1 यूहन्ना 3:14 - लाहौली बाइबिल

¹⁴ ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:14 Iomraidhean Croise

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

लूको 15:24

छना कुचे दिह गिऊ योह सिए इलजी तोहई, दाह षीङे इलजे; योंहंषा इलजी तोहई, धह खोकसा इलज़ा। दंङ दोरे खुशी मनाएच़ि लेहतिरे।

लूको 15:32

पर हेंतेग खुशी मनाचिऐ मगन शुहबिमी शुह, छना कुचे दिह झांह ठ्रोह तोहई कि कांह दि न्वा सिए इलजी दोतु ठ्रोह तोहई, दंङ यह्च़ा षीङे इलज़ा; योंहंषा इलजी तोहई, दा खोकसा इलज़ा।”

लूको 7:5

छना कुचे दुह ञेंहतु जातिऊ मीहतंङ साते दाह लहज़ा, दंङ दोई ए ञेंहतु थल्जी यहुदी सभा घरबार बणाएष्री शुह।”

यहून्नो 13:35

अगर केहच़ी इदिऊ अई दिरंङ साते दाह लोहनी, ता हर इच्च़ा ज़ि ञेंह केयोर कि केहरे गिऊ चेलारे शुई।”

यहून्नो 15:12

गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही।

यहून्नो 15:17

दीह गप्पातु हुकुम गेह केतिंङ दिऊ थल्जी रंड्रातग कि केन्दु बिचंङ दाह लांही।

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

2 कुरिन्थियों 5:1

छना कुचे हेंज़ी ञेंच़ातंई, कि देर धरतीऊ टोईच़ी हेंदु फुक इच्च़ा तम्बू ठ्रोह तोह अंऊर हेनर बंङज़ातंई। अगर दू नाश शुहचे यवाह दंङ हेंदिंङ परमेश्वरो तरफे स्वर्गंङ इच्च़ा झांह ठ्रोह फुक खोकसोतो, अंऊ गुह्ट्रे बणाषी माह पर हमेशा तचेक बणेंके बंङज़ोतो।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 1:15

दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,

इफिसियों 2:1

तुहई अपेहल केहच़ी परमेश्वरो टोहकठे विशवास माह लहज़ातंई, दोहपल केरे केनातु मदम कम ए पापो वहज़ा ज़ि सिए मीहतु ठ्रोह तोईनि।

इफिसियों 2:5

अपेहल हेनर पापो वहज़ा ज़ि सिऊ बराबर तोईनी, दंङ दोई मसीह रंङ साते हेंदु एकता ओ वहज़ा ज़ि हेंदिंङ आत्मिक जीवन श्रींङमी जोगे बणाके च़रति। दंङ परमेश्वरो मोह्ड़े दाह दोरच़ी हेंदु उद्धार शुई।

कुलुस्सियों 1:4

छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

इब्रानियों 13:1

केनातु बिचंङ रिंङ-न्वारे तु दाह लोहवा लंहि।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

2 पतरस 1:7

पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।

1 यूहन्ना 2:3

अगर हेनर परमेश्वरो आज्ञा मनेक्पोंई, दंङ दिरंङ साते हेंज़ी ञेंई च़रपोंई कि ञेंहच़ी परमेश्वर बि ञेंहनि।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 4:12

परमेश्वराबि अपेहल ला अच़िला माह तंङरि; अगर हेनर हेंदु बिचंङ दाह तोहनि, ता परमेश्वर हेन्दंङ साते बणेंके बंङज़ा; दंङ दोऊ दाह हेन्दंङ सिद्ध शुहचे यवाह।

1 यूहन्ना 5:13

गेह दिह डाक केतिंङ च़ेहच़ी लेहकी तोतोग अंऊ परमेश्वरो योह मिंदंङ विशवास लहज़ातोर ताकि केहच़ी ञेंओनि कि केहतु दोर अनंत जीवन तोह।

1 यूहन्ना 5:2

अपेहल हेनर परमेश्वरारंङ साते दाह लहज़ा तंई, दंङ दोऊ हुकुम मनेक्च़ातंई, दंङ दिरंङ साते हेंज़ी ञेंच़ातंई कि हेनर परमेश्वरो कटुतंङ साते दाह लहज़ा तंई।