1 यूहन्ना 4:14 - लाहौली बाइबिल

¹⁴ दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।

1 यूहन्ना 4:14 Iomraidhean Croise

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 12:47

अगर अच़िया गिऊ गप्पा रेड्राते माह मनेक्च़ा, ता गेह दोबि दोषी माह ठेहराएपोग, छना कुचे गेह संसारो मीहतिंङ दोषी ठेहराएच़ी अंज़े माह शुगाह पर संसारो मीहतिंङ बचाएच़िमी थल्जी अंज़े शुगाह।

यहून्नो 3:11

गेह करंङ साते हेले कुट्रातग कि ञेंहच़ी छि ञेंहच़ातन, दुह कुट्रातंई, दंङ अंऊ ञेंहच़ी तंङरी दोऊ गवाही रंड्रातंई, दंङ ञेंहच़ी छि कुट्रातन दोऊ टोहकठे केहच़ी विशवास माह लहज़ातंई

यहून्नो 3:32

अंऊ ला दोई खंणी दंङ रेड्री, दोऊ ए गवाही रंड्रा; पर थोड़े अरे मीहरे दोऊ गवाही ग्रहण लहज़ातेर।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

यहून्नो 4:42

दंङ दुह मेच़िमी रंङ कुंई, “दा ञेंहच़ी सिर्फ कांह कुट्रिमी रंङ साते दिऊ टोहकठे विशवास मा लहज़ातंई, छना कुचे हेंज़ी ऐनाह ए रेड्रातंई दंङ कि दीह ए हेले संसारो उद्धार लहज़ा शुह।”

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

1 पतरस 5:12

गेह दि कवचि डाक सिलवानुसो मदते चेहच़ातग दंङ केतिंङ चरच़ातग। गेह दोबि मसीह रिंङ इच्च़ा विशवासो जोगे साथी मनेक्च़ातेग। गिऊ दि डाक चेहच़िमी खास वहज़ा केतिंङ उत्साहित लहज़ी ए केतिंङ भरोसा रंड्रीमी तोहई, कि छिल्ला धिर केहच़ी महसूस लहज़ातंई दू हेले रिंङ केहतु थल्जी परमेश्वरो मोह्ड़े दाह ऊ हिस्सा शुह। दि मोह्ड़े दाह रिंङ खड़े बंङज़ुंई।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

1 यूहन्ना 5:9

अपेहल हेनर मीहतु गवाही मनेकी केट्रातोंई, दंङ परमेश्वरो गवाही ता दोबि ला मोह्ड़े तोह; दंङ परमेश्वरो गवाही दिह तोह कि दोई एनोह योह पाहठी गवाही रांहषी ततो।