1 यूहन्ना 2:20 - लाहौली बाइबिल

²⁰ पर केतिंङ ता मसीहू दोरच़ी पवित्र आत्मा रांहषी तोह, दंङ केहच़ी भत्ते सच्चाई शिक्षा ञेंच़ातेंई।

1 यूहन्ना 2:20 Iomraidhean Croise

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

1 यूहन्ना 2:27

दंङ केहतु अन्द्रेग दुह पवित्र आत्मा बंङज़ा अंऊ मसीह केतिंङ रांहषी ततो, झांह लेह केतिंङ कंड्रिमी थल्जी अतुला ज़रूरत माह। छना कुचे दुह पवित्र आत्माज़ि केतिंङ भत्ते धिर सिखाएच़ा अतु केतिंङ ज़रूरत तोह। दंङ छिल्ला धिर पवित्र आत्माज़ि केतिंङ सिखाएच़ा दुह हेले शुह हप्सी मशत। छना दोई केतिंङ कांहषी ततो ध्वांए केरे दोरंङ बणेंके बंङज़ुंई।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

इब्रानियों 1:9

केई रूठे कमा रंङ साते दाह ए मदम कमारंङ साते बैर लहरिन; झांह लेह गेह, कांह परमेश्वरे, कनिंङ अंङषी चरच़तो, दंङ कांह भत्ते साथी बे कनिंङ महस आदर रांहषी ततो दंङ खुशी मनाएच़ी ततो।”

1 यूहन्ना 4:13

दिरंङ ए ञेंहच़ी ञेंच़ातंई, कि हेनर दोरंङ बड़ेकी बंङज़ातंई, दंङ दुह हेन्दंङ; छना कुचे दोई पवित्र आत्मो दोरच़ी हेन्दिंङ रांहषी ततो।

प्रेरित 3:14

केहच़ी दुह ग्रहण माह लहरिन अरि पवित्र ए धर्मी तोहई दंङ केहरे जुंज़ातंई कि इच्च़ा हत्यारा बि केहतु थल्जी रिहा लोहनी।

लूको 4:18

“प्रभुऊ आत्मा गिऊ टोईच़ी तोह, छना कुचे कि दोई गरीबातिंङ रूठे खबर सुनाएच़िमी थल्जी गिऊ अभिषेक लहसी शुह। दंङ गेह दिऊ थल्जी चरच़ि शुगाह कि केदीतिंङ छुटकारा ए कांणे दोतिंङ खंड्रिमी रूठे खबर सुनाएपोग, दंङ दुखी ए लचार मीहतिंङ दोतु दोरच़ी छुड़ाएपोग अच़ि दोतु टोईच़ी अत्याचार लाहतोर,

मरकुसो 1:24

“हे नासरत ओ यीशु, ञेंतिंङ करंङ साते छी कम? छि केई ञेंतिंङ सच़िमी थल्जी अन्देन आ? गेह का सेका, का अरी शुनाह? का परमेश्वरो पवित्र योह।”

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,

इब्रानियों 8:11

दंङ हर इच्च़ा एनोह देश वासी बि दंङ एनोह नातातिंङ दि शिक्षा रंड्रीमी छल्ले ज़रूरत माह, कि “काह प्रभु बि सेहच़ी च़रतु।” छना कुचे कवचि बे मोह्ड़े तचेक दोरे भत्तेरे स्वीकार लेह च़रपोर कि गेह दोतु परमेश्वर शुगाह।

1 कुरिन्थियों 2:15

दोरे मीहरे अंऊ दोतिंङ पवित्र आत्मा खोकसा तोह दू भत्ते चीज़ समझेगी तरपोर अंऊ पवित्र आत्मा सिखाएच़ा। पर अतु कछंङ पवित्र आत्मा माह दोरे दू मीहतु विचार समझेकी माह रपोर अतु कछंङ आत्मा तोह।

लूको 4:34

“हे नासरत नगर ओ यीशु, ञेंतिंङ करंङ साते छि कम? छि केई ञेंतिंङ सच़िमी थल्जी अन्देन आ? गेह कनिंङ ञेंहच़ातग कांह अरी शुनाह? कांह परमेश्वरो पवित्र मीह शुनाह।”

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

यहूदा 1:5

हालांकि केरे भत्ते गप्पा इच्च़ा फेरा ञेंई चरच़ातंई, तांला गेह केतिंङ दि गप्पा हिद दिलाएच़ातग, कि परमेश्वरे इस्राएली तिंङ गुलामी दोरच़ी आज़ाद लहरी दंङ दोतिंङ मिस्त्र देशो धकतेखा हति, पर थले दोई दुह भत्ते तिंङ सचे च़रति, अंऊ दोच़ी सुनसान ठहरि दोऊ टोईच़ी भरोसा माह लहरिर।