1 यूहन्ना 3:1 - लाहौली बाइबिल

¹ विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।

1 यूहन्ना 3:1 Iomraidhean Croise

लूको 20:36

दोरे सिओर ला माह छना कुचे दोरे स्वर्गंङ स्वर्गदूतातु ठ्रोह शोर दंङ परमेश्वर ओ कटुरे शुहबिमी रंङ साते यच़ाह श्रींङे योर।

यहून्नो 1:12

पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 15:21

पर दिह भत्ते धिर मीहरे, गिऊ चेला शुहबिमी बजह च़ि केतंङ साते लोहर छना कुचे दोरे गिह्बी च़रच़ा परमेश्वर बि माह सेहचातोर।

यहून्नो 16:3

दंङ दोरे झांह दिऊ थल्जी लोहर, छना कुचे दोच़ी माह पिता परमेश्वर बि ञेंहच़ातोर माह गिह्बी ञेंहच़ातोर।

यहून्नो 17:25

हे धर्मिक पिता परमेश्वर, संसारो मीहज़ी गेह माह ञेंहरे, पर गेह कांह ञेंहच़ातग दंङ दिह चेलाज़ि ला ञेंह केहतोर कि केईंए गेह च़रसी शुगाह।

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

रोमियो 5:8

पर परमेश्वरे हेंदु टोईच़ी एनोह दाह ओ भलाई दि रीति रंङ प्रगट लहज़ा, कि अपेहल हेनर पापी ए तोहनि दोहथर मसीह हेंदु थल्जी सिए इलि।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

रोमियो 8:21

भत्ते संसार दू ध्याड़ा बि रूमज़ा तोह अपेहल दि मौत ए विनाशो दोरच़ी छुटकारा खोकशी, परमेश्वरो ओलाद रंङ साते महिमाऊ आज़ादी रिंङ शामिल शुहचे योतो।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

2 कुरिन्थियों 6:18

“दंङ गेह केहतु बाह षोहग, दंङ केरे गिऊ योह ए मियोरे शोंई; दि सर्वशक्तिमान प्रभु परमेश्वरो वचन तोह”।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 3:29

छना कुचे केरे भत्तेर यीशु मसीह रिंङ इच्च़ा शुहचे इलजी तोतोंई, दंङ हेंतेग केरे अब्राहमो परिवारो हिस्सा शुई, दंङ केतिंङ भत्ते धिर खोकसोतो, अतु परमेश्वरे अब्राहमो हखा वाईदा लहसी तहरे।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

1 यूहन्ना 3:10

झांह लेह दिरंङ परमेश्वरो कटुरे ए शेतानो कटुरे ञेंच़ातेंई अंऊ मीहरे धर्मो कम लहज़ातोर, दोरे परमेश्वरो दोरच़ी शुरे, दंङ दोरे लाह अंऊ एनोह न्वा रंङ साते दाह तहच़ातोर।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

1 यूहन्ना 4:17

झांह लेह दाह हेंदु बिचंङ पूरा शुचे इलि, कि फेंसला ओ ध्याड़ा रिंङ हेन्दिंङ हिम्मत खोकसोतो कि दोई हेंदिंङ सज़ा माह रमतो; छना कुचे हेनर मसीहू ठ्रोह ऊई तंङ साते दाह लहज़ातंई दंङ दि संसारा रंङ दोतु ठ्रोह बंङज़ातंई।

प्रकाशित वाक्य 21:7

अंऊ जय खोकपोरे, दोरे गिऊ दोरच़ी दि भत्ते आशीष खोकपोरे; दंङ गेह दोतु परमेश्वर शोहग, दंङ दुह गिऊ योह शोतो।