1 यूहन्ना 2:27 - लाहौली बाइबिल

²⁷ दंङ केहतु अन्द्रेग दुह पवित्र आत्मा बंङज़ा अंऊ मसीह केतिंङ रांहषी ततो, झांह लेह केतिंङ कंड्रिमी थल्जी अतुला ज़रूरत माह। छना कुचे दुह पवित्र आत्माज़ि केतिंङ भत्ते धिर सिखाएच़ा अतु केतिंङ ज़रूरत तोह। दंङ छिल्ला धिर पवित्र आत्माज़ि केतिंङ सिखाएच़ा दुह हेले शुह हप्सी मशत। छना दोई केतिंङ कांहषी ततो ध्वांए केरे दोरंङ बणेंके बंङज़ुंई।

1 यूहन्ना 2:27 Iomraidhean Croise

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

यहून्नो 14:16

दंङ गेह पिता परमेश्वरारंङ साते बिनती लोहग, दंङ दोई केहतु थल्जी हमेशा साते बंङज़ा इच्च़ा मदतगार बि रमतो।

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 6:45

भविष्यवक्तातु कताबंङ च़ेहसी तोह, ‘दोरे भत्तेर पिता परमेश्वरो दोरच़ी सिखाएच़ि शोर।’ अच़िला पिता परमेश्वरो दोरच़ी थासी ए सिखेसी तोतोर, दुह गिऊ कछंङ अपा।

1 कुरिन्थियों 2:12

हेनर ध्वांए ठ्रोह माह सोचेक्च़ातंई छना संसारो मीहरे सोचेक्च़ातोर; छना कुचे हेंज़ी दू आत्मा खोकसी तातंई, अंऊ परमेश्वरो तरफे तोह, कि हेनर दू गप्पा ञेंओनि, अंऊ परमेश्वरे हेंदिंङ रांहषी ततो।

1 कुरिन्थियों 2:13

दंङ झांह लेह हेनर दि गप्पार ऊईतिंङ कंड्रातंई, दंङ हेनर दि शब्दा तु इस्तेमाल माह लहज़ातंई, अंऊ मीहतु ज्ञानो दोरच़ी खोकसा, पर हेनर दू शब्दा तु इस्तेमाल लहज़ातंई अंऊ परमेश्वरो आत्माओ दोरच़ी खोकच़ातंई, अंऊ आत्मिक ज्ञानो दोरच़ी आत्मिक गप्पा समझाएक्च़ा।

2 कुरिन्थियों 1:21

परमेश्वर ए तोह, अंऊ केतंङ साते ञेंतिंङ मसीहरिंङ ढकाह लहज़ा। परमेश्वर हेंदु टोहकठे मोहर लगाके बयाना ओ रूपा रिंङ एनोह आत्मा हेंदु सेहमरिंङ केहच़ी हेंदु अभिषेक लहरी।

इफिसियों 4:21

छिल्ला धिर केहच़ी यीशु मसीहू पाहठी रेड्री तातंई दंङ छिल्ला धिर केहतु सिखाएच़ा दोच़ी केतिंङ सिखासी तोह, दू पक्‍का रूपारिंङ दोऊ खबर शुह।

कुलुस्सियों 2:6

दंङ छना केहच़ी मसीह यीशु बि प्रभु लहच़ी ग्रहण लेह केहरिन, ध्वांए लगातार दोऊ थलेच़ि ज़ोजा लंहि,

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

1 थिस्सलुनीकियों 4:9

दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

2 यूहन्ना 1:2

ञेंरे केतंङ साते दाह लहज़ातंई छना कुचे हेनर सच्चाई शिक्षा ओ टोहकठे विशवास लहज़ातंई, दंङ दुह शिक्षा हमेशा बणेंके बंङज़ोतो।