1 यूहन्ना 4:6 - लाहौली बाइबिल

⁶ हेनर परमेश्वरो शुई, अच़ि परमेश्वर बि ञेंहच़ा, दोई ञेंहतु रेड्रा; दंङ अच़ि परमेश्वरा बि माह ञेंहच़ा दोई ञेंहतु माह रेड्रा; झांह लेह हेंज़ी सच्चाई ऊ आत्मा ए धोखा ओ आत्मा सेहच़ी केट्रातंई।

1 यूहन्ना 4:6 Iomraidhean Croise

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

यहून्नो 10:16

गिऊ ऊई ला त्रैंईर तोतोर, अरी दिह पोङों माशुहरे; गिह्बी दोरे ला हपि ज़रूरी तोह, दोरे गिह्बी सेहपोर; दंङ इच्च़ा ए थाच ए इच्च़ा पोहाल शोतो।

यहून्नो 10:27

गिऊ त्रैंई ज़ि गिऊ सग सेहचातोर दंङ गेह दोतिंङ सेहचातग, दंङ दोरे ला गिऊ थल-थल जोज़ातोर।

यहून्नो 10:3

दोऊ थल्जी पहरेदार ज़ि पितंङ अल्ज़ातोर दंङ त्रैंई ज़ि दोऊ सग सेहचातोर दोई एनोह मांतू मिन लेहपच़ी बुलाएचा दंङ धखतेका रेंज़ा शिलज़ा।

यहून्नो 13:20

गेह केतंङ साते हेले कुट्रातग, कि अच़िला गिह्बी च़रच़ा दोबि ग्रहण लोहतो, दंङ दोई गिह्बी ग्रहण लहज़ा दंङ अच़िला गिह्बी ग्रहण लहज़ा दोई परमेश्वरा बि ग्रहण लहज़ा।”

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

यहून्नो 18:37

पिलातुसे दोरंङ साते कुई, “दंङ छि कांह रज्ज़ा शुनाह?” यीशु ज़ि जुबाब रेंई, केई कुट्रातन कि गेह रज्ज़ा शुगाह; गिऊ जन्म लेहपच़मि ए संसारारंङ अपिमी बजह दिह शुह कि गेह सच्चाई ऊ पाहठी सिखाएपोग। सच्चाई ऊ टोहकठे जोज़ा दोरे भत्तेर गिऊ गप्पा रेड्रातोर।

यहून्नो 20:21

यीशु ज़ि यच़ाह दोतंङ साते कुंई, “केतिंङ शांति खोकसी जूंस; छना ठ्रोह गिऊ पिता परमेश्वरे गिह्बी संसारारंङ च़रसी तोह, ध्वांए गेह ला केतिंङ संसारारंङ च़रच़ातोग।”

यहून्नो 8:19

दोथल दोच़ी यीशु रुहक्ती, “कांह पिता परमेश्वर अंऊर तोह?” यीशु ज़ि जुबाब रेंई, “माह केहरे गिह्बी ञेंहच़ातोन माह गिऊ पिता परमेश्वर बि, अगर केहच़ी गिह्बी सेहशङ, ता पिता परमेश्वर बि सेहच़ी तोहई।”

यहून्नो 8:23

यीशु ज़ि दोतंङ साते कुंई, “केहरे दिह संसारा रिंङ जेह्की शुई पर गेह स्वर्गंङ च़ि अंज़े शुगाह; केहरे संसारो शुई गेह संसारो माह शुगाह।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 11:8

छना पवित्रशास्त्रारिंङ च़ेहसी तोह, “परमेश्वरे तोग ध्याड़ा तचेक बुद्धि बन्द लहसी तो, दोतु टिरा ता तोतोर पर दोतिंङ सच्चाई तंङफी माहथोस दंङ रेड्री ता तरच़ातोर पर समझेक्च़ातोर माह।”

1 कुरिन्थियों 14:37

अगर अरिया मीह एनाबि भविष्यवक्ता या झांह ठ्रोह मीह चेहच़ा, अतिंङ पवित्र आत्माज़ि वरदान रांहषी ततो। दंङ दि ञेंई च़रतु कि, अंऊ गप्पा गेह केतिंङ चेहच़ातग, दू प्रभु हुकुम शुह।

2 कुरिन्थियों 10:7

केरे धकते कि दिखावट खंड्रातंई, अंऊ टिरो तुईज़ी तोह, अगर अतुआ एनोह टोईच़ी दि विशवास तोह, कि गेह मसीहऊ शुगाह, दंङ दोई दि ला ञेंए च़रतु, कि छना दू मसीहऊ शुह, ध्वांए ञेंरे ला मसीहू शुई।

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

1 तीमुथियुस 4:1

पवित्र आत्मा साफ तरीका रंङ साते कुट्रा कि अंतिम ध्याड़ारिंङ रें मीहरे मसीहू शिक्षा ओ टोहकठे विशवास लहज़ी छोड़ेके दोरे मांजी आत्मा तु शिक्षा स्वीकार लोहर, अंऊ दोतिंङ भटकाएच़ा दंङ दुह हप्सी शिक्षाओ टोईच़ी विशवास लोहर अंऊ मांजी आत्माओ दोरच़ी अपा।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

1 यूहन्ना 4:1

हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।

1 यूहन्ना 4:4

हे प्यारे कटुरे, केरे परमेश्वरो शुई, दंङ केहच़ी दुह हप्साड़ भविष्यवक्तातु टोहकठे जय खोकशी केहतंई; छना कुचे पवित्र आत्माओ सामर्थ अंऊ केहतु अन्द्रेग तोह, दुह शेतानो सामर्थ बे मोह्ड़े तोह, अंऊ दि संसारारंङ तोह।

1 यूहन्ना 4:8

अरि ऊई तंङ साते दाह माह तहच़ा दोई परमेश्वर बि माह ञेंहच़ा, छना कुचे परमेश्वर दाह शुह।

1 यूहन्ना 5:19

ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

यहूदा 1:17

पर हे गिऊ प्यारे साथी विशवासी रे, केहच़ी दुह गप्पा हिद तंही; अंऊ हेंदु प्रभु यीशु मसीहू प्रेरित महस तुहई कुहषी तातोर।