1 यूहन्ना 2:17 - लाहौली बाइबिल

¹⁷ संसार ए दोऊ हिटी झुल्ला योह्सा योतो, पर अंऊ परमेश्वरो हिटी टोहकठे ज़ोज़ा दुह हमेशा बणेंके बंङज़ोतो।

1 यूहन्ना 2:17 Iomraidhean Croise

मत्ती 21:31

दिकुतु बिचंङ अच़ि बाहऊ हिटी पुरे लहज़ा?” दोच़ी कुह्तोर “तुहई दोई।” यीशुज़ि दोतिंङ कुहतो, गेह केतंङ हेले कुट्रातग कि चुंगी लेहपच़ा रे ए कुकम लहज़ा केरेबे तुहई परमेश्वरो राज्यरिंङ प्रवेश लोहर।

मत्ती 24:35

सर्ग ए धरती योह्सा योतो, दंङ गिऊ गप्पारे अपेहल योह्सोतो माह।

मत्ती 7:21

अच़ि गेरंङ हे प्रभु, हे प्रभु कुट्रा दोतु बिचंङ ज़ि हर इच्च़ा स्वर्गो राज्यरिंङ तोंखा मेहबोतो पर दुहए अपतो अच़ि गिऊ स्वर्गीय बाहऊ हिटी टोईच़ी जोआ।

मरकुसो 3:35

छना कुचे ता अरी परमेश्वरो हिटीरंङ जोज़तो, दुह ए गिऊ कवचि न्वा ए रिङह ए याह शुह।”

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 6:58

अंऊ रोटी स्वर्गंङच़ि तक्सा, बाह मेमेतु ठ्रोह मशत कि ज़ते दंङ सीए इलिर; अच़िला दिह रोटी ज़ोतो, दुह हमेशा श्रींङी बंङज़ोतो।”

यहून्नो 7:17

अगर अरीया दोऊ हिटी ओ टोहकठे ज़ोअतो ता दोई ञेंह केहतो कि गिऊ शिक्षा परमेश्वरो दोरच़ी अपा या गिऊ दोरच़ी।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

1 कुरिन्थियों 7:31

दंङ दि संसारारंङ छि धिर ञेंहतु कछंङ तोह, ञेंतिंङ दोबि महस खास च़ेहसी माह जूंस, छना कुचे दि संसारारिङ भत्ते धिर योह्सा योतो।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 4:3

परमेश्वरो हिटी दि तो कि केरे पवित्र बणेक्तेंई मतलब कुकम थालांई।

1 थिस्सलुनीकियों 5:18

हर हालातरिंङ परमेश्वरो धन्यवाद लोहवा लंहि; छना कुचे केहतु थल्जी मसीह यीशु रिंङ परमेश्वरो दिए हिटी तोह।

इब्रानियों 10:36

झांह ठ्रोह टेमारिंङ केतिंङ विशवास धीरज़ा रंङ सहन लहज़िमी ज़रूरत तोह, ताकि केरे परमेश्वरो हिटी पूरे लेह तरपोंई। दोहपल केतिंङ दू भत्ते खोकसोतो अतु परमेश्वरे वाईदा लहसी ततो।

याकूब 4:14

पर दि माह ञेंच़ातंई कि मुतंङ छि शोतो दंङ विचार लंहि, कि केहतु जीवन छना तोह? केरे ता डुह ठ्रोह शुई, अंऊ थोड़े ए टेमो थल्जी तंङफी, दंङ यह्च़ा ब्याके इबि।

1 पतरस 1:5

दंङ केहतु विशवासो दोरच़ी, परमेश्वर एनोह सामर्थरंङ साते केहतु रखवाली लहज़ा अपेहल तचेक कि केरे रूठे रंङ उद्धार खोकच़ातंई कि मसीहू वापिस अपिमी ध्याड़ा कंड्रिमी थल्जी तेयार तोतोंई।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।