1 यूहन्ना 2:8 - लाहौली बाइबिल

⁸ तांला अंऊ हुकुम गेह केतिंङ च़ेहच़ी लेहकी तोतोग दुह खरकोई हुकुम शुह, छना कुचे दिऊ सच्चाई मसीह रिंङ ए केतिंङ लाह तंङफोतो छना कुचे हंयार योह्सा यवात पर सच्चाई ऊ छंङी हेंतेग चमकेपी लेहकी तोह।

1 यूहन्ना 2:8 Iomraidhean Croise

मत्ती 4:16

परमेश्वराबि माहञेंहच़ा हंञरिंङ बंङज़ा ऊईजाति तिंङ इच्च़ा मोह्ड़े छंङी तंङफोतो। दिह छंङी दोतिंङ मुक्तिऊ अम कंबोतो अरी परमेश्वराबि माह ञेंच़ातोर दंङ हमेशाओ सिमी अमरिंङ तोतोर।”

लूको 1:79

पापारिंङ जोज़ा ए सीमी बेह्दारिंङ बंङज़ा दोतिंङ छंङी रंड्रीमी थल्जी, कि दिह छंङी ञेंतिंङ दुह अमो मार्गदर्शन लोहतो शांति ओ अम रिंङ सीधा चलाएपोतो।

यहून्नो 1:9

“मसीह अंऊ सच्चे छंङी तोह” अच़ि हर इच्च़ा मीहबी छंङी लहज़ाते, संसारारंङ अपि लेहकी तोहई।

यहून्नो 12:35

यीशु ज़ि दोतु हखा कुंई, “कि छंङी केहतु बिचंङ थोड़े ध्याड़ो शुह, अपेहल तचेक केतंङ साते छंङी तोह जोआ लांही; झांह शुबी मेस कि हंयार केतिंङ कपची च़रपोतो; अरी हंयारा रिंङ जोज़ा दोई माह ञेंहच़ा कि अंऊखा इपि लेहकी तोतोग।

यहून्नो 12:46

गेह संसारारंङ छंङी शुहचे अंज़े शुगाह, कि अच़िला गिऊ टोहकठे विशवास लोहतो दुह हंयारा रिंङ माह बंङज़ोतो।

यहून्नो 13:34

गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही।

यहून्नो 8:12

यहुदी मंदिरंङ एनोह शिक्षा यच़ाह शुरू लेह यीशु ज़ि मीहतु हखा कुंई, “गेह ए दिह संसारो छंङी शुगाह; अरीला गिऊ थले जोज़ा दुह अपेहला हंयारा रिंङ माह ज़ोतो, पर दुह छंङी बि खोक्पोतो अच़ि अनंत जीवन रंड्रा।”

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

2 तीमुथियुस 1:10

पर हेंतेग हेंदु उद्धारकर्ता, प्रभु यीशु मसीह, अच़ा अंजा, दंङ हेंदिंङ एनोह मोह्ड़े दाह कंङातो। दोई सिमी शाक्ति यहरच़े चरच़तो, दंङ रूठे खबरो ज़रिये, हेंदिंङ अनंत जीवनो थल्जी अम कंङातो।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 4:11

हे गिऊ साथी विशवासी रे, अपेहल परमेश्वरे हेन्दंङ साते झांह ठ्रोह दाह लहरी, दंङ हेन्दिंङ ला हेंदु बिचंङ दाह तहच़ि जूंशी तोह।

1 यूहन्ना 4:21

दंङ परमेश्वरो दोरच़ी हेन्दिंङ दि हुकुम खोकसा तोह, कि अच़िला एनोह परमेश्वरारंङ साते दाह तहच़ा, दोई एनोह विशवासी न्वा रंङ साते ला दाह लोह।