतु आत्मा रंङ साते गवाही रंड्रा, कि हेनर परमेश्वरो कटुरे शुई।

गलातियों 4:1

गिऊ कुट्रीमी मकसद दि तोह कि अपेहल तचेक कटु नाबलिग तोह, धोंण तचेक दू भत्ते धिरो मालिक शुहचे ला परगरो बराबर शुहबी।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

इब्रानियों 3:12

हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

2 पतरस 1:19

दिऊ थल्जी हेनर भविष्यवक्तातु दोरच़ी च़ेहसी बचनो टोईच़ी ऊई ला महस विशवास लहज़ातंई। अगर केरे दि रूठे खबरो टोईच़ी ध्यान रमोंई, दंङ केहच़ी इच्च़ा रूठे कम लोहनि, छना कुचे दि इच्च़ा संजवा ओ ठ्रोह तोह अंऊ हंयार ठाहरीरिंङ चमकेक्पा, अपेहल तचेक कि ध्याड़ा माह शवात दंङ मसीहू छंङी केहतु सेहम रिंङ चमकेक्पा, छना ठ्रोह मुंजे कि करज़े संसारा रिंङ छंङी हपा।

1 यूहन्ना 1:10

अगर हेंज़ी कोंहई कि ञेंहच़ी पाप माह लंहि, दंङ हेंज़ी परमेश्वरा बि हप्सी ठहराएच़ा तोंई, दंङ एंतेग तचेक हेंज़ी परमेश्वरो बचन स्वीकार माह लहज़ातंई।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:28

गेह दोबि घेंङौ जीत कंड्रिमी थल्जी मुंजे सरके ओ कर कमोग।