1 यूहन्ना 4:21 - लाहौली बाइबिल

²¹ दंङ परमेश्वरो दोरच़ी हेन्दिंङ दि हुकुम खोकसा तोह, कि अच़िला एनोह परमेश्वरारंङ साते दाह तहच़ा, दोई एनोह विशवासी न्वा रंङ साते ला दाह लोह।

1 यूहन्ना 4:21 Iomraidhean Croise

मत्ती 5:43

केहच़ी दिह थहसी शोंई कि, व्यावस्थाज़ि कुट्रा कि केन्दु पड़ोसीतंङ साते दाह तोह दंङ केनोह बेरीतंङ साते बैर तहऊ।

लूको 10:37

दोई कुतोह, दुह ए अंऊ दोई दोऊ टोहकठे दया लहरी। यीशु ज़ि दोबि कुतोह, इला, “केई ला झांह ए लोहू।”

यहून्नो 15:12

गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही।

गलातियों 5:14

छना कुचे भत्ते मूसा ओ कानूनो निचोड़ सिर्फ इच्च़ा गप्पारिंङ ब्याके तोह: “कि काह केनोह पड़ोसीरंङ साते केनोह ठ्रोह दाह लोह।”

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

1 यूहन्ना 3:11

अंऊ समाचार केहच़ी शुरूआत बेहच़ी थाक्शी तातंई दुह, दि तोह कि हेनर इदि, अईदिरंङ साते दाह लोहंई;

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:18

हे गिऊ प्यारे कटुरे, हेनर बचन ए गप्पा रंङ साते मशत, पर दोतु मदत लहज़ी दोतिंङ सच्चाई रंङ दाह लोहनि।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 4:11

हे गिऊ साथी विशवासी रे, अपेहल परमेश्वरे हेन्दंङ साते झांह ठ्रोह दाह लहरी, दंङ हेन्दिंङ ला हेंदु बिचंङ दाह तहच़ि जूंशी तोह।