1 यूहन्ना 4:9 - लाहौली बाइबिल

⁹ अंऊ दाह परमेश्वरे हेन्दंङ साते तहच़ा, दुह दिरंङ साते प्रगट शुई कि परमेश्वरे एनोह इच्च़ा योह संसारारिंङ च़रति कि हेनर दोऊ दोरच़ी अनंत जीवन खोकपोंई।

1 यूहन्ना 4:9 Iomraidhean Croise

मरकुसो 12:6

दंङ दुह मालिको कछंङ इच्च़ा ए मीह केह्षा इलि, अंऊ दोऊ प्यारे योह तोहई। दोई दोबि दी सोचेके च़रति कि दुरेह गिऊ योहू आदर लोहतो।

लूको 4:18

“प्रभुऊ आत्मा गिऊ टोईच़ी तोह, छना कुचे कि दोई गरीबातिंङ रूठे खबर सुनाएच़िमी थल्जी गिऊ अभिषेक लहसी शुह। दंङ गेह दिऊ थल्जी चरच़ि शुगाह कि केदीतिंङ छुटकारा ए कांणे दोतिंङ खंड्रिमी रूठे खबर सुनाएपोग, दंङ दुखी ए लचार मीहतिंङ दोतु दोरच़ी छुड़ाएपोग अच़ि दोतु टोईच़ी अत्याचार लाहतोर,

यहून्नो 10:10

चोर ऊई कमो थल्जी माह पर सिर्फ चोरी लहज़ी ए हत्या लेही दंङ नाश लहज़िमी थल्जी अपि। गेह दिऊ थल्जी अंज़े शुगाह कि दोतिंङ जीवन रमोग।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

यहून्नो 3:18

अच़ि परमेश्वरो योहू टोहकठे विशवास लहज़ा, दोऊ टोईच़ी दण्डो आज्ञा माह शुहबी, पर अंऊ दोऊ टोहकठे विशवास माह लहज़ा, दुह दोषी शुहचे इलजी तोह; दिऊ थल्जी कि दोई परमेश्वरो इच्च़ा योहू मिन्दु टोईच़ी विशवास माह लहरिर।

यहून्नो 6:29

यीशु ज़ि दोतिंङ जुबाब रेंई, “परमेश्वरे जुंज़ातो कि केहरे दोऊ टोहकठे विशवास लांही अरी दोई च़रसी शुह।”

यहून्नो 6:51

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

यहून्नो 6:57

गिऊ पिता परमेश्वर अच़ि गेह च़रसी शुगाह, दोई जीवन रंड्री। छना ठ्रोह दोई गिह्बी जीवन रंदो, ध्वांए गेह ला दुह मीहबी जीवन रमोग अच़ि गिऊ फुक ज़ोतो।

यहून्नो 8:29

दंङ गिह्बी च़रच़ा गेरंङ साते तोह; दोई गेह इच्च़ा माकेऊ छना कुचे गेह हमेशा दुहए कम लहज़ातग, अंऊच़ि दुह खुश शवाह।”

यहून्नो 8:42

यीशु ज़ि दोतंङ साते कुंई, “अगर परमेश्वर केहतु बाह शुहचंङ ता केहच़ी गेरंङ साते दाह लंहीयां; छना कुचे गेह परमेश्वरो दोरच़ी अंज़े शुगाह; गेह घेंङा ए अंज़े माह शुगाह, पर दोइए च़रसी शुगाह।

यहून्नो 9:3

यीशु ज़ि जुबाब रेंई, “माह दि पाप लहते, माह दिऊ याह बाह ज़ि पर दिह दिऊ थल्जी कांणे जेह्के शुह, कि परमेश्वरो सामर्थ दोऊ दोरच़ी प्रगट शवाह लोहतो।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

इब्रानियों 1:5

पवित्र शास्त्रारिंङ अपेहल अच़िया माह कंड्रीर कि परमेश्वरे दू भत्ते अरिया स्वर्गदूता तु हखा कुई, अंऊ दोई एनोह योह हखा कुई, “काह गिऊ योह शुनाह; तोग गेह घोषणा लहज़ातग कि काह गिऊ योह शुनाह” “दंङ, दोई झांह एनोह अरिला स्वर्गदूतो हखा माह कुई” “कि गेह दोऊ बाह बणेक्पोग, दंङ दू गिऊ योह बणेंके योतो।”

1 यूहन्ना 3:16

ञेंहच़ी दाह दिऊ दोरच़ी ए ञेंहरिन कि यीशु मसीह हेंदु थल्जी एनोह जहान रें च़रति; झांह लेह हेंदिंङ ला विशवासी न्वारेतु थल्जी जहान रंड्री जूंस।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

1 यूहन्ना 4:16

ञेंहच़ी रूठे रंङ ञेंहच़ातंई दंङ ञेंहच़ी विशवास ला लहज़ातंई कि परमेश्वर हेन्दंङ साते दाह लहज़ा। परमेश्वर दाह शुह; अंऊ दाह रिंङ बड़ेकी बंङज़ा दुह परमेश्वरारंङ बड़ेकी बंङज़ा दंङ परमेश्वर दोरंङ साते बणेंके बंङज़ा।

1 यूहन्ना 5:11

दंङ दुह गवाही दि तोह, कि परमेश्वरे हेन्दिंङ अनंत जीवन रांहषी ततो दंङ दि परमेश्वरो योह दोरच़ी ए तोह कि हेन्दिंङ अनंत जीवन खोकसिरी।

1 यूहन्ना 5:13

गेह दिह डाक केतिंङ च़ेहच़ी लेहकी तोतोग अंऊ परमेश्वरो योह मिंदंङ विशवास लहज़ातोर ताकि केहच़ी ञेंओनि कि केहतु दोर अनंत जीवन तोह।