1 यूहन्ना 2:25 - लाहौली बाइबिल

²⁵ परमेश्वरे हेन्दंङ साते वाईदा लाहरी कि दोई हेन्दिंङ अनंत जीवन रमतो।

1 यूहन्ना 2:25 Iomraidhean Croise

लूको 18:30

दंङ हेंतेग अंयों शुहदा महस ए माह खोकसोतो दंङ तुंखा अनंत जीवन माह खोकसोतो।”

यहून्नो 10:28

दंङ गेह दोतिंङ अनंत जीवन रंड्रातग, दंङ दुह अपेहला माह योहसतो, दंङ अच़िला दोतिंङ गिऊ दोरच़ी खुल्जे मरपोर।

यहून्नो 12:50

दंङ गेह ञेंहच़ातग, कि दोऊ आज्ञा ओ हिसाबे जोज़ी अनंत जीवन रंड्रा, दिऊ थल्जी छि गेह कुट्रातग, दुह छना पिता परमेश्वरे गिऊ हखा कुहतो ध्वांए कुट्रातग।”

यहून्नो 3:15

कि अच़िला गिऊ टोहकठे विशवास लोहर दोतिंङ अनंत जीवन खोकसोतो।

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

यहून्नो 6:27

दुह बगतो थल्जी मेहनत थाह लांही अंऊ नाशवान तोह पर दुह बगतो थल्जी लांही अंऊ अनंत जीवन तचेक बंङज़ा, मतलब गेह मीहू योह दिह बगत रमोग, छना कुचे पिता परमेश्वरे गिह्बी झांह लहज़िमी अधिकार रांहषी ततो।”

यहून्नो 6:40

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

यहून्नो 6:47

गेह केतंङ साते हेले कुट्रातग अच़िला गिऊ टोहकठे विशवास लज़तोर, अनंत जीवन दोतु शुह।

यहून्नो 6:54

अच़ि गिऊ फुक ज़ोवा, दंङ गिऊ शुहई तुंङमा, अनंत जीवन दोऊ ए शुह, दंङ गेह न्याय ध्याड़ा रिंङ यच़ाह दोबि श्रींङमी लोहग।

यहून्नो 6:68

शमौन पतरसे यीशु बि जुबाब रेंई, “हे प्रभु, ञेंहरे अतु कछंङ योंई? अनंत जीवनो गप्पा ता कांह ए कछंङ तोह।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

गलातियों 6:8

छना कुचे अंऊ मीह दू ए लहज़ा अंऊ दोऊ पापी स्वाभाव जुंज़ा, दंङ दोई खमतो कि दि दोऊ थल्जी मौत रेंज़ा हपतो। पर अंऊ मीह परमेश्वरो आत्माओ हिटी पूरा लहज़ा दोई खमतो कि आत्मा दोबि अनंत जीवन रमतो।

1 तीमुथियुस 1:16

पर यीशु मसीह ज़ि गिऊ टोहकठे दाह लहरी, दंङ गेह भत्ते बे मोह्ड़े पापी बि माफ लहच़ी दि कंड्री ततो कि दुह अंयों सहनशील तोह दि, दुह मीहतु थल्जी इच्च़ा नमूना शोतो अंऊ दोऊ टोहकठे विशवास थले लोहर दंङ अनंत जीवन खोकपोरे।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

1 तीमुथियुस 6:19

अगर दोच़ी झांह लहज़ातोर, दंङ दि झांह तोह छना दोरे स्वर्गारिंङ एनोह ढबाह ठ्रोका लहज़ातोर अंऊ अपेहल योंहषतो माह, दंङ दोरे सच्चा जीवन खोकपोरे अंऊ हमेशा ओ थल्जी तोह।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

तीतुस 3:7

अंऊ दिरिंङ हेनर दुह अनंत जीवन खोकसिमी उम्मीद लेह तरपोंई अंऊ परमेश्वरे हेंदिंङ एनोह कटुरे शुहबिमी वाईदा लाहते। दंङ दि पाहठी ञेंहच़ी ञेंहच़ातोंई छना कुचे परमेश्वरे एनोह मोह्ड़े दाह ओ दोरच़ी हेंदिंङ एनारंङ साते सही ठहराच़ा।

1 यूहन्ना 1:2

दि मीह अच़ि जीवन रंड्रा दुह दिह धरतीरिंङ अति, दंङ ञेंहच़ी दुह खंई, दंङ दोऊ गवाही रंड्रातंई, दंङ केतिंङ कंड्रातंई कि दि दुह ए शुह अंऊ अनंत जीवन शुह। दुह बाह परमेश्वरा रंङ साते तोहई, दंङ अपि परमेश्वरे हेंदिंङ कंङातो।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

यहूदा 1:21

केनातु थल्जी परमेश्वरो दाह महसूस लोहवा लंहि। अपेहल कि केरे हेंदु प्रभु यीशु मसीहू दि उम्मीदा रंङ साते इंतज़ार लहज़ातंई कि केतिंङ अनंत जीवन खोकसोतो। दोई झांह पक्‍का ए लोहतो छना कुचे दोई केतंङ साते दाह लहज़ा।