1 यूहन्ना 4:1 - लाहौली बाइबिल

¹ हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।

1 यूहन्ना 4:1 Iomraidhean Croise

मरकुसो 13:21

दुह ध्याड़ा रिंङ अच़िया केतंङ साते कोतो, “खंणु, मसीह देहर तो,” या “खंणु, दोहर तो,” ता विशवास था लोहुनी।

लूको 12:57

“केतिंङ केनातिंङ ए फेंसला लहज़ी जूंस कि केहतु थल्जी छि ठीक शुह?

लूको 21:8

यीशु ज़ि कुहतो, “खबरदार तोहई कि केरे भरमासी मेस, महस मीहच़ी गिऊ अधिकारो दावा लहच़ी अपोर दंङ कोहर, गेह मसीह शुगाह, दंङ दोतु थले था ईलांई।

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 20:29

गेह ञेंच़ातग कि, गिऊ इबिमी थल केहतु बिचंङ हप्सी कुट्रार अपोर, दंङ विशवासी तिंङ महस नुकसान लोहर, दिरे दुह फ्राक्चा ओमो ठ्रोह शोहर अंऊ त्रेंईतिंङ सचे चरच़ातोर।

1 कुरिन्थियों 12:10

अतिंङ आ सामर्थो कम लहज़िमी वरदान; दंङ रें तिंङ भविष्यवाणी लहज़िमी वरदान, दंङ रें तिंङ आत्मा परखेक्च़िमी वरदान, दंङ रें तिंङ महसे पाहठी भाषा कुट्रीमी वरदान; दंङ रें तिंङ भाषा ओ अर्थ कंड्रिमी वरदान रंड्रा।

1 कुरिन्थियों 14:29

भविष्यवक्ता तु बिचंङ झुह्ट या षुमु कुंई, दंङ दि ज़रूरी तोह कि ऊई मीहरे ला रेड्रोर दंङ परखेकेपोर कि दोई छि कुट्रा दू पवित्र शास्त्रो हिसाबे ठीक तोह आ माह।

1 थिस्सलुनीकियों 5:20

अंऊ भविष्यवाणी परमेश्वरो तरफे मीहतु टोहकठे प्रगट लहसी तोह दोबि बेकार थाचेतेंई।

1 थिस्सलुनीकियों 5:21

पर हर इच्च़ा खबर रूठे रंङ परखेक्तुंई, अंऊ रूठे तोह दोबि स्वीकार लंहि।

2 थिस्सलुनीकियों 2:2

केरे अचानक केनातु दिमाग ए अरिया भविष्यवाणी, छा उपदेश या झांह ठ्रोह डाक रें दुखी शुहबी थारांई अंऊ ञेंहतु तरफे च़ेहसी समझेक्च़ातंई दंङ अंऊर दि तरीका रंङ कांहषी तोह कि प्रभु यीशु वापिस अपिमी ध्याड़ा अच़ा अंजा, केरे बेइनि था।

1 तीमुथियुस 4:1

पवित्र आत्मा साफ तरीका रंङ साते कुट्रा कि अंतिम ध्याड़ारिंङ रें मीहरे मसीहू शिक्षा ओ टोहकठे विशवास लहज़ी छोड़ेके दोरे मांजी आत्मा तु शिक्षा स्वीकार लोहर, अंऊ दोतिंङ भटकाएच़ा दंङ दुह हप्सी शिक्षाओ टोईच़ी विशवास लोहर अंऊ मांजी आत्माओ दोरच़ी अपा।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

1 यूहन्ना 2:18

हे कटुरे, दिह अन्तिम टेम शुह; अपेहल मसीह यह्च़ा वापिस अपतो, दंङ छना केहच़ी रैहशी तातंई कि मसीहू विरोधी अच़ा अंज़े तोतोर, दोऊ हिसाबे हेंतेग ला महसे मसीहू विरोधी अंज़े तोतोर; झांह लेह ञेंहच़ी ञेंहनि कि दि अन्तिम टेम दिए शुह।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।

प्रकाशित वाक्य 2:2

गेह ञेंहच़ातग कि केई छि लहज़ातन, केई छना मेहनत लहज़ातन दंङ अपेहल ला हार माह मनेक्च़ातंई, दंङ काह मदम मीहतु हप्सी शिक्षा सहन माह लहज़ातन। केई दुह मीहतिंङ परखेकतन अंऊ दोच़ी कुट्रातोर कि दोरे प्रेरित शुरे पर हेलेरिङ तोतोर माह, दंङ केई दोतिंङ हप्साड़ खोकषातन।