1 यूहन्ना 2:18 - लाहौली बाइबिल

¹⁸ हे कटुरे, दिह अन्तिम टेम शुह; अपेहल मसीह यह्च़ा वापिस अपतो, दंङ छना केहच़ी रैहशी तातंई कि मसीहू विरोधी अच़ा अंज़े तोतोर, दोऊ हिसाबे हेंतेग ला महसे मसीहू विरोधी अंज़े तोतोर; झांह लेह ञेंहच़ी ञेंहनि कि दि अन्तिम टेम दिए शुह।

1 यूहन्ना 2:18 Iomraidhean Croise

मत्ती 24:11

महस हप्सी भविष्यकंड्रारे अच़ा अपोर, दंङ महस मीहतिंङ धोखा रमोर।

मत्ती 24:24

छना कुचे ता हप्साड़ भबिष्यद्वाक्ता ए हप्साड़ मसीह खड़े शुहचे योतो, दंङ मोह्ड़े निशानी ए अद्धभुत कम कमोर अगर शुहचे इलि साते ता अंङषी दुरेह ला बहकाएकि च़रपोर।

मत्ती 24:5

छना कुचे महस मीहच़ी गिऊ अधिकारो दावा लहच़ी अपोर दंङ कोहर, गेह मसीह शुगाह दंङ महस मीहतिंङ धोखा रमोंर।

मरकुसो 13:6

महस मीहच़ी गिऊ अधिकारो दावा लहच़ी अपोर दंङ कोहर, ‘गेह मसीह शुगाह’ दंङ महस मीहतिंङ धोखा रमोंर।

यहून्नो 21:5

दंङ यीशु ज़ि दोतंङ साते कुंई, “हे गिऊ प्यारे मीहरे, छि केहतु दोर्तिंङ छा ज़ेइमी थल्जी तोह आ?” दोच़ी जुबाब रेंईर, “माह।”

रोमियो 13:11

हेंदु बिचंङ हर इच्च़ा बि इदि-अई दिरंङ साते दाह लेह जूंशी तोह छना कुचे दू टेम कछंङ तोह अपेहल परमेश्वर हेंदिंङ दि बुराई दोरच़ी छुड़ाके च़रपोतो। अपेहल हेनर मुण्डारिंङ मसीहू टोहकठे विशवास लाहतेंई, दू टेमो हिसाबे एंतेग मसीह हेंदिंङ बचाएच़िमी थल्जी वापिस अपिमी ध्याड़ा कछंङ तोह। दि ञेंई, केतिंङ ईमो दोरच़ी चेहके इबि जूंस दंङ खबरदार बंङज़ी जूंशी तोह।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

1 पतरस 1:5

दंङ केहतु विशवासो दोरच़ी, परमेश्वर एनोह सामर्थरंङ साते केहतु रखवाली लहज़ा अपेहल तचेक कि केरे रूठे रंङ उद्धार खोकच़ातंई कि मसीहू वापिस अपिमी ध्याड़ा कंड्रिमी थल्जी तेयार तोतोंई।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।

1 यूहन्ना 2:22

हप्साड़ अरि तोह? दिरे दुह ए शुरे अंऊ दोच़ी इन्कार लहज़ातोर कि यीशु मसीह तोह, दंङ मसीहू विरोधी दुह ए तोह, अंऊ बाह परमेश्वर ए योह इन्कार लहज़ा।

1 यूहन्ना 4:1

हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।

1 यूहन्ना 4:3

दंङ अंऊ लाह मीह यीशुबि माह मनेक्च़ा, दुह परमेश्वरो दोरच़ी माशुह; दिह ए मसीहू विरोधी शुह; केहच़ी रैहशी तातंई, कि दुह अपिमी तोह, दंङ हेंतेग ला संसार रिंङ तोत।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”