1 यूहन्ना 4:8 - लाहौली बाइबिल

⁸ अरि ऊई तंङ साते दाह माह तहच़ा दोई परमेश्वर बि माह ञेंहच़ा, छना कुचे परमेश्वर दाह शुह।

1 यूहन्ना 4:8 Iomraidhean Croise

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

इफिसियों 2:4

पर परमेश्वर महस दयालु तोह, दू एनोह दू मोह्ड़े दाह ओ वहज़ाज़ि अंऊ दोई हेंदंङ साते दाह लहरी।

इब्रानियों 12:29

छना कुचे हिद तंही कि हेनर अंऊ परमेश्वरो सेवा लहज़ातंई, दू इच्च़ा मेहू ठ्रोह तोह अंऊ अपवित्र शुचाह हर इच्च़ा चीज़ भस्म लेह च़रच़ा।

1 यूहन्ना 1:5

अंऊ रूठे खबर ञेंहच़ी यीशु दोरच़ी रेहशी तातंई दंङ केतिंङ ला सुनाएच़ातोंई, दुह दिह तोह कि परमेश्वर छंङी ओ ठ्रोह पवित्र तोह दंङ दोबि छल्ले बुराई माह।

1 यूहन्ना 2:4

दंङ अच़िला दि कुट्रा, “कि गेह परमेश्वर बि ञेंई केहरिगा,” पर दोऊ हुकुम माह मनेक्च़ा दंङ दुह हप्साड़ शुह दंङ परमेश्वरो सच्चाई ऊ हिसाबे ज़िंदगी माह श्रींङज़ा।

1 यूहन्ना 2:9

दंङ अच़िला दि कुट्रा, कि गेह छंङीरिंङ तोतोग; पर एनोह विशवासी न्वा रंङ साते बैर तहज़ा, दुह एंतेग तचेक ह्न्यारारिंङ ए तोह।

1 यूहन्ना 3:10

झांह लेह दिरंङ परमेश्वरो कटुरे ए शेतानो कटुरे ञेंच़ातेंई अंऊ मीहरे धर्मो कम लहज़ातोर, दोरे परमेश्वरो दोरच़ी शुरे, दंङ दोरे लाह अंऊ एनोह न्वा रंङ साते दाह तहच़ातोर।

1 यूहन्ना 3:6

अंऊ लाह दोरंङ बड़ेकी बंङज़ा, दुह पापारिंङ बणेंके माह बंङज़ा; अच़िला पाप लहज़ा, दोई माह ता मसीह बि ञेंहच़ा दंङ माह ए दोबि समझेक्च़ा।

1 यूहन्ना 4:16

ञेंहच़ी रूठे रंङ ञेंहच़ातंई दंङ ञेंहच़ी विशवास ला लहज़ातंई कि परमेश्वर हेन्दंङ साते दाह लहज़ा। परमेश्वर दाह शुह; अंऊ दाह रिंङ बड़ेकी बंङज़ा दुह परमेश्वरारंङ बड़ेकी बंङज़ा दंङ परमेश्वर दोरंङ साते बणेंके बंङज़ा।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।