1 यूहन्ना 3:23 - लाहौली बाइबिल

²³ दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 3:23 Iomraidhean Croise

मत्ती 22:39

दोऊ ठ्रोह अई दिह तो कि, केई केनोह पड़ोसीतंङ केनोह ठ्रोह दाह तोह।

मरकुसो 9:7

दंङ इच्च़ा मोह्ड़े डुए दोरे कपची च़रति दंङ दोच़ी हखा डुह बिचंङज़ि परमेश्वरे कुंहई, “दि गिऊ प्यारे योह शुह, दिऊ रेहड्रोंई।”

यहून्नो 1:12

पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

यहून्नो 13:34

गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही।

यहून्नो 14:1

यीशु ज़ि चेला तु हखा कुई, “केहरे परेशान था शुई! छना केहच़ी परमेश्वरो टोहकठे विशवास लहज़ातंई ध्वांए गिऊ टोहकठे ला विशवास लांही।

यहून्नो 15:12

गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 2:23

अपेहल यीशु यरूशलेम शहरंङ फसहो त्याहरो मुक्का तोहई, दंङ दोऊ दोरच़ी लहसी महस चिन्ह चमत्कार खंड्राते महसे मीहज़ी दोऊ टोहकठे विशवास लहरिर।

यहून्नो 3:18

अच़ि परमेश्वरो योहू टोहकठे विशवास लहज़ा, दोऊ टोईच़ी दण्डो आज्ञा माह शुहबी, पर अंऊ दोऊ टोहकठे विशवास माह लहज़ा, दुह दोषी शुहचे इलजी तोह; दिऊ थल्जी कि दोई परमेश्वरो इच्च़ा योहू मिन्दु टोईच़ी विशवास माह लहरिर।

यहून्नो 6:29

यीशु ज़ि दोतिंङ जुबाब रेंई, “परमेश्वरे जुंज़ातो कि केहरे दोऊ टोहकठे विशवास लांही अरी दोई च़रसी शुह।”

प्रेरित 16:31

दोच़ी जुबाब रेंई, प्रभु यीशु ऊ टोहकठे विशवास लोहू, दंङ कांह ए कांह घराना बि उद्धार खोकसोतो।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

1 यूहन्ना 3:11

अंऊ समाचार केहच़ी शुरूआत बेहच़ी थाक्शी तातंई दुह, दि तोह कि हेनर इदि, अईदिरंङ साते दाह लोहंई;

1 यूहन्ना 4:15

अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

1 यूहन्ना 4:21

दंङ परमेश्वरो दोरच़ी हेन्दिंङ दि हुकुम खोकसा तोह, कि अच़िला एनोह परमेश्वरारंङ साते दाह तहच़ा, दोई एनोह विशवासी न्वा रंङ साते ला दाह लोह।

1 यूहन्ना 5:13

गेह दिह डाक केतिंङ च़ेहच़ी लेहकी तोतोग अंऊ परमेश्वरो योह मिंदंङ विशवास लहज़ातोर ताकि केहच़ी ञेंओनि कि केहतु दोर अनंत जीवन तोह।