1 यूहन्ना 5:1 - लाहौली बाइबिल

¹ अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

1 यूहन्ना 5:1 Iomraidhean Croise

मत्ती 16:16

शमौन पतरसे दोबि जुबाब रेंहई, “कांह श्रींङी परमेश्वरो योह मसीह शुनाह।”

लूको 7:5

छना कुचे दुह ञेंहतु जातिऊ मीहतंङ साते दाह लहज़ा, दंङ दोई ए ञेंहतु थल्जी यहुदी सभा घरबार बणाएष्री शुह।”

यहून्नो 1:3

परमेश्वरे दोऊ दोरच़ी भत्ते धिर बणाएठ्री शुह, दंङ छिला धिर दुह मेह बणाएषी माह शुह।

यहून्नो 15:23

अच़ि गेरंङ साते दुश्मनी तहच़ा, दोई गिऊ पिता परमेश्वरारंङ साते ला दुश्मनी तहच़ा।

यहून्नो 3:3

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

यहून्नो 6:69

दंङ ञेंहच़ी विशवास लहतन ए ञेंहई च़रतन कि कांह परमेश्वरो दोरच़ी च़रसी पवित्र मीह मसीह शुनाह।”

यहून्नो 8:42

यीशु ज़ि दोतंङ साते कुंई, “अगर परमेश्वर केहतु बाह शुहचंङ ता केहच़ी गेरंङ साते दाह लंहीयां; छना कुचे गेह परमेश्वरो दोरच़ी अंज़े शुगाह; गेह घेंङा ए अंज़े माह शुगाह, पर दोइए च़रसी शुगाह।

प्रेरित 8:36

“दंङ अमरिंङ ज़ोजा-जोज़ा दोरे इच्च़ा ठहरि रिंङ पिचे इलिर अंऊर तलाब तोहई। दोथर खोजे ज़ि कुई, खंणु देर्तिंङ तलाब तोह, दा गिह्बी बपतिस्मा लेहप्च़िमी थल्जी छि मुशकिल तोह।”

प्रेरित 8:37

फिलिप्पुस ए कुंई, अगर कांह पूरे सेहम रंङ साते विशवास लहज़ा तोन ता बपतिस्मा लेहपच़ी तरपोन, दोई जुबाब रेंई, गेह विशवास लहज़ातग कि यीशु मसीह ए परमेश्वरो योह शुह।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

1 यूहन्ना 2:10

अच़िला एनोह विशवासी न्वा तंङ साते दाह तहच़ा दुह छंङीरि बंङज़ा, दंङ दिऊ थल्जी दोऊ अन्द्रेग झांह ठ्रोह छल्ले माह अंऊ ऊईतु पापो बहज़ा बणेक्पोतो।

1 यूहन्ना 2:29

छना कुचे केहच़ी ञेंच़ातंई, कि मसीह धर्मी शुह, दंङ दिला ञेंच़ातंई, कि अच़िला धर्मो कम लहज़ा, दोरे परमेश्वरो कटुरे शुरे।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:17

पर अतु लाह दोर्तिंङ संसारो टंगा ढबाह तोह दंङ दोई एनोह विशवासी न्वाऊ ज़रुरतो मुक्का दोबि रें दोऊ टोईच़ी तरस लेह माह जुंज़ा, दंङ दोऊ अन्द्रेग परमेश्वरो दाह छना बणेंके बंङज़तो?

1 यूहन्ना 3:9

दंङ अरिला परमेश्वरो कटु शुह दोई लगातार पाप माह लहज़ा; छना कुचे परमेश्वरो स्वाभाव दोरंङ तोह: दोई पाप लेह मरच़ा छना कुचे दुह परमेश्वरो दोरच़ी कटु शुह।

1 यूहन्ना 4:2

परमेश्वरो आत्मा केहच़ी दि रीतिरंङ साते सेहषी तरपोंई, अंऊ ला मीह दि मनेके केट्रा, कि यीशु मसीह मीहू रूपारिंङ अति दुह परमेश्वरो दोरच़ी शुह।

1 यूहन्ना 4:20

अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।

1 यूहन्ना 5:18

ञेंहच़ी ञेंहच़ातंई कि अरिला परमेश्वरो कटु शुह, दोई लगातार पाप माह लहज़ा; छना कुचे परमेश्वरो योह यीशु मसीह दोबि बचाके तहच़ा: दंङ दुह मांजी शेतान दोबि थोह्की लाह मरछा।

1 यूहन्ना 5:4

छना कुचे परमेश्वरो हर इच्च़ा कटु, संसारो टोईच़ी जीत प्राप्त लहज़ा, दंङ दुह जीत अतंङ संसारो टोईच़ी जीत खोकसा, दुह हेंदु विशवास ए शुह।

1 यूहन्ना 5:5

संसारो टोईच़ी जीत खोकसा दुह अरि शुह? सिर्फ दुह अतु विशवास तो कि यीशु ए परमेश्वरो योह शुह।