1 यूहन्ना 2:15 - लाहौली बाइबिल

¹⁵ केहच़ी संसार ए संसारो चीज़ा रंङ साते दाह थालंही। अगर अच़िया संसारारंङ साते दाह तहच़ा ता, दंङ दोऊ अन्द्रेग बाह परमेश्वरो दाह माह।

1 यूहन्ना 2:15 Iomraidhean Croise

मत्ती 4:8

दंङ शेतान दोबि रंगी गोऊ टोईच़ी रेंज़ा शिली दंङ भत्ते संसारो राज ए टंगा-ढबाह कंङाते।

मत्ती 6:24

छना कुचे अच़िला मीहज़ी इच्च़ा टेमारिंङ झुह्ट मालिको सेवा लेह मरछी, छना कुचे दोई इदिरंङ मांजी लोहतो ऊईरंङ दाह लोहतो, छिता इदिरंङ मिलेकी बंङ जोतो ऊई दिबी कवचि चेहपोतो केहच़ी परमेश्वरे ए ढबाह झुह्ट लोह सेवा लेह मरच़ि।

लूको 16:13

“अच़िला परगरे इच्च़ा टेमारिंङ झुह्ट मालिको सेवा लेह मरच़ि; छना कुचे दोई इच्च़ारंङ साते बैर अईदिरंङ दाह तोहतो; छिता इदिरंङ मिलेकी बंङज़ोतो अईदीबी क्वाच़ी चेहपोतो: केहच़ी परमेश्वर ए ढबाह झुल्लो सेवा लेह मरच़ि।”

यहून्नो 15:19

अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

गलातियों 1:10

साफ तरीका रंङ, गेह मीहतिंङ खुश लहज़िमी कोशिश माह लहज़ातग, पर गेह बाह परमेश्वरा बि खुश लहज़ी तातग। अगर गेह एंतेग तचेक मीहतिंङ ए खुश लहज़ा शुचंङ ता गेह मसीहू सेवक माह शुचंङ।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

1 यूहन्ना 3:17

पर अतु लाह दोर्तिंङ संसारो टंगा ढबाह तोह दंङ दोई एनोह विशवासी न्वाऊ ज़रुरतो मुक्का दोबि रें दोऊ टोईच़ी तरस लेह माह जुंज़ा, दंङ दोऊ अन्द्रेग परमेश्वरो दाह छना बणेंके बंङज़तो?

1 यूहन्ना 4:5

दोरे हप्साड़ भविष्यवक्तार संसारो शुहरे, झांह लेह दोरे दिह संसारो गप्पारे कुट्रातोरे, दंङ संसारो मीहरे दोतु रेड्रा तोर।

1 यूहन्ना 5:10

अंऊ परमेश्वरो योह टोईच़ी विशवास लहज़ा, दोई ञेंहच़ा कि परमेश्वरे छिल्ला लाह कुहषी ततो दुह हेले शुह, अच़ि परमेश्वरो टोईच़ी विशवास माह लहज़ा, दोई परमेश्वर बि हप्सी ठहराएति, छना कुचे दोई दुह गवाही टोहकठे विशवास माह लहरी, अंऊ परमेश्वरे एनोह योह पाहठी रांहषी ततो।