1 यूहन्ना 3:13 - लाहौली बाइबिल

¹³ हे गिऊ प्यारे साथी विशवासी रे, अगर दिह संसारो मीहरे केतंङ साते बैर तहच़ातोर ता हेरानी था शुंई।

1 यूहन्ना 3:13 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 24:9

दंङ दोरे मीहरे अंऊ केहतु बिरोध लाहतोर बरदो रंड्रीमी थल्जी केरे च़ुमयतो केरे सचे केओर, दंङ गिऊ टोहकठे बिशवास लहज़िमी रंङ साते भत्ते जातिऊ मीहच़ी केतंङ साते बैर लोहर।

मरकुसो 13:13

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

लूको 21:17

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर।

लूको 6:22

“धन्य शुंई केरे अपेहल गेह मीहू योहू बजह सी मीहरे केतंङ साते बैर लेपोर दंङ केतिंङ हुन्ज़े च़रपोर, दंङ केहतु बुराई लोहतो, दंङ केहतु मिन मदम चेहके ट्रिके च़रपोर।”

यहून्नो 16:2

दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

यहून्नो 17:14

गेह कांह बचन दोतु कछंङ पिचे च़रतग, दंङ संसारो मीह ज़ि दोतंङ साते बैर लहरिर, छना कुचे, छना गेह दिह संसारो माह शुगाह, ध्वांए दोरे ला दिह संसारो माह शोहर।

यहून्नो 3:7

हेरान थशुह कि गेह करंङ साते कुहतग, कि कनिंङ खरकोई रूपा रंङ जन्म लेहपच़ी ज़रूरी तोह।

यहून्नो 7:7

संसारो मीहरे केतंङ साते बैर लेह मरपोर पर दोरे गेरंङ साते बैर लहज़ातोर, छना कुचे गेह दोतु खिलाप दिह गवाही रंड्रातग, कि दोतु कम मांजी तोह।

प्रेरित 3:12

दिह खांई पतरसे मीहतंङ साते कुंई, हे इस्राएल देशो मीहरे केहरे दिह मीहू टोईच़ी छिल्ले हेरानी लहज़ातंई दंङ केहरे ञेंहतु हखा छिल्ले झांह ठ्रोह खंड्री लेहकी तोतोंई कि ञेंहच़ी ए हेनातु सामर्थ ए भक्ति रंङ साते दिह देखा नोखा जोज़िमी जोगे लहतन।

रोमियो 8:7

पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;

2 तीमुथियुस 3:12

दि गप्पा हेले तोह कि हर इच्च़ा मीह अंऊ परमेश्वराबि खुश लहज़ी जुंज़ा दंङ यीशु मसीहू टोईच़ी विशवास लहज़ा दोबि ऊईतु दोरच़ी सताएपोर।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

प्रकाशित वाक्य 17:7

दुह स्वर्गदूते गिऊ हखा कुई, “कनिंङ हेरानी छारिंङ शुई? गेह दि मेच़िमी, दंङ दुह घ्वंण, अंऊ दोऊ टोईच़ी दुह सवार तोह, दंङ अतु निह्ज पुंज़ा ए सा डे तोतोर, कनिंङ भेद कंड्रातग।”