1 यूहन्ना 3:24 - लाहौली बाइबिल

²⁴ दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 3:24 Iomraidhean Croise

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

1 थिस्सलुनीकियों 4:8

झांह लेह अंऊ ला दि कानूनो भाषे माह लहज़ा, दोई मीहतिंङ मशत पर परमेश्वरो कानून माह ञेंहच़ा, अच़ि एनोह पवित्र आत्मा केतिंङ रांहषी ततो।

2 तीमुथियुस 1:14

दुह सच्चाई ए रूठे खबरो रखवाली लोह, अंऊ रूठे खबरारंङ साते जुड़ेके तोह, पवित्र आत्मो मदतो दोरच़ी कनिंङ रांहषी ततो, अंऊ हेंदु अन्द्रेग बसेके तोह।

1 यूहन्ना 2:24

ध्यान तंही; अपेहल केहच़ी मसीहू टोहकठे विशवास लहज़ातंई दंङ अंऊ सच्चाई ऊ बचन केहच़ी रैहशी तातंई, अगर दुह केतिंङ बणेंके बंङज़ोतो, दंङ केरे लाह योह रंङ साते, दंङ बाह परमेश्वर रंङ साते बणेंके बंङज़ोंई।

1 यूहन्ना 2:3

अगर हेनर परमेश्वरो आज्ञा मनेक्पोंई, दंङ दिरंङ साते हेंज़ी ञेंई च़रपोंई कि ञेंहच़ी परमेश्वर बि ञेंहनि।

1 यूहन्ना 2:5

पर अच़िला परमेश्वरो बचनो पालन लहज़ा, दोरिंङ हेले परमेश्वरो दाह सिद्ध शुहचे तोह, हेंदिंङ दिरंङ ए पता लेहकी यवात कि हेनर परमेश्वरा रंङ साते बणेंके तोतोंई।

1 यूहन्ना 2:6

अच़िला दि कुट्रा कि गेह दोरंङ बड़ेकी बंङज़ा तोग, दंङ दुह ध्वांए ए श्रींङमी जूंस छना यीशु मसीह श्रींङमते।

1 यूहन्ना 3:22

दंङ छिल्ल धिर हेंज़ी परमेश्वरो दोरच़ी पेट्रातंई, दुह हेन्दिंङ दोऊ दोरच़ी खोकसा, छना कुचे हेनर दोऊ हुकुम मनेक्च़ा तोंई, दंङ अंऊ परमेश्वरा बि रूठे च़ेहसा दुह ए लहज़ातंई।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।