1 यूहन्ना 2:24 - लाहौली बाइबिल

²⁴ ध्यान तंही; अपेहल केहच़ी मसीहू टोहकठे विशवास लहज़ातंई दंङ अंऊ सच्चाई ऊ बचन केहच़ी रैहशी तातंई, अगर दुह केतिंङ बणेंके बंङज़ोतो, दंङ केरे लाह योह रंङ साते, दंङ बाह परमेश्वर रंङ साते बणेंके बंङज़ोंई।

1 यूहन्ना 2:24 Iomraidhean Croise

लूको 1:2

छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

लूको 9:44

“छिला गेह कुट्री लेहकी तोतोग दुह ध्यानारंङ साते रेड्रुंई दंङ हिद तांहई: गेह मीहू योह बि मीहतु गुहड़रिंङ चुम्ज़ी लोहर।”

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 15:7

अगर केहरे गेरंङ बणेंके बंङज़ोन, दंङ गिऊ शिक्षा केतंङ शोतो ता छिला धिर पेट्रोंई ता गेह दुह लोहग।

यहून्नो 6:56

अच़ि गिऊ फुक ज़ोवा, दंङ गिऊ शुहई तुंङमा, दुह पक्‍का ए गेरंङ साते तोह दंङ गेह दोरंङ साते।

यहून्नो 8:25

यहुदी सेंहणा ज़ि दोऊ हखा कुंई, “कांह अरी शुनाह?” यीशु ज़ि दोतु हखा कुंई, “अपेहल बे गेह शिक्षा रंड्री शुरू लहसी तातग, गेह दुह ए शुगाह अंऊ गेह केहतु हखा शुरूआत बेहच़ी कुट्रा लहज़ातोग।

फिलिपियों 4:15

हे फिलिप्पी शहरो मीहरे, केहच़ी ञेंहच़ातंई कि अपेहल गेह रूठे खबरो प्रचारो शुरूआती ध्याड़ा रिंङ मकिदुनिया प्रदेशो दोरच़ी घेंङौ यात्रा शुरू लहज़ी दोहपल अच़ा इलिगा दोहथर केतिंङ केट्रा ऊई अरिया कलीसिया ओ मीहच़ी लेन-देनो पाहठी गिऊ मदत माह लहरिर।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

इब्रानियों 2:1

झांह लेह हेंदिंङ अंऊ खबर खोकसते, दोऊ टोईच़ी रूठे रंङ ध्यान रंड्री जूंशी तोह। झांह शुहबी मेस कि हेनर सच्चाई ओ दोरच़ी भटकेगी योंई।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 2:7

हे प्यारे, गेह केतिंङ अंऊ ला खरकोई हुकुम माह चेहच़ातग, पर दुह ए पुराना हुकुम अंऊ शुरूआत बे केतिंङ खोकसा तोह; दिह पुराना हुकुम दुह वचन शुह अंऊ दुह केहच़ी रैहशी तातंई, अपेहल केहच़ी यीशु मसीहू टोहकठे विशवास लहज़ातंई।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 4:13

दिरंङ ए ञेंहच़ी ञेंच़ातंई, कि हेनर दोरंङ बड़ेकी बंङज़ातंई, दंङ दुह हेन्दंङ; छना कुचे दोई पवित्र आत्मो दोरच़ी हेन्दिंङ रांहषी ततो।

1 यूहन्ना 4:15

अच़िला दिह मनेकी केट्रा, कि यीशु परमेश्वरो योह शुह, परमेश्वर दोरंङ बड़ेकी बंङज़ा, दंङ दुह परमेश्वरारंङ बड़ेकी बंङज़ा।

1 यूहन्ना 4:16

ञेंहच़ी रूठे रंङ ञेंहच़ातंई दंङ ञेंहच़ी विशवास ला लहज़ातंई कि परमेश्वर हेन्दंङ साते दाह लहज़ा। परमेश्वर दाह शुह; अंऊ दाह रिंङ बड़ेकी बंङज़ा दुह परमेश्वरारंङ बड़ेकी बंङज़ा दंङ परमेश्वर दोरंङ साते बणेंके बंङज़ा।

2 यूहन्ना 1:2

ञेंरे केतंङ साते दाह लहज़ातंई छना कुचे हेनर सच्चाई शिक्षा ओ टोहकठे विशवास लहज़ातंई, दंङ दुह शिक्षा हमेशा बणेंके बंङज़ोतो।

2 यूहन्ना 1:9

अंऊ मीहरे सच्चाई ऊ शिक्षा ओ दोरच़ी भटकेगी य्वातोर, दंङ मसीहू शिक्षा बि मनेक्च़ा तोर माह, दोरे परमेश्वरा रंङ साते बणेंकी माह बंङज़ा तोर। पर अंऊ मीहरे मसीहू शिक्षा बि लगातार मनेक्च़ा तोर, दोरे बाह परमेश्वरा रंङ साते दंङ दोऊ योह यीशु मसीह रंङ साते बणेंके बंङज़ा तोर।

3 यूहन्ना 1:3

छना कुचे रेह साथी विशवासी ज़ि अंज़े ञेंतिंङ कंड्रा तोह कि काह परमेश्वरो हेले ऊ अमरिंङ श्रींङमी लेहकी तोतोन, दंङ गेह महस ए खुश शुईगा।

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।

प्रकाशित वाक्य 3:3

दुह शिक्षा बि हिद लोह अंऊ केई महस तुहई रेड्री तातन दंङ विशवास लाहतेन। छि कनिंङ सिखासी तोह दोऊ हिद लोह, केनोह बेपरवाही दोरच़ी पश्चाताप लोह। अगर काह बेपरवाही लहज़ी जारी तहज़ातन दंङ गेह अचानक अपोग, छना इच्च़ा चोर अपा, दंङ केई दुह टेम ला माह ञेंहच़ातन अपेहल गेह कनिंङ सज़ा रंड्रीमी थल्जी अपोग।