1 यूहन्ना 3:21 - लाहौली बाइबिल

²¹ हे गिऊ प्यारे साथी विशवासी रे, अगर हेंदु सेहम हेन्दिंङ दोष माह रंड्रा, दंङ हेन्दिंङ परमेश्वरो तुईज़ी याहब शवाह;

1 यूहन्ना 3:21 Iomraidhean Croise

रोमियो 14:22

केरे दि गप्पो पाहठी छिल्ला मनेक्च़ातंई, दुह कांह ए परमेश्वरो बिचंङ कि गप्पा शुह। धन्य शुह दू। अंऊ दू गप्पारिंङ, अंऊ दोबि दू ठीक समझेक्च़ा, एनाबि दोषी माह ठहरासा।

1 कुरिन्थियों 4:4

गिऊ फर्क आत्मा गिह्बी छल्ले दोष माह खोकसा तांला गेह दिऊ दोरच़ी निर्दोष साबित शुहचे मरच़ातग प्रभु ए तोह, अंऊ गिऊ परख लहज़ा।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

इफिसियों 3:12

हेनर मसीहरिंङ विशवास लहज़ातंई, दंङ झांह लेह हेनर हिम्मत ए आत्मविशवास रंङ साते परमेश्वरो कछंङ अपातंई।

1 तीमुथियुस 2:8

गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 4:16

झांह लेह अतंई, हेनर मोह्ड़े याहबारंङ साते परमेश्वरो कछंङ अपोंई, अंऊ मोह्ड़े दाह रंङ साते पिंङषा तोह, दोहपल परमेश्वर हेंदिंङ दया ए मोह्ड़े दाह कंबोतो, दंङ अपेहल हेंदिंङ ज़रूरत शोतो दोहपल हेंदु मदत लोहतो।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

1 यूहन्ना 4:17

झांह लेह दाह हेंदु बिचंङ पूरा शुचे इलि, कि फेंसला ओ ध्याड़ा रिंङ हेन्दिंङ हिम्मत खोकसोतो कि दोई हेंदिंङ सज़ा माह रमतो; छना कुचे हेनर मसीहू ठ्रोह ऊई तंङ साते दाह लहज़ातंई दंङ दि संसारा रंङ दोतु ठ्रोह बंङज़ातंई।

1 यूहन्ना 5:14

दंङ हेन्दिंङ परमेश्वरो तुईज़ी अंऊ हिम्मत शवाह, दुह दिह तोह; कि अगर हेनर दोऊ हिटीऊ हिसाबे छा पेट्रातंई, दंङ दोई हेंदु रेड्रा।