1 यूहन्ना 2:29 - लाहौली बाइबिल

²⁹ छना कुचे केहच़ी ञेंच़ातंई, कि मसीह धर्मी शुह, दंङ दिला ञेंच़ातंई, कि अच़िला धर्मो कम लहज़ा, दोरे परमेश्वरो कटुरे शुरे।

1 यूहन्ना 2:29 Iomraidhean Croise

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 7:18

अच़ि एनोहो दोरच़ी छा कुट्रा, दोई एनोहो ए तारीफ जुंज़ा, पर अच़ि एनोहो च़रच़ा दोऊ तारीफ जुंज़ा दुह ए ईमानदार शुह, दंङ दोऊ अंद्रेग बेईमानी माह।

प्रेरित 10:35

बल्कि हर इच्च़ा जाति अच़ि परमेश्वरो बेह्द चेहच़ा दंङ धर्मो कम लहज़ा, परमेश्वर दोतिंङ ग्रहण लहज़ा।”

प्रेरित 22:14

दोहपल दोई कुई, ञेंहतु बाह-मेमेतु परमेश्वरे कनिंङ दिऊ थल्जी ठहराएसी ततो कि केई दोऊ हिटी बि ञेंई, दंङ दू धर्मी, मसीह बि खंणु, दंङ दोऊ सग रेड्रुं।

प्रेरित 3:14

केहच़ी दुह ग्रहण माह लहरिन अरि पवित्र ए धर्मी तोहई दंङ केहरे जुंज़ातंई कि इच्च़ा हत्यारा बि केहतु थल्जी रिहा लोहनी।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

इब्रानियों 7:2

अब्राहमे मलिकिसिद्क बि लड़ाई रिंङ द्रक्शे हासी भत्ते चीज़ो दसवां हिस्सा रांई, मलिकिसिद्को मिन्दु मतलब शुह, “धर्मो राजा” शुह, दंङ शालेमो मतलब शुह, “शांति” शुह, दंङ दू “शान्तिऊ रज्ज़ा” ला शुह।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

2 पतरस 1:4

दि भत्ते धिरो दोरच़ी परमेश्वरे हेंदिंङ महसे महान ए अनमोल वरदान रांहषी ततो अतु दोई वाईदा लहसी तते। ताकि दि वरदाना तु इस्तेमाल लहज़ी हेनर संसारो दुह मदम हिटी ओ दोरच़ी बचेके तरपोंई अंऊ मीहतिंङ नाश लहज़ा, दंङ परमेश्वरो व्यवहार सहभागी शुहचे योंई।

1 यूहन्ना 2:1

हे गिऊ प्यारे कटुरे, गेह दि गप्पारे केतिंङ झांह लेह चेहच़ातग कि केहच़ी पाप थालंही। दंङ अच़िया पाप लहरी ता, दंङ बाह परमेश्वर ओ कछंङ हेंदु थल्जी इच्च़ा सहायक तोह; अंऊ हेंदु पापो माफी ऊ थल्जी बाह परमेश्वर रंङ साते प्रार्थना लहज़ा मतलब यीशु मसीह अंऊ धर्मी तोह।

1 यूहन्ना 3:5

दंङ केहच़ी ञेंच़ातंई, कि यीशु मसीह दिऊ थल्जी अंज़े शुह, कि पाप बि योह्च़े च़रपोतो; कि दोरिंङ छिल्ला पाप माह।

1 यूहन्ना 3:7

प्यारे कटुरे, अतुला धोखा रिंङ था अतंई। अच़ि धर्मो कम लहज़ा दुह ए मसीहू बराबर धर्मी तोह।

1 यूहन्ना 4:7

हे गिऊ प्यारे साथी रे, हेनर हेंदु बिचंङ दाह तोहनि; छना कुचे दाह परमेश्वरो दोरच़ी शुह दंङ अच़िला दाह लहज़ा, दुह परमेश्वरो कटु शुह दंङ दोई परमेश्वरा बि ञेंहच़ा।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

1 यूहन्ना 5:18

ञेंहच़ी ञेंहच़ातंई कि अरिला परमेश्वरो कटु शुह, दोई लगातार पाप माह लहज़ा; छना कुचे परमेश्वरो योह यीशु मसीह दोबि बचाके तहच़ा: दंङ दुह मांजी शेतान दोबि थोह्की लाह मरछा।

1 यूहन्ना 5:4

छना कुचे परमेश्वरो हर इच्च़ा कटु, संसारो टोईच़ी जीत प्राप्त लहज़ा, दंङ दुह जीत अतंङ संसारो टोईच़ी जीत खोकसा, दुह हेंदु विशवास ए शुह।

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।