1 यूहन्ना 4:15 - लाहौली बाइबिल

¹⁵ अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

1 यूहन्ना 4:15 Iomraidhean Croise

मत्ती 10:32

अच्च़ी लाह मीहतु तुईज़ी कुट्रातोर कि दोरे गिऊ चेलार शुहर, दंङ गेह लाह दोबि घेंङौ स्वर्गीय बाहऊ तुईज़ी घेंङौ चेला मनेक्पोग।

लूको 12:8

“गेह केतंङ साते कुट्रातग अंऊ ला गिह्बी मीहतु तुईज़ी कुट्रातोर कि दोरे गिऊ चेलार शुहर ता दोबि गेह मीहू योह ला परमेश्वर ओ स्वर्गदूता तु तुईज़ी मनेक्पोग।

यहून्नो 6:56

अच़ि गिऊ फुक ज़ोवा, दंङ गिऊ शुहई तुंङमा, दुह पक्‍का ए गेरंङ साते तोह दंङ गेह दोरंङ साते।

प्रेरित 8:37

फिलिप्पुस ए कुंई, अगर कांह पूरे सेहम रंङ साते विशवास लहज़ा तोन ता बपतिस्मा लेहपच़ी तरपोन, दोई जुबाब रेंई, गेह विशवास लहज़ातग कि यीशु मसीह ए परमेश्वरो योह शुह।

रोमियो 10:9

उद्धारो थल्जी, अगर केई केनोह आहच़ि यीशु बि प्रभु ञेंए मीहतु तुईज़ी अंगीकार लोहन, कि परमेश्वरे दोबि सिमी दोरच़ी श्रींङमी लहरी, दंङ परमेश्वर पक्‍का ए कांह उद्धार लोहतो।

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

1 यूहन्ना 2:23

दंङ अच़िला योह इन्कार लहज़ा दुह बाह परमेश्वरा रंङ साते बणेंके माह। अच़ि योह बि मनेके केट्रा, दुह बाह परमेश्वरा रंङ साते बणेंके बंङज़ा।

1 यूहन्ना 2:24

ध्यान तंही; अपेहल केहच़ी मसीहू टोहकठे विशवास लहज़ातंई दंङ अंऊ सच्चाई ऊ बचन केहच़ी रैहशी तातंई, अगर दुह केतिंङ बणेंके बंङज़ोतो, दंङ केरे लाह योह रंङ साते, दंङ बाह परमेश्वर रंङ साते बणेंके बंङज़ोंई।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 4:12

परमेश्वराबि अपेहल ला अच़िला माह तंङरि; अगर हेनर हेंदु बिचंङ दाह तोहनि, ता परमेश्वर हेन्दंङ साते बणेंके बंङज़ा; दंङ दोऊ दाह हेन्दंङ सिद्ध शुहचे यवाह।

1 यूहन्ना 4:2

परमेश्वरो आत्मा केहच़ी दि रीतिरंङ साते सेहषी तरपोंई, अंऊ ला मीह दि मनेके केट्रा, कि यीशु मसीह मीहू रूपारिंङ अति दुह परमेश्वरो दोरच़ी शुह।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

1 यूहन्ना 5:5

संसारो टोईच़ी जीत खोकसा दुह अरि शुह? सिर्फ दुह अतु विशवास तो कि यीशु ए परमेश्वरो योह शुह।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।