1 यूहन्ना 2:19 - लाहौली बाइबिल

¹⁹ दोरे मीहरे अंऊ मसीहू विरोध लहज़ा तेर ञेंहतु ए झुंडो बिचंङ ज़ि हुंच़ा इलोर, छना कुचे दोरे हेंदु माह शुहरे। अगर दोरे हेंदु शुंईयां ता हेंदंङ साते बंङज़ा तोहई, पर दोरे अच़ा इलिर, झांह लेह पता लेहती, दोतु बिचंङ ज़ि अरिला हेंदु माह तोईरे।

1 यूहन्ना 2:19 Iomraidhean Croise

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मरकुसो 13:22

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

लूको 8:13

ध्वांए अंऊ बैएजा रघ्चटे ठाहरीरिंङ दह्च़ी तोहई, दोऊ मतलब झांह ठ्रोह तोह कि रेह मीहच़ी परमेश्वरो बचन रेड्री दंङ खुशी रंङ साते मनेक्चि ला। छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। दंङ दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर।

यहून्नो 15:2

हर इच्च़ा डाड़ी अरी गेरंङ साते जुडे़के तोह दंङ अच़ि फल माह रंड्रा, दोबि दोई ट्रिके चरच़ि, दंङ अंऊ डाड़ी फल रंड्रा दोई दुह अंङे चरच़ि।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

प्रेरित 15:24

ञेंहच़ी दी रेड्री तातंई कि ञेंहतु बिचंङ ज़ि रेहज़ि दोहर इलजे, केतिंङ एनोह गप्पा ओ परेशान लेह च़रतिर; दंङ केहतु दिमागारिंङ उल्लझन पैदा लेह च़रतिन पर ञेंहच़ी दोतिंङ हुकुम रांहषी माह शुह।

प्रेरित 20:30

देहर तचेक कि केहतु केनातु विशवासी झुंडो दोरच़ी झांह ठ्रोह मीहरे अपोर, अंऊ चेला तिंङ एनोह थलेसी लहज़िमी थल्जी नोखे गप्पा लहज़ातोर।

रोमियो 9:6

तांला दि सोचेक्सी माह जूंस कि परमेश्वर एनोह वाईदा पूरा लहज़िमी थल्जी नाकाम शुहचे इलि, छना कुचे इस्राएलो खानदाना रिंङ जेह्की भत्ते मीहरे सच्चे इस्राएली र माह तोर।

1 कुरिन्थियों 11:19

वोई, दि हेले तोह कि केहतु बिचंङ बंटवारा शुहबी ज़रूरी तोह। कि दोरे, अंऊ परमेश्वरो दोरच़ी अंङषी तोतोर, छंङीरिंङ अच़ा अपोर।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

2 तीमुथियुस 2:19

तांला परमेश्वरो मीहतु विशवास पक्‍का मुयांदो ठ्रोह बणेंकी बंङज़ा, दंङ दोऊ टोईच़ी झांह ठ्रोह शब्द च़ेहसी तोतोर, “कि प्रभु ज़ि ञेंहच़ा कि दोऊ मीहरे अरि शुहरे” दंङ दि ला कि “अच़िला परमेश्वरो अराधना लहज़ा दोबि बुराई लेह बंद लहज़ी जूंस।”

2 तीमुथियुस 3:9

पर दोतु मुर्खता सिर्फ थोड़े ध्याड़ा तचेक दोतु मदत लोहतो। छना कुचे यन्नेस ए यम्ब्रेस ओ ठ्रोह दोतु मुर्खता ला भत्ते मीहतु तुहई ज़ि प्रगट शुहचे योतो।

इब्रानियों 10:39

हेनर दू मीहतु ठ्रोह माह शुई अंऊ परमेश्वरो टोईच़ी विशवास लहज़ी छोड़ेके चरच़ातोर दंङ नाश शुहचे यवातोर पर हेनर दू मीहतु ठ्रोह शुई अंऊ एनोह विशवासो दोरच़ी अनंत जीवन खोक्शातोर।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

यहूदा 1:19

दिरे ए दुह मीहरे शुहरे अंऊ केतिंङ इच्च़ा झुह्ट शुहबी माह रंड्रातोर। दोरे एनोह हिटी ओ हिसाबे व्यवहार लहज़ातोर, दंङ दोतिंङ पवित्र आत्मा माह।