1 यूहन्ना 2:4 - लाहौली बाइबिल

⁴ दंङ अच़िला दि कुट्रा, “कि गेह परमेश्वर बि ञेंई केहरिगा,” पर दोऊ हुकुम माह मनेक्च़ा दंङ दुह हप्साड़ शुह दंङ परमेश्वरो सच्चाई ऊ हिसाबे ज़िंदगी माह श्रींङज़ा।

1 यूहन्ना 2:4 Iomraidhean Croise

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

तीतुस 1:10

गेह दि दिऊ थल्जी कुट्रतग, छना कुचे महसे मीहरे हेले शिक्षाओ विरोध लहज़ातोर, अंऊ दोच़ी बकवास लहज़ातोर ए ऊईतिंङ धोखा रंड्रातोर। खासकर दि यहुदी मीहरे अंऊ विशवासी बणेंके इलजी तोतोर अंऊ उद्धारो थल्जी खतना रिंङ जोर रंड्रातोर।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

1 यूहन्ना 1:10

अगर हेंज़ी कोंहई कि ञेंहच़ी पाप माह लंहि, दंङ हेंज़ी परमेश्वरा बि हप्सी ठहराएच़ा तोंई, दंङ एंतेग तचेक हेंज़ी परमेश्वरो बचन स्वीकार माह लहज़ातंई।

1 यूहन्ना 1:6

अगर ञेंहच़ी कुंई कि परमेश्वरा रंङ साते ञेंहतु संगति तोह, परमेश्वर छंङी ठ्रोह पवित्र तोह दंङ दोऊ अंदेरग छल्ले बुराई माह। दंङ ञेंहच़ी हप्सी कुट्रातंई दंङ सच्चाई ऊ हिसाबे माह जोज़ातंई।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 2:3

अगर हेनर परमेश्वरो आज्ञा मनेक्पोंई, दंङ दिरंङ साते हेंज़ी ञेंई च़रपोंई कि ञेंहच़ी परमेश्वर बि ञेंहनि।

1 यूहन्ना 2:9

दंङ अच़िला दि कुट्रा, कि गेह छंङीरिंङ तोतोग; पर एनोह विशवासी न्वा रंङ साते बैर तहज़ा, दुह एंतेग तचेक ह्न्यारारिंङ ए तोह।

1 यूहन्ना 3:6

अंऊ लाह दोरंङ बड़ेकी बंङज़ा, दुह पापारिंङ बणेंके माह बंङज़ा; अच़िला पाप लहज़ा, दोई माह ता मसीह बि ञेंहच़ा दंङ माह ए दोबि समझेक्च़ा।

1 यूहन्ना 4:20

अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।