1 यूहन्ना 2:3 - लाहौली बाइबिल

³ अगर हेनर परमेश्वरो आज्ञा मनेक्पोंई, दंङ दिरंङ साते हेंज़ी ञेंई च़रपोंई कि ञेंहच़ी परमेश्वर बि ञेंहनि।

1 यूहन्ना 2:3 Iomraidhean Croise

लूको 6:46

“अपेहल केहच़ी गिऊ गप्पा मा मनेक्च़ातंई ता छिलेह गिह्बी हे प्रभु हे प्रभु; कुट्रातंई?

यहून्नो 14:15

“अगर केहच़ी गेरंङ दाह लोहनी, ता गिऊ हुकुम मनेक्पोंई।

यहून्नो 15:10

अगर केहच़ी गिऊ हुकुम मनेक्फोई, ता गिऊ दाह रिंङ बणेंके बंङज़ोन; छना कि गेह घेंङौ पिता परमेश्वरो हुकुम मनेक्च़ातेग, दंङ दोऊ दाह रिंङ बणेंक बंङज़ातग।

यहून्नो 15:14

छिला धिरो हुकुम गेह केतिंङ रंड्रातग, अगर दुह लोहनी, ता केहरे गिऊ मित्र शुई।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

1 यूहन्ना 2:13

हे सेंहणा रे, छना कुचे केहच़ी ञेंहच़ातंई, अंऊ शुरूआत बेहच़ी तोह, दोबि केहच़ी ञेंच़ातंई। हे जवान रे, गेह केतिंङ झांह लेह चेहच़ातग कि केहच़ी दुह मांजी शेतानो टोहकठे जय खोकसी तातंई; हे कटुरे, गेह केतिंङ झांह लेह चेहच़ातग, कि केहच़ी बाह परमेश्वर बि ञेंहई चरच़ातंई।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:19

अपेहल हेनर ऊईदि रंङ साते दाह लहज़ातंई; झांह लेह हेनर दि ञेंओनि कि हेनर सच्चाई ऊ शुंई; दंङ अपेहल लाह हेंदु सेहम हेंदिंङ दोषी कंड्रा, दंङ हेनर हेंदु दोऊ सेहमाबि याहब रें तरपोंई; छना कुचे परमेश्वर हेंदु सेहम बे मोह्ड़े तोह, दंङ दोई भत्ते धिर ञेंहच़ा।

1 यूहन्ना 3:6

अंऊ लाह दोरंङ बड़ेकी बंङज़ा, दुह पापारिंङ बणेंके माह बंङज़ा; अच़िला पाप लहज़ा, दोई माह ता मसीह बि ञेंहच़ा दंङ माह ए दोबि समझेक्च़ा।

1 यूहन्ना 4:13

दिरंङ ए ञेंहच़ी ञेंच़ातंई, कि हेनर दोरंङ बड़ेकी बंङज़ातंई, दंङ दुह हेन्दंङ; छना कुचे दोई पवित्र आत्मो दोरच़ी हेन्दिंङ रांहषी ततो।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।

1 यूहन्ना 5:19

ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

1 यूहन्ना 5:2

अपेहल हेनर परमेश्वरारंङ साते दाह लहज़ा तंई, दंङ दोऊ हुकुम मनेक्च़ातंई, दंङ दिरंङ साते हेंज़ी ञेंच़ातंई कि हेनर परमेश्वरो कटुतंङ साते दाह लहज़ा तंई।

1 यूहन्ना 5:3

परमेश्वरारंङ साते दाह लहज़िमी मतलब तोह, दोऊ हुकुम मनेक्च़ी: दंङ दोऊ हुकुम मनेक्च़ी खरे माह।

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 14:12

दिऊ थल्जी ज़रूरी तोह कि परमेश्वर ओ मीहरे दुह भत्ते दुख सहन लोहर अंऊ दुख दोच़ी सहन लहज़ातोर। दोच़ी दुह ए लहज़ातोर अंऊ परमेश्वरे हुकुम रंड्रा अंऊ दोतिंङ यीशु टोईच़ी विशवास लहज़ी बंद लेह माह जूंस।

प्रकाशित वाक्य 22:14

“धन्य तोतोर दोरे, अंऊ एनोह खमज़ेर कुरच़ो शुई रें शुहल्ज़े केट्रातोर, छना कुचे दोतिंङ दुह शहरो पेतंङो दोरच़ी अपिमी अधिकार रमोर। दंङ दोतिंङ दुह बुटो फल ज़ेइमी अधिकार ला रमोर अंऊ दोई जीवन रंड्रा।”