1 यूहन्ना 2:13 - लाहौली बाइबिल

¹³ हे सेंहणा रे, छना कुचे केहच़ी ञेंहच़ातंई, अंऊ शुरूआत बेहच़ी तोह, दोबि केहच़ी ञेंच़ातंई। हे जवान रे, गेह केतिंङ झांह लेह चेहच़ातग कि केहच़ी दुह मांजी शेतानो टोहकठे जय खोकसी तातंई; हे कटुरे, गेह केतिंङ झांह लेह चेहच़ातग, कि केहच़ी बाह परमेश्वर बि ञेंहई चरच़ातंई।

1 यूहन्ना 2:13 Iomraidhean Croise

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 13:19

अच़िला परमेश्वरो राज्यऊ वचन थहशे ला माह ञेंहच़ा, दोऊ सेहमरिंङ छिला एहसी तोहई दुह मांजी दोई अंज़े ख्युलजे रेंज़ा शिलज़ा।

मत्ती 13:38

रीह दीह संसार शुह, अंऊ रूठे बेजा तोह दोऊ मतलब दोरे मीहरे अंऊ परमेश्वरा बि एनोह सेहमरिंङ राज लेह रंड्रातोर, दंङ जंगली बेजो मतलब दोरे मीहरे अंऊ कम दोच़ी लहच़ातोर शेताना बि रुठे च़ेहसी।

मत्ती 5:37

पर केहतु गप्पा हाँ ओ हाँ ना ओ ना शुहबी जूंस छना कुचे छिला दिहबे महस शोतो दुह शेतानो दोरच़ी शुहबी।

लूको 10:22

“गिऊ बाहे गिह्बी भत्तेधिर रांहषी ततो, सिर्फ बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।”

यहून्नो 14:7

अगर केहच़ी हेले ए गेह सेह्सी शुहचंङ, ता गिऊ पिता परमेश्वर बि ला सेहच़ी तोहई; दिऊ थल केहच़ी दुह ञेंह केहतन दंङ दुह खांई ला केहतन।”

यहून्नो 14:9

यीशु ज़ि दोऊ हखा कुंई, “हे फिलिप्पुस, गेह धोंण ध्याड़ा बे करंङ साते तोतोग, दंङ छि केई गेह माह ञेंहना? अच़िला गेह तंङसी शुह दोई पिता परमेश्वर ला तंङसी शुह: केई छिले कुट्रातन पिता परमेश्वर बि ञेंतिंङ कंड्रु?

यहून्नो 16:3

दंङ दोरे झांह दिऊ थल्जी लोहर, छना कुचे दोच़ी माह पिता परमेश्वर बि ञेंहच़ातोर माह गिह्बी ञेंहच़ातोर।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 8:19

दोथल दोच़ी यीशु रुहक्ती, “कांह पिता परमेश्वर अंऊर तोह?” यीशु ज़ि जुबाब रेंई, “माह केहरे गिह्बी ञेंहच़ातोन माह गिऊ पिता परमेश्वर बि, अगर केहच़ी गिह्बी सेहशङ, ता पिता परमेश्वर बि सेहच़ी तोहई।”

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

1 तीमुथियुस 5:1

अरिला यङदे मीहबी अपमान लहज़िमी ठ्रोह रैहचु था पर दोबि केनोह बाह ओ बराबर चेहके आदरा रंङ समझाएक्तुंई, दंङ जवानातिंङ केनातु न्वा चेहके सलाह रांई।

तीतुस 2:6

ध्वांए जवान गंङमीतिंङ ला समझाए कि च़रतुंई, कि दोरे एनोह टोईच़ी काबू लहज़ा जूंशी तोह।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 2:1

हे गिऊ प्यारे कटुरे, गेह दि गप्पारे केतिंङ झांह लेह चेहच़ातग कि केहच़ी पाप थालंही। दंङ अच़िया पाप लहरी ता, दंङ बाह परमेश्वर ओ कछंङ हेंदु थल्जी इच्च़ा सहायक तोह; अंऊ हेंदु पापो माफी ऊ थल्जी बाह परमेश्वर रंङ साते प्रार्थना लहज़ा मतलब यीशु मसीह अंऊ धर्मी तोह।

1 यूहन्ना 2:12

हे कटुरे, गेह केतिंङ झांह लेह चेहच़ातग, कि यीशु मसीहू मिंदंङ केहतु पाप माफ शुहचे तोतोर।

1 यूहन्ना 2:14

हे सेंहणा रे, गेह केतिंङ दिऊ थल्जी चेहच़ातग, कि अंऊ शुरूआत बेहच़ी तोह केहच़ी दुह सेहच़ी चरच़ातंई। हे जवान रे, गेह केतिंङ झांह लेह च़ेहसी तरेग, कि बलवन्त शुहचे तोहई, दंङ परमेश्वरो बचन केतंङ साते बणेंके बंङज़ोतो, दंङ केहच़ी दुह मांजी शेतानो टोहकठे जय खोकच़ातंई।

1 यूहन्ना 3:12

दंङ आदमो योह कैनो ठ्रोह थाह बणेक्तुंई, दंङ अच़िला एनोह न्वाऊ हत्या लेह केट्रा, दंङ दोऊ हत्या छिल्ले लहरी? झांह लेह कि दोऊ कम मांजी तोईरे, दंङ दोऊ न्वाऊ कम धर्मो तोईरे।

1 यूहन्ना 4:4

हे प्यारे कटुरे, केरे परमेश्वरो शुई, दंङ केहच़ी दुह हप्साड़ भविष्यवक्तातु टोहकठे जय खोकशी केहतंई; छना कुचे पवित्र आत्माओ सामर्थ अंऊ केहतु अन्द्रेग तोह, दुह शेतानो सामर्थ बे मोह्ड़े तोह, अंऊ दि संसारारंङ तोह।

1 यूहन्ना 5:18

ञेंहच़ी ञेंहच़ातंई कि अरिला परमेश्वरो कटु शुह, दोई लगातार पाप माह लहज़ा; छना कुचे परमेश्वरो योह यीशु मसीह दोबि बचाके तहच़ा: दंङ दुह मांजी शेतान दोबि थोह्की लाह मरछा।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।