1 यूहन्ना 3:2 - लाहौली बाइबिल

² हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

1 यूहन्ना 3:2 Iomraidhean Croise

मत्ती 5:8

धन्य शुहरे दोरे, अतु सेहम शुद्ध तो, छना कुचे दोच़ी परमेश्वर बि खमोर।

लूको 17:30

गेह मीहू योहऊ अचानक यच़ाह वापिस अपिमी ध्याड़ारिंङ लाह ध्यांए शोतो।

लूको 20:36

दोरे सिओर ला माह छना कुचे दोरे स्वर्गंङ स्वर्गदूतातु ठ्रोह शोर दंङ परमेश्वर ओ कटुरे शुहबिमी रंङ साते यच़ाह श्रींङे योर।

यहून्नो 1:12

पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

रोमियो 8:16

पवित्र आत्मा एनेह ए केहतु आत्मा रंङ साते गवाही रंड्रा, कि हेनर परमेश्वरो कटुरे शुई।

रोमियो 8:18

गिह्बी पक्‍का पता तोह, कि अंऊ महिमा हेंदिंङ थले खोकसोतो, दू दि दुख बे महस मोह्ड़े तोह अंऊ हेंज़ी एंतेग सहन लहज़ी लेहकी तोतोंई।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

1 कुरिन्थियों 13:12

दि जीवनारिंङ हेनर भत्ते धिर समझेगी मरच़ातंई। दि अंऊ आ चीज़ा बि भूधड़े ठ्रोह अर्शिरिंङ खंड्री ठ्रोह शुचि यवात। पर अंऊ मुक्का हेनर स्वर्गंङ यवातंई, दंङ हेनर भत्ते धिर रूठे रंङ समझेगी तरपोंई। छना कुचे हेनर परमेश्वरा बि सामटे खमोंई। एंतेग हेंदु ज्ञान अधूरा तोह। सिर्फ अंजा ध्याड़ा ए परमेश्वरा बि रूठे रंङ ञेंई तरपोंई,

1 कुरिन्थियों 15:49

दंङ छना ठ्रोह परमेश्वरे हेंदिंङ ध्वांए ठ्रोह फुक रांहषी ततो छना धरतीऊ मुण्डो मीहू तोहई, ध्वांए ठ्रोह हेनर विशवासी तु कछंङ मसीहू ठ्रोह फुक शोतो, अंऊ हेंतेग स्वर्गारिंङ तोह।

1 कुरिन्थियों 2:9

पर छना पवित्र शास्त्रारिंङ च़ेहसी तोह, “माह अच़िया अपेहला तंङरिर, दंङ माह अच़िया अपेहला रेड्रीर, दंङ माह ए अपेहला अच़िया दू रूठे चीज़ा तु पाहठी सोचेक्सी तोह, अंऊ परमेश्वरे दू मीहतु पाहठी तेयार लहसी तोह अंऊ दोरंङ साते दाह लहज़ातोर।”

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

फिलिपियों 3:21

दुह एनोह शक्तिऊ दुह प्रभावो हिसाबे अतु दोरच़ी दोरे भत्ते चीज़ा तु एनोह काबूरिंङ लेह तरच़ा, हेंदु संसारो फुको ओ रूप लेहक्सा, एनोह महिमाऊ फुको ठ्रोह बणाके च़रपोतो।

कुलुस्सियों 3:4

अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।

1 यूहन्ना 3:10

झांह लेह दिरंङ परमेश्वरो कटुरे ए शेतानो कटुरे ञेंच़ातेंई अंऊ मीहरे धर्मो कम लहज़ातोर, दोरे परमेश्वरो दोरच़ी शुरे, दंङ दोरे लाह अंऊ एनोह न्वा रंङ साते दाह तहच़ातोर।

1 यूहन्ना 3:21

हे गिऊ प्यारे साथी विशवासी रे, अगर हेंदु सेहम हेन्दिंङ दोष माह रंड्रा, दंङ हेन्दिंङ परमेश्वरो तुईज़ी याहब शवाह;

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

प्रकाशित वाक्य 2:28

गेह दोबि घेंङौ जीत कंड्रिमी थल्जी मुंजे सरके ओ कर कमोग।

प्रकाशित वाक्य 22:4

दोरे परमेश्वरा बि एनोह सामटे खमोर, दंङ परमेश्वरो मिन दोतु फ्याह ओ टोईच़ी च़ेहसी शोतो।