1 यूहन्ना 3:15 - लाहौली बाइबिल

¹⁵ अच़िला एनोह विशवासी न्वा रंङ साते बैर तहच़ा, दुह हत्यारा शुह; दंङ केहच़ी ञेंच़ातोंई कि अरिला हत्या लहज़ाड़ो अनंत जीवन माह शुहबी।

1 यूहन्ना 3:15 Iomraidhean Croise

मत्ती 5:28

पर गेह केतंङ कुट्रातग अच़िया मेच़मीऊ हखा झखंजी टिरे खमोतो दोई एनोह सेहमरिंङ दोरंङ कुकम लेह केहतो।

मरकुसो 6:19

झांह लेह हेरोदियास यूहन्ना रंङ साते नफरत लहज़ाते दंङ दोबि सच़िमी तते पर दोई झांह लेह माहरति,

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 23:12

अपेहल ध्याड़ा शुई, दंङ रें यहुदी मीहरे एनातु बिचंङ योजना लहरिर दंङ कसम लेहप्तिर कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोंई माह।

प्रेरित 23:14

दोच़ी यहुदी मोह्ड़े पुरोहित ए यहुदी सेंहणा तु कछंङ अंज़े कुईर, “ञेंहच़ी कसम लहसी तातन कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोई माह।

याकूब 1:15

दिऊ थल अपेहल दोरे पाप लहच़िमी कल्पना लहज़ातोर, दंङ दिरिंङ पाप पैदा शवाह दंङ अपेहल पाप बड़ेंके यवाह दंङ थल मुखंङ दुह हमेशा ओ थल्जी सिए यवात।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

1 यूहन्ना 2:11

पर अच़िला एनोह विशवासी न्वा रंङ साते बैर तहच़ा, दुह हन्याररिंङ श्रींङमी लेहकी तोह दंङ माह ञेंहच़ा कि, कि दुह अंऊर य्वात, छना कुचे हन्यारे दोऊ टिरा बन्द लेह केहषी ततो।

1 यूहन्ना 2:9

दंङ अच़िला दि कुट्रा, कि गेह छंङीरिंङ तोतोग; पर एनोह विशवासी न्वा रंङ साते बैर तहज़ा, दुह एंतेग तचेक ह्न्यारारिंङ ए तोह।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।