1 यूहन्ना 2:5 - लाहौली बाइबिल

⁵ पर अच़िला परमेश्वरो बचनो पालन लहज़ा, दोरिंङ हेले परमेश्वरो दाह सिद्ध शुहचे तोह, हेंदिंङ दिरंङ ए पता लेहकी यवात कि हेनर परमेश्वरा रंङ साते बणेंके तोतोंई।

1 यूहन्ना 2:5 Iomraidhean Croise

लूको 11:28

यीशु ज़ि कुतोह, “वेई; पर धन्य शुहरे दोरे अंऊ परमेश्वरो बचन रेड्रातोर दंङ दोऊ भाषे लहज़ातोर।”

यहून्नो 14:21

अतु कछंङ गिऊ हुकुम तोह, दंङ दोई दुह मनेक्च़ा, दोई ए गेरंङ साते दाह लहज़ा, दंङ अच़ि गेरंङ साते दाह लाह, दोरंङ साते गिऊ पिता परमेश्वरे दाह लोहतो, दंङ गेह दोरंङ साते दाह लोहग, दंङ घेंङा बि दोऊ टोईच़ी प्रगट लोहग।”

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 15:5

गेह दाखो ब्रन्ज़ शुगाह: केहरे डाड़ीर शुई; अरी गेरंङ बणेंके बंङज़ा दंङ गेह दोरंङ, दोई महसे फल हपि, छना कुचे गेरंङ शता शुहचे, केहरे छले लेह मरपोंन।

यहून्नो 6:56

अच़ि गिऊ फुक ज़ोवा, दंङ गिऊ शुहई तुंङमा, दुह पक्‍का ए गेरंङ साते तोह दंङ गेह दोरंङ साते।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

याकूब 2:22

केई खंई च़रतिन कि विशवासो दोरच़ी दोऊ कमरंङ साते मिलेकी रूठे लेह च़रति दोऊ विशवास दोऊ कमो दोरच़ी सिद्ध शुहचे इलि,

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 4:17

झांह लेह दाह हेंदु बिचंङ पूरा शुचे इलि, कि फेंसला ओ ध्याड़ा रिंङ हेन्दिंङ हिम्मत खोकसोतो कि दोई हेंदिंङ सज़ा माह रमतो; छना कुचे हेनर मसीहू ठ्रोह ऊई तंङ साते दाह लहज़ातंई दंङ दि संसारा रंङ दोतु ठ्रोह बंङज़ातंई।

1 यूहन्ना 4:18

दाह रिंङ बेह्द माह शुहबी, पर सिद्ध दाह ए बेह्द ऊई तार लेह केट्री; छना कुचे अच़ि बेह्द चेहच़ा दोई सज़ा रंङ बेह्द चेहच़ा, दंङ अच़ि बेह्द लाह, दुह दाह रिंङ सिद्ध माह।

1 यूहन्ना 5:2

अपेहल हेनर परमेश्वरारंङ साते दाह लहज़ा तंई, दंङ दोऊ हुकुम मनेक्च़ातंई, दंङ दिरंङ साते हेंज़ी ञेंच़ातंई कि हेनर परमेश्वरो कटुतंङ साते दाह लहज़ा तंई।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

2 यूहन्ना 1:6

परमेश्वरा रंङ साते दाह लहज़िमी दि तरीका तोत कि हेनर ध्वांए श्रींङमोंई छना परमेश्वरे कुट्रा कि ञेंतिंङ श्रींङमी जूंशी तोह। दिह दुह ए हुकुम शुह, अंऊ केहच़ी शुरूआत बे रैहशी तातंई, कि केतिंङ हमेशा केनातु बिचंङ दाह लहज़ी जूंशी तोह।

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 14:12

दिऊ थल्जी ज़रूरी तोह कि परमेश्वर ओ मीहरे दुह भत्ते दुख सहन लोहर अंऊ दुख दोच़ी सहन लहज़ातोर। दोच़ी दुह ए लहज़ातोर अंऊ परमेश्वरे हुकुम रंड्रा अंऊ दोतिंङ यीशु टोईच़ी विशवास लहज़ी बंद लेह माह जूंस।