1 यूहन्ना 3:19 - लाहौली बाइबिल

^19-20 अपेहल हेनर ऊईदि रंङ साते दाह लहज़ातंई; झांह लेह हेनर दि ञेंओनि कि हेनर सच्चाई ऊ शुंई; दंङ अपेहल लाह हेंदु सेहम हेंदिंङ दोषी कंड्रा, दंङ हेनर हेंदु दोऊ सेहमाबि याहब रें तरपोंई; छना कुचे परमेश्वर हेंदु सेहम बे मोह्ड़े तोह, दंङ दोई भत्ते धिर ञेंहच़ा।

1 यूहन्ना 3:19 Iomraidhean Croise

यहून्नो 13:35

अगर केहच़ी इदिऊ अई दिरंङ साते दाह लोहनी, ता हर इच्च़ा ज़ि ञेंह केयोर कि केहरे गिऊ चेलारे शुई।”

यहून्नो 18:37

पिलातुसे दोरंङ साते कुई, “दंङ छि कांह रज्ज़ा शुनाह?” यीशु ज़ि जुबाब रेंई, केई कुट्रातन कि गेह रज्ज़ा शुगाह; गिऊ जन्म लेहपच़मि ए संसारारंङ अपिमी बजह दिह शुह कि गेह सच्चाई ऊ पाहठी सिखाएपोग। सच्चाई ऊ टोहकठे जोज़ा दोरे भत्तेर गिऊ गप्पा रेड्रातोर।

रोमियो 4:21

दोतिंङ पक्‍का पता तोहई कि परमेश्वरे अंऊ गप्पो वाईदा लाहते, दू दोबि पूरा लहज़िमी थल्जी सामर्थी तोह।

रोमियो 8:38

गिह्बी पक्‍का विशवास तोह कि माह ता मौत माह ए जीवन, माह स्वर्गदूत माह सर्गो शाक्ति, माह वर्तमान माह भविष्य, माह सामर्थ, माह सर्ग माह पाताल रिंङ अरिया शाक्ति, दंङ माह ए भत्ते संसारारिंङ छा चीज़ हेंदिंङ परमेश्वरो दू दाह ओ दोरच़ी शत्‌ह लेह तरपोतो, अंऊ हेंदिंङ हेंदु प्रभु यीशु मसीहू दोरच़ी खोकसा तोह।

2 तीमुथियुस 1:12

दंङ दिऊ थल्जी गेह देर कैदारिंङ दुख उठाएच़ातग छना कुचे गेह मीहतिंङ यीशु मसीहू पाहठी प्रचार लहज़ातग, पर गेह शर्मिन्दा माह शवाहतग। छना कुचे गेह मसीह बि ञेंहच़ातग, अतु टोईच़ी गेह विशवास लहज़ातग, गिह्बी पक्‍का पता तोह कि मसीह दुह ध्याड़ा तचेक अपेहल तचेक दुह वापिस माह अपतो, रूठे खबरो रक्षा लेह तरपोतो अंऊ दोई गिह्बी रांहषी ततो।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 2:21

गेह दिह दिऊ थल्जी माह चेहच़ातग, कि केहच़ी सच्ची शिक्षा माह ञेंच़ातंई, दंङ दिऊ थल्जी कि अंऊ ला हप्सी, सच्चाई दोरच़ी माह।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:21

हे गिऊ प्यारे साथी विशवासी रे, अगर हेंदु सेहम हेन्दिंङ दोष माह रंड्रा, दंङ हेन्दिंङ परमेश्वरो तुईज़ी याहब शवाह;