1 यूहन्ना 4:4 - लाहौली बाइबिल

⁴ हे प्यारे कटुरे, केरे परमेश्वरो शुई, दंङ केहच़ी दुह हप्साड़ भविष्यवक्तातु टोहकठे जय खोकशी केहतंई; छना कुचे पवित्र आत्माओ सामर्थ अंऊ केहतु अन्द्रेग तोह, दुह शेतानो सामर्थ बे मोह्ड़े तोह, अंऊ दि संसारारंङ तोह।

1 यूहन्ना 4:4 Iomraidhean Croise

यहून्नो 12:31

दा दिह टेम शुह अपेहल परमेश्वर संसारो मीहतु न्याय लोहतो, दंङ दा यीशु दिह संसारो मुख्या शेतानो शक्ति बि खत्म लोहतो।

यहून्नो 14:30

गिऊ दोर्तिंङ केतंङ साते गप्पा लहज़िमी थल्जी ऊई टेम माह, छना कुचे दिह संसारो मुख्या शेतान अपि लेहकी तोह, दंङ गिऊ टोहकठे दोऊ छले वश माह।

यहून्नो 16:11

दंङ न्याय ओ पाहठी दिऊ थल्जी याकीन दिलाएपोतो, छना कुचे परमेश्वरे तुईए शेतान बि दोषी ठेहराएसी ततो।

यहून्नो 17:23

गेह दोतंङ दंङ कांह गेरंङ तोतोन कि दोरे पवित्र शुहचे इच्च़ा शुहबी जूंस, दंङ संसारो मीहरे ञेंहपोर कि केई ए गेह चरच़ि शुगाह, दंङ छना केई गेरंङ साते दाह लहरिन, ध्वांए दोतंङ साते ला लहरिन।

रोमियो 8:31

दि भत्ते गप्पा तिंङ ध्यानारंङ तहच़ि हेनर दि नतीज़ा रिंङ पिचातोंई, कि अगर परमेश्वर हेंदु हखा तोह ता, हेंदिंङ अच़िला यहरच़े मरपोतो।

रोमियो 8:37

पर दि भत्ते गप्पारिंङ हेनर दोऊ दोरच़ी ए जयवंत ला शुहचे य्वातंई, अच़ि हेंदंङ साते दाह लहज़ा।

1 कुरिन्थियों 2:12

हेनर ध्वांए ठ्रोह माह सोचेक्च़ातंई छना संसारो मीहरे सोचेक्च़ातोर; छना कुचे हेंज़ी दू आत्मा खोकसी तातंई, अंऊ परमेश्वरो तरफे तोह, कि हेनर दू गप्पा ञेंओनि, अंऊ परमेश्वरे हेंदिंङ रांहषी ततो।

1 कुरिन्थियों 6:13

“रे मीहरे ता झांह ला कुट्री तरपोर कि, बगत खोकटुंङ ओ थल्जी शुह।” दि हेले शुह कि, पर परमेश्वर झुल्लो अंत लेह च़रपोतो। फुक कुकमो थल्जी माशुह, बल्कि हेंदिंङ हेंदु फुको इस्तेमाल लेह जूंशी तोह अंऊ प्रभु ज़ि जुंज़ा दंङ हेंदु फुक प्रभु थल्जी शुह।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 3:17

दोऊ टोहकठे विशवासो लहज़िमी दोरच़ी मसीह केहतु अंदरेग हमेशा बसेकी बंङज़ोतो। दंङ गेह प्रार्थना लहज़ातग कि परमेश्वरो दाह रिंङ केरे पक्‍का शुचि,

इफिसियों 6:10

आखरी गप्पा दि तोह कि केरे प्रभु सामर्थो दोरच़ी आत्मिक तरीका रंङ पक्‍का शुहचे इलांई।

1 यूहन्ना 2:1

हे गिऊ प्यारे कटुरे, गेह दि गप्पारे केतिंङ झांह लेह चेहच़ातग कि केहच़ी पाप थालंही। दंङ अच़िया पाप लहरी ता, दंङ बाह परमेश्वर ओ कछंङ हेंदु थल्जी इच्च़ा सहायक तोह; अंऊ हेंदु पापो माफी ऊ थल्जी बाह परमेश्वर रंङ साते प्रार्थना लहज़ा मतलब यीशु मसीह अंऊ धर्मी तोह।

1 यूहन्ना 2:13

हे सेंहणा रे, छना कुचे केहच़ी ञेंहच़ातंई, अंऊ शुरूआत बेहच़ी तोह, दोबि केहच़ी ञेंच़ातंई। हे जवान रे, गेह केतिंङ झांह लेह चेहच़ातग कि केहच़ी दुह मांजी शेतानो टोहकठे जय खोकसी तातंई; हे कटुरे, गेह केतिंङ झांह लेह चेहच़ातग, कि केहच़ी बाह परमेश्वर बि ञेंहई चरच़ातंई।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 4:13

दिरंङ ए ञेंहच़ी ञेंच़ातंई, कि हेनर दोरंङ बड़ेकी बंङज़ातंई, दंङ दुह हेन्दंङ; छना कुचे दोई पवित्र आत्मो दोरच़ी हेन्दिंङ रांहषी ततो।

1 यूहन्ना 4:16

ञेंहच़ी रूठे रंङ ञेंहच़ातंई दंङ ञेंहच़ी विशवास ला लहज़ातंई कि परमेश्वर हेन्दंङ साते दाह लहज़ा। परमेश्वर दाह शुह; अंऊ दाह रिंङ बड़ेकी बंङज़ा दुह परमेश्वरारंङ बड़ेकी बंङज़ा दंङ परमेश्वर दोरंङ साते बणेंके बंङज़ा।

1 यूहन्ना 4:6

हेनर परमेश्वरो शुई, अच़ि परमेश्वर बि ञेंहच़ा, दोई ञेंहतु रेड्रा; दंङ अच़ि परमेश्वरा बि माह ञेंहच़ा दोई ञेंहतु माह रेड्रा; झांह लेह हेंज़ी सच्चाई ऊ आत्मा ए धोखा ओ आत्मा सेहच़ी केट्रातंई।

1 यूहन्ना 5:19

ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

1 यूहन्ना 5:4

छना कुचे परमेश्वरो हर इच्च़ा कटु, संसारो टोईच़ी जीत प्राप्त लहज़ा, दंङ दुह जीत अतंङ संसारो टोईच़ी जीत खोकसा, दुह हेंदु विशवास ए शुह।

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”